Մարտիրոս Միրաքյան
- Վիքիպեդիայում կան հոդվածներ Միրաքյան ազգանունով այլ մարդկանց մասին։
Մարտիրոս Կարապետի Միրաքյան (1883[1], Շուլավեր, Բորչալուի գավառ, Ռուսական կայսրություն[1] - 1913[1], Դոնի Ռոստով, Դոնի զորքի մարզ, Ռուսական կայսրություն[1], կուսակցական ծածկանունները՝ Շանթ, Գյուղական ուսուցիչ), պրոֆեսիոնալ հեղափոխական, հրապարակախոս, ՌՍԴԲԿ անդամ (1903)։
| Մարտիրոս Միրաքյան | |
|---|---|
| Ծնվել է | 1883[1] |
| Ծննդավայր | Շուլավեր, Բորչալուի գավառ, Ռուսական կայսրություն[1] |
| Մահացել է | 1913[1] |
| Մահվան վայր | Դոնի Ռոստով, Դոնի զորքի մարզ, Ռուսական կայսրություն[1] |
| Քաղաքացիություն |  Ռուսական կայսրություն |
| Մասնագիտություն | պրոֆեսիոնալ հեղափոխական և հրապարակախոս |
| Կուսակցություն | Ռուսաստանի սոցիալ-դեմոկրատական բանվորական կուսակցություն[1] |
Եղել է բոլշևիկներ Ստեփան Շահումյանի և Կամոյի համախոհներից։ Հեղափոխական շարժումների մեջ ընդգրկվել է 1900 թվականից։ Մասնակցել է ՌՍԴԲԿ Կովկասյան միության ստեղծմանը։ 1904 թվականի վերջերին ուղարկվել է Հայաստան՝ տեղում ամրապնդելու սոցիալ-դեմոկրատների խմբակների աշխատանքը և կազմակերպելու նորերը։ 1905 թվականի մայիսին ընտրվել է ՌՍԴԲԿ Երևանի նորաստեղծ կազմակերպության կոմիտեի անդամ։ Նույն թվականի նոյեմբերին ՌՍԴԲԿ Կովկասյան միության IV կոնֆերանսում ընտրվել է զինված ապստամբությունը նախապատրաստող Ռազմատեխնիկական հանձնաժողովի կազմում։
1906-1907 թվականներին աշխատակցել է «Բանվորի ձայն», «Կայծ», «Նոր խոսք», «Օրեր», «Ֆակտի» (ռուսերեն), «Կոչ-Դևեթ» (հայերեն և ադրբեջաներեն) բոլշևիկյան թերթերին։ Հեղափոխական ակտիվ գործունեության համար քանիցս բանտարկվել է։ Փախել է Ալեքսանդրապոլի (Գյումրի) և Բաքվի՝ Բայիլովի բանտերից։
1911 թվականին ձերբակալվել է Հյուսիսային Կովկասում։ Մահացել է Դոնի Ռոստովի բանտում։
Ծանոթագրություններ խմբագրել
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 7, էջ 615)։ 
|