Բացել գլխավոր ցանկը

Մանուել Սարգսյանց (գերմ.՝ Emanuel Sarkisyanz), 1923, հունիսի 23, Բաքու - 2015, մարտի 12), սոցիոլոգ, քաղաքագետ, պատմաբան, Հայդելբերգի համալսարանի պատվավոր պրոֆեսոր, Մեքսիկայի Մերիդա քաղաքի գիտությունների ակադեմիայի անդամ։ Ռուսաստանի, Լատինական Ամերիկայի, Հարավ-Արևելյան Ասիայի ժողովրդական սոցիալիզմի կրոնական ակունքների հետազոտող[1]։

Մանուել Սարգսյանց
Emanuel Sarkisyanz
Մանուել Սարգսյանց.jpg
Ծնվել է1923 հունիսի 23
ԾննդավայրԲաքու
Մահացել էմարտի 12, 2015(2015-03-12) (տարիքը 91)
Մահվան վայրՄերիդա, Մեքսիկայի Միացյալ Նահանգներ
ՔաղաքացիությունԳերմանիա Գերմանիա
Ազգությունհայ
ԿրթությունԹեհրանի համալսարան
Մասնագիտությունսոցիոլոգ
քաղաքագետ
պատմաբան
ԱշխատավայրՀայդելբերգի համալսարան

ԿենսագրությունԽմբագրել

Սովորել է Թեհրանի համալսարանում, Նյու Յորքի իրանական ինստիտուտում։ 1952 թվականին Չիկագոյի համալսարանից ստացել է դոկտորի կոչում։

1956 թվականին հրատարակել է «Ռուսաստանը և Արևելքի մեսիականությունը» գիրքը՝ արժանանալով ռուս սոցիոլոգ Պիտիրիմ Սորոկինի գնահատանքին (2005 թվականին Սանկտ Պետերբուրգի համալսարանի հրատարակչությունում գիրքը տպագրվել է ռուսերեն)։ 1956-1958 թվականներին եղել է Հարավարևելյան Ասիայի գերմանական հասարակության արտաքին քաղաքականության հարցերով ռեֆերենտ (DGAP)։ 1960 թվականին եղել է Կիլյայի համալսարանի հրավիրյալ պրոֆեսոր, 1962-1963 Կանզասի համալսարանի հրավիրյալ պրոֆեսոր, 1963-1967 թվականներին Ֆրայբուրգի համալսարանի դոցենտ[2]։

1965 թվականին լույս է տեսել «Buddhist Background of the Burmese Revolution» («Բիրմայի հեղափոխության բուդդայական համատեքստը») գիրքը, որն անդրադառնում է ասիական սոցիալիզմի կրոնական (բուդդայական) ակունքներին[3][4]։

«Գերմանական ֆաշիզմի անգլիական արմատները» գրքում Սարգսյանցը մանրամասն վերլուծում է նացիստական գաղափարի ծագումը՝ դրա իմպերիալիստական գաղափարախոսության և գործունեության մեջ «հայտնաբերելով» բրիտանացիներին[5]։ Գրքի համար Սարգսյանցի դեմ երկու անգամ քրեական գործ է հարուցվել Գերմանիայում։ Գիրքը Մեծ Բրիտանիայում չի հրատարակվել՝ անգլերեն լույս տեսնելով Հնդկաստանում և Իռլանդիայում։

2006 թվականին մոսկովյան այցելության ժամանակ բաց դասախոսություն է կարդացել Լոմոնոսովի անվան ՄՊՀ փիլիսոփայական ֆակուլտետում՝ «Ռուսական հարցը XX հարյուրամյակի անգլո-սաքսոնական սլավոնաբանությունում» թեմայով։

Թոշակի անցնելուց հետո Սարգսյանցն ապրել է Կեչում և Մերիդայում, Մեքսիկա։

ԾանոթագրություններԽմբագրել

Արտաքին հղումներԽմբագրել