Մարիա Չմշկյան (երգչուհի)

Անվան այլ կիրառումների համար տե՛ս՝ Մարիա Չմշկյան (այլ կիրառումներ)

Մարիա Ռուբենի Չմշկյան (հուլիսի 17, 1918(1918-07-17), Թիֆլիս, Վրաստանի Դեմոկրատական Հանրապետություն - փետրվարի 28, 2005(2005-02-28), Երևան, Հայաստան), հայ օպերային երգչուհի, ՀԽՍՀ վաստակավոր արտիստ։

Մարիա Չմշկյան
Հիմնական տվյալներ
Ի ծնե անուն	Մարիա Ռուբենի Չմշկյան
Ծնվել է	1918 հուլիսի 17 Թիֆլիս, Վրաստանի Դեմոկրատական Հանրապետություն
Երկիր	Հայաստան և  ԽՍՀՄ
Մահացել է	փետրվարի 28, 2005(2005-02-28) (տարիքը 86) Երևան, Հայաստան
Ժանրեր	օպերա
Մասնագիտություն	Երգչուհի
Գործիքներ	վոկալ
Կրթություն	Ռոմանոս Մելիքյանի անվան պետական երաժշտական քոլեջ և Երևանի Կոմիտասի անվան պետական կոնսերվատորիա

Կենսագրություն

Սովորել է Երևանի երաժշտական ուսումնարանի վոկալի բաժնում, ապա՝ Երևանի Կոմիտասի անվան պետական կոնսերվատորիայում։ Եղել է Հայֆիլհարմոնիայի կապելլայի, ապա՝ Սպենդիարյանի անվան օպերայի և բալետի ազգային ակադեմիական թատրոնի մենակատար։ Հանդես է եկել բազմաթիվ օպերային ներկայացումներում։ Եղել է ՀԽՍՀ թատերական գործիչների միության անդամ, մի շարք երաժշտական և ձայնի պահպանման դպրոցների մանկավարժ, Երևանի քաղաքային խորհրդի պատգամավոր (1957-1959)։ Արժանացել է մի շարք շքանշանների, պարգևների, մրցանակների։

Դերերգեր

• Բիզեի «Կարմեն»
• Սեն-Սանսի «Սամսոն և Դալիլա»
• Գունոյի «Ֆաուստ»
• Ռուբինշտեյնի «Դևը»
• Չայկովսկու «Պիկովայա դամա», «Իոլանտա»
• Վերդիի «Տրուբադուր», «Ռիգոլետտո», «Աիդա»
• Արմեն Տիգրանյանի «Ալմաստ», «Անուշ», «Դավիթ Բեկ»
• Չուխաճյանի «Արշակ Բ», «Լեբլեբիջի Հոր-հոր աղա», «Քյոսե Քեհյա»
• Ռիմսկի-Կորսակովի «Թագավորի հարսնացուն»
• Բորոդինի «Իշխան Իգոր»
• Բաբաևի «Արծվաբերդ»
• Հարությունյանի «Սայաթ-Նովա»