Մարկոս Յուստինոս

Մարկոս Հունիանոս Յուստինոս (Justinus), (ծն․ և մահ․ թվականները անհայտ), 2-րդ-3-րդ դարերի հռոմեացի պատմիչ։ Յուստինոսի գործը մ․ թ․ ա․ 1-դդ․ հռոմեացի պատմագիր Պոմպեոս Տրոգոսի չպահպանված աշխատության («Փիլիպպոսի պատմությունը», կազմված էր 44 գրքից) համառոտ շարադրանքն է։ Պոմպեոս Տրոգոսի երկը եղել է ծավալուն մի գործ և ընդգրկել է հին հույներին ու հռոմեացիներին հայտնի բոլոր ժողովուրդների ու երկրների պատմությունը՝ Ասորեստանի ավանդական թագավորներից մինչև Օգոստոս կայսրի ժամանակաշրջանը, իսկ Յուստինոսը քաղել է առավել ուշադրության արժանի փաստերը, մշակել դրանք՝ երբեմն թույլ տալով անճշտություններ։ Գրքերում կարևոր տեղեկություններ կան Հայաստանի Աքեմենյան ժամանակաշրջանի, Տիգրան Մեծի գործունեության (դաշինքը Միհրդատ VI Եվպատորի հետ, Սելևկյանների թագավորության գրավումը և այլն), Հայաստանի աշխարհագրության մասին։

Մարկոս Յուստինոս լատ.՝ Marcus Iunianus Iustinus Frontinus
Ծնվել է	մոտ 2-րդ դար
Մահացել է	մոտ 2-րդ դար
Քաղաքացիություն	Հին Հռոմ
Երկեր	Epitome of the Philippic History of Pompeius Trogus?
Մասնագիտություն	պատմաբան
Marcus Junianus Justinus Վիքիպահեստում

Epitome historiarum Trogi Pompeii

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։