Մարտիրոս Բադալյան
Մարտիրոս Խաչատուրի Բադալյան (հուլիսի 26, 1952, Բանանց, Դաշկեսանի շրջան, Ադրբեջանական ԽՍՀ, ԽՍՀՄ), հայ գեղանկարիչ, կոլաժի վարպետ, ՀՀ վաստակավոր նկարիչ (2020)
Մարտիրոս Բադալյան | |
|---|---|
| Ծնվել է | հուլիսի 26, 1952 (71 տարեկան) |
| Ծննդավայր | Բանանց, Դաշկեսանի շրջան, Ադրբեջանական ԽՍՀ, ԽՍՀՄ |
| Քաղաքացիություն |  Հայաստան |
| Կրթություն | Փանոս Թերլեմեզյանի անվան գեղարվեստական ուսումնարան (1972) և Երևանի պետական գեղարվեստա-թատերական ինստիտուտ (1975) |
| Մասնագիտություն | նկարիչ |
| Պարգևներ | |
| Անդամակցություն | Հայաստանի նկարիչների միություն |
Կենսագրություն խմբագրել
Մարտիրոս Բադալյանը ծնվել է 1952 թվականին Բանանց գյուղում[1]։ 1964 թվականից ապրում և ստեղծագործում է Երևանում։ 1968-1972 թվականներին սովորել է Փանոս Թերլեմեզյանի անվան գեղարվեստի ուսումնարանում, 1975 թվականին ընդունվել է Երևանի գեղարվեստա-թատերական ինստիտուտը։ 1982-1988 թվականներին աշխատել է ուսումնական թատրոնում որպես նկարիչ բեմադրող, 1988 թվականից Երևանի խամաճիկների պետական թատրոնի գլխավոր նկարիչ։ 1988 թվականից Հայաստանի նկարիչների միության և ԽՍՀՄ նկարիչների միության անդամ է, 1996 թվականից՝ նկարիչների միջազգային միության՝ ՅՈՒՆԵՍԿՕ-ի անդամ։
Ստեղծագործական գործունեություն խմբագրել
Մարտիրոս Բադալյանը մի շարք թատրոններում ձևավորել է 40-ից ավելի ներկայացումներ։ Որպես բեմադրող նկարիչ մասնակցել է 12 գեղարվեստական կարճամետրաժ ֆիլմերի աշխատանքներին, որոնցից 4-ը ֆրանսիական ֆիլմերում։
Բադալյանի ստեղծագործությունները գտնվում են Չեխիայի, Գերմանիայի, Ֆրանսիայի, Իտալիայի, Շվեյցարիայի, Հոլանդիայի, Բելգիայի ԱՄՆ-ի, Ճապոնիայի և այլ երկրների մասնավոր հավաքածուներում։
Ցուցահանդեսներ խմբագրել
- 1984 Երևան, Դերասանի տուն
- 1991 Երևան, Ժուռնալիստների տուն
- 1991 Ավստրիա, Վիեննայի ազգային թանգարան
- 1992 Ֆրանսիա, Մարսել, Նիս
- 1993 Երևան, Երվանդ Քոչարի թանգարան
- 1996 Գերմանիա, Բոխում
- 1996 Երևան, Հայաստանի նկարիչների միություն
- 1999 Երևան, Հայաստանի նկարիչների միություն
- 2003 Երևան, Արամ Խաչատրյանի տուն-թանգարան
- 2007 Ֆրանսի, Թուր