Մանուկ Մկրտչյան

Մանուկ Աշոտի Մկրտչյան (դեկտեմբերի 23, 1952(1952-12-23) գ. Գորհայք, Սիսիանի շրջան), ՀՀ պետական գործիչ, ՀՀ կրթության և գիտության նախարարի տեղակալ (2009-2018 թթ.)։

Մանուկ Մկրտչյան
Ծնվել է	դեկտեմբերի 23, 1952(1952-12-23) (71 տարեկան)
Քաղաքացիություն	Հայաստան
Կրթություն	Երևանի պետական համալսարան
Գիտական աստիճան	մանկավարժական գիտությունների դոկտոր
Մասնագիտություն	մաթեմատիկոս
Պարգևներ և մրցանակներ
Manuk Mkrtchyan Վիքիպահեստում

Կրթություն

• 1970-1975 թթ. - սովորել է ԵՊՀ մեխանիկամաթեմատիկական ֆակուլտետում՝ մաթեմատիկոսի որակավորմամբ։
• 1978-1981 թթ. - ուսանել է ԽՍՀՄ գիտությունների ակադեմիայի Սիբիրյան բաժանմունքի ֆիզիկայի ինստիտուտի ասպիրանտուրայում։ Ֆիզիկամաթեմատիկական գիտությունների թեկնածու։
• Մանկավարժական գիտությունների դոկտոր։ ՌԴ Սոցիալական մանկավարժական գիտությունների ակադեմիայի իսկական անդամ։

Աշխատանքային գործունեություն

• 1976-1977 թթ. - աշխատել է Աբովյանի շրջանի Գառնի գյուղի թիվ 2 միջնակարգ դպրոցում որպես մաթեմատիկայի ուսուցիչ։
• 1977-1978 թթ. - Հայկական ԽՍՀ գիտությունների ակադեմիայի մաթեմատիկայի ինստիտուտի կրտսեր գիտաշխատող։
• 1982-1983 թթ. - աշխատել է Կրասնոյարսկի ռադիոտեխնիկայի գործարանում որպես ինժեներ։
• 1983-1988 թթ. - Կրասնոյարսկի պետական համալսարանի ավագ դասախոս։
• 1988-1993 թթ. - Կրասնոյարսկի ուսուցիչների վերապատրաստման ինստիտուտի ամբիոնի վարիչ։
• 1993-1996 թթ. - Կրասնոյարսկի Կրասնոյարսկի կրթության զարգացման կենտրոնի բաժնի վարիչ։
• 1996-1999 թթ. - ՀՀ կրթության և գիտության նախարարության մանկավարժական գիտահետազոտական ինստիտուտի տնօրեն։
• 1999-2007 թթ. - ՀՀ կրթության և գիտության նախարարության կրթության ազգային ինստիտուտի բաժնի վարիչ։
• 2007 թ. - «Գնահատման և թեստավորման կենտրոն» ՊՈԱԿ տնօրենի տեղակալ։
• 2007-2009 թթ. - «Գնահատման և թեստավորման կենտրոն» ՊՈԱԿ տնօրեն։
• 2009 թ. մայիսի 4-ին ՀՀ Վարչապետի որոշմամբ նշանակվել է Հայաստանի Հանրապետության կրթության և գիտության նախարարի տեղակալ, 2018 թվականի հունիսի 8-ին ազատվել է զբաղեցրած պաշտոնից։

Պարգևներ և կոչումներ

• Մովսես Խորենացու մեդալ (2011)։

Ամուսնացած է, ունի երկու զավակ։