Մարգարիտա (կղզի)

Մարգարիտա;
Տեսակ	կղզի
Երկիր	Վենեսուելա
Վարչատարածքային միավոր	Nueva Esparta? և Վենեսուելայի դաշնային տիրույթներ
Վայր	Կարիբյան ավազան
Մասն է	Leeward Antilles? և Փոքր Անտիլյան կղզիներ
Երկարություն	69,4 կմ
Լայնություն	33,2 կմ
Մակերես	1020 կմ²
Ամենաբարձր կետը	Montaña de Copey?
Բնակչություն	489 917 մարդ (2022)

Մարգարիտա կղզի (իսպ.՝ Isla Margarita)^[4], խոշոր կղզի Վենեսուելայում, տեղակայված Կարիբյան ծովի հարավային մասում։ Ավելի փոքր Կոչե և Կուբագուա կղզիների հետ կազմում են կղզեխումբ, որը Վենեսուելայի միակ կղզային Նուևա Էսպարտա պրովինցիան (Նոր Սպարտա) է։ Կղզին կարևոր դեր է խաղացել Վենեսուելայի պատմության մեջ^[5]։ Կղզու մակերեսը 1071 կմ² է։ Բնակչությունը 490 000 մարդ (2011 թվականի տվյալներով)^[6]։

Աշխարհագրություն

Մարգարիտա կղզին Կարիբյան ծովի խոշոր կղզիներից մեկն է, որը պատկանում է Վենեսուելայի Հանրապետությանը՝ 1071 կմ² տարածքով։ Կղզին իրենից ներկայացնում է երկու լեռնային զանգված, միացված նեղ ավազային ուղիով՝ 18 կմ երկարությամբ։ Կղզու կոորդինատներն՝ 10° 52' ու 11° 11' հյուսիսային լայնության և 63° 47' ու 64° 24' արևմտյան երկայնության։ Կղզին մայրցամաքից անջատված է 22 կմ երկարությամբ նեղուցով։ Կղզու երկարությունը 69,2 կմ, առավելագույն լայնությունը 34,6 կմ։ Կլիման չոր արևադարձային է 24-ից 37 °C ջերմաստիճաների արանքում։

Նուեվա Էսպարտայի քարտեզ

Պատմություն

1840 թվական Ագուստին Կոդացի քարտեզ

Կղզին հայտնագործել է Քրիստափոր Կոլումբոսը 1498 թվականին և այն անվանեց արքայադուստր Մարգարիտա Ավստրիացու անունով, դարձնելով կղզին իսպանական գաղութ (Իսպանական կայսրություն)։ 1561 թվականին կղզին գրավեց Լոպե դե Ագիրեի կողմից։ 1675 թվականին կղզին նորից է գրավվել կարմիր ոտնազրահ^[7] ծովահենի կողմից, որը հայտնի էր իր բարոյասիրությամբ և բարոյականությամբ. նա թույլ տվեց իսպանական նավերը դուրս գալ կղզուց՝ վերցնելով նրանց զենքերը մարգարիտները և ոսկիները։ 1814 թվականին կղզիաբնակները սկսեցին ազատության համար պայքար և առաջինը ստացան այն Սիմոն Բոլիվարի գլխավորությամբ։ Կղզու նկատմամբ հավակնություններ սկսվեցին 1902-1903 թվականների կրիզիսի ժամանակ Գերմանական կայսրության կողմից, այն հաշվարկով որպեսզի բազա ունենա Կարիբյան ավազանում, սակայն ԱՄՆ-ի ներգրավումը ստիպեց նահանջել։

Կլիմա

Այն բնութագրվում է հիմնականում կիսամյակային չորային՝ արևադարձային չոր կլիմայի ուղեկցությամբ։ Միջին ջերմաստիճանը 27 °C է, նվազագույնի տատանվում է 22 °-ից 23 °C-ի սահմաններում, իսկ առավելագույն, կարող է հեշտությամբ գերազանցել 34 °C: Կան բացառություններ, երբ կարելի է հանդիպել մի տեսակ լեռնային կլիմայի, որտեղ ջերմաստիճանը կարող է կտրուկ իջնել մինչև 14 °C: Տեղատարափները տարածված են ձմռան ամիսներին. անձրևոտ սեզոնը սկսվում է հուլիսի կեսին և ավարտվում հոկտեմբերին (թեև սովորաբար բավական հազվադեպ)։

Ժամանցի ներուժ

Մարգարիտա կղզու թութակ

Կղզին համարվում է Վենեսուելայի գլխավոր կուրորտային վայրերից մեկը։ Շատ հարուստ մարդիկ Կարակասինց ունեն առանձնատներ կղզում։ Առաջ այն եղել է շատ հայտնի տուրիստների համար (հատկապես գերմանացիների), սակայն քաղաքական իրավիճակը ժամանակակից Վենեսուելայում, ինչպես նաև ճգնաժամը Եվրոպայում հանգեցրեց տուրիստական հոսքերի նվազեցմանը։

Կղզիում գտնվում է երկու ազգային այգի և երեք վայր, որտեղ կան թռչունների բազմաթիվ տեսակներ՝ ֆլամինգո, հավալուսն, թութակ և այլն։

Տնտեսություն

Իր հիանաի լողափերի և գեղատեսիլ լեռների շնորհիվ, որոնք մեծ հանրաճանաչություն ունեն զբոսաշրջիկների մոտ թե մայրցամաքից և թե դրա սահմաններից դուրս, ինչպես նաև իր արևային ու չորային կլիմայի համար կղզին անվանում են Կարիբյան ծովի մարգարիտ։ Մարգարիտա կղզում կատարվում են չարթերային չվերթներ Եվրոպայից (Լեհաստան և Չեխիա) և Կանադա։ Բայց ավելի հաճախ ճանապարհորդները կղզի են հասնում Վենեսուելայի մայրաքաղաքի (Կարակաս) միջոցով։ Հիմնական արդյունաբերական ճյուղերն են՝ տուրիզմը, ձկնորսությունը և շինարարությունը։ Կղզին հայտարարված է ազատ առևտուրի գոտի։