Մարգորգ Ներքին

Մարգորգ Ներքին, գյուղ Արևմտյան Հայաստանում, Բիթլիսի վիլայեթի Բիթլիսի գավառում, Փարխանդի գյուղախմբում։ Գտնվում էր Բիթլիս քաղաքից 6 կմ հարավ-արևելք՝ Բիթլիս գետի աջ ափից 2 կմ արևմուտք։

Գյուղ
Մարգորգ Ներքին
Վարչական տարածք	Արևմտյան Հայաստան
Վիլայեթ	Բիթլիսի վիլայեթԲիթլիսի վիլայեթ
Գավառ	Բիթլիսի գավառ
Այլ անվանումներ	Մարգորգ, Մարգորք, Մարդորգ, Մարկոկ, Մարկորկ
Պաշտոնական լեզու	Հայերեն
Բնակչություն	182 մարդ (1909)
Ազգային կազմ	Հայեր (մինչև Մեծ եղեռնը)
Կրոնական կազմ	Քրիստոնյա (մինչև Մեծ եղեռնը)
Տեղաբնականուն	մարգորգցի
Ժամային գոտի	UTC+3
Մարգորգ Ներքին (Աշխարհ)

Գյուղը եղել է գրչության կենտրոն։

Բնակչություն

1909 թվականին ուներ 25 տուն՝ 182 հայ բնակչով։ 1895 թվականին գյուղի բնակիչները թուրքերի կողմից ենթարկվել են կողոպուտի և ջարդի։ Ողջ բնակչությունը զոհ է գնացել 1915 թվականի Մեծ եղեռնին։

Տնտեսություն

Բնակչության հիմնական զբաղմունքը երկրագործությունն ու անասնապահությունն էր։

Պատմամշակույթային կառույցներ

Մարգորգ Ներքինն ուներ Ս. Աստվածածին եկեղեցի։ Մարգորգ և Հորմըզ գյուղերի միջև էր գտնվում Ծակքար ապառաժը, որով անցնում էր Բիթլիս-Սղերդ ճանապարհը։

Տես նաև

• Բիթլիսի նահանգի հայաբնակ բնակավայրեր

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 7, էջ 304)։