Մանուել Տոլսա

Մանուել Տոլսա;
	Մանուել Տոլսայի դիմանկարը, հեղինակ՝ Ռաֆայել Խիմենո Պլանես
Ի ծնե	Մանուել Տոլսա
Ծնվել է	1757 մայիսի 4
Ծննդավայր	Էնգուերա, Վալենսիա շրջան
Մահացել է	դեկտեմբերի 24, 1816 (տարիքը 59)
Վախճանի վայրը	Մեխիկո
Քաղաքացիություն	Իսպանիա և Մեքսիկայի Միացյալ Նահանգներ
Կրթություն	Սան Կարլոսի կերպարվեստի թագավորական ակադեմիա և Սան Ֆեռնանդոյի գեղարվեստի թագավորական ակադեմիա
Ստեղծագործություն(ներ)	Hospicio Cabañas?, Կառլ IV-ի ձիարձան և Palacio de Minería?
Մասնագիտություն	ճարտարապետ, քանդակագործ, նկարիչ և համալսարանի դասախոս
Գործունեությունը	քանդակագործ; ճարտարապետ
ազդվել է	Vicent Gascó i Massot? և Antoni Gilabert Fornés?
	Ստորագրություն;
	Manuel Tolsá Վիքիպահեստում

Մանուել Տոլսա (իսպ.՝ Manuel Tolsá, մայիսի 4, 1757(1757-05-04)^[1], Էնգուերա, Իսպանիա - դեկտեմբերի 25, 1816(1816-12-25), Մեխիկո, Մեքսիկայի Միացյալ Նահանգներ), մեքսիկացի նեոդասական ճարտարապետ և քանդակագործ։

ԿենսագրությունԽմբագրել

Մանուել Տոլսան սովորել է Վալենսիայի Սան Կառլոս Թագավորական ակադեմիայում և Մադրիդի Սան Ֆեռնանդոյի Թագավորական ակադեմիայում։ Քանդակագործություն է ուսուցանել Խոսե Պուչոլի մոտ, ճարտարապետություն՝ Ռիբելեսի, Գասկոյի և Ջիլաբերտի մոտ։ Իսպանիայում եղել է թագավորական պալատի քանդակագործ և Սան Ֆեռնանդոյի ակադեմիկոս։ 1790 թվականին նշանակվել է Մեխիկոյի Սան Կառլոս ակադեմիայի տնօրեն։ 1791 թվականին Կադիսից ճամփորդելով իր հետ Նոր Իսպանիա է բերել գրքեր, դասախոսական ցուցումներ, Վատիկանի թանգարանից դասական քանդակագործության գիպսե պատճեններ։ Ամուսանցած է եղել Մարիա Լուիզա դե Սանս Տելսեզ Գիրոն ի Էսպինոզայի հետ։

Մեխիկո ժամանելով՝ Տալսան քաղաքի կառավարման խորհրդի կողմից նշանակվում է ջրային համակարգերի մատակարարման և ոռոգման վերահսկիչ, և նրան է հանձնարարվում Ալամեդա սենտրալ զբոսայգու կանաչապատումը։ Այս պաշտոնի համար նա փոխհատուցում չէր ստանում։ Այնուհետև նա իրեն նվիրում է արվեստին։

Ստեղծել է նաև կահույք, զարդեր խորանների համար, բացել բաղնիքներ։ Սան Կառլոս ակադեմիային է նվիրել շուրջ 300 մետաղադրամ և մեդալ^[2]։

ՄահԽմբագրել

Տոլսան մահացել է 1816 թվականին՝ ստամոքսի խոցից։ Աճյունն ամփոփված է եղել Սանտա Վերակրուս եկեղեցում, հետագայում տեղափոխել են Սան Ֆեռնանդո։

El Caballito ձիարձանը Մանուել Տոլսա հրապարակում

Hospicio Cabañas համաշխարհային ժառանգություն 1997 թվականից

Ստեղծագործություններ ՄեքսիկայումԽմբագրել

Մեխիկոյի տաճարի աշխատանքներ (գմբեթ և ճակատային հատված)։ Աշխատանքներն ավարտել է 1811 թվականին։
Մեխիկոյի հանքային թանգարան (1797-1813)
Կառլ IV-ի ձիարձան (1796-1803)
Վուենավիստային հին պալատը (այժմ՝ Սան Կառլոս թանգարան)
Պուեբլայի տաճարի գլխավոր խորանը
Սան Դոմինգո եկեղեցու գլխավոր խորանը
Լա Պրոֆեսա եկեղեցու գլխավոր խորանը
La Purísima Concepción եկեղեցու գլխավոր խորանը
San Felipe de Jesús-ին նվիրված Carmelite մենաստանի գլխավոր խորանը (չի պահպանվել)
Դեպի Տոլուկա տանող ճանապարհի սկզբնամասի ցայտաղբյուր, կոթող և բուրգ (չի պահպանվել)
Կիսանդրի Էռնան Կորտեսի գերեզմանին
Մորելիա տաճարում Հիսուսի բրոնզե արձաններ
Լորետո եկեղեցու նեոդասական դիզայն

ԾանոթագրություններԽմբագրել

↑ Բրոքհաուզի հանրագիտարան (գերմ.) / Hrsg.: Bibliographisches Institut & F. A. Brockhaus, Wissen Media Verlag
↑ "Tolsá, Manuel," Enciclopedia de México, v. 13. Mexico City: 1987.

Արտաքին հղումներԽմբագրել

Տոլսայի կենսագրականը Archived 2007-04-26 at the Wayback Machine.

	Մանուել Տոլսա Վիքիպահեստում

[_fcc3dc976006a8e1-1] Բրոքհաուզի հանրագիտարան (գերմ.) / Hrsg.: Bibliographisches Institut & F. A. Brockhaus, Wissen Media Verlag

[2] "Tolsá, Manuel," Enciclopedia de México, v. 13. Mexico City: 1987.

[1]

[2]