Մանկական Նոր ալիք 2014

Մանկական Նոր ալիք 2014 (անգլ.՝ New Wave Junior 2014), «Մանկական Նոր ալիք» ամենամյա միջազգային յոթերորդ մրցույթ-փառատոնը, որի եզրափակիչը տեղի է ունեցել 2012 թվականի օգոստոսի 16-18-ը Ղրիմի «Արտեկ» մանկական միջազգային կենտրոնում^[1]։ Մրցույթին մասնակցել է 11 երկրից 17 կատարող։ Ուղիղ եթեր չի իրականացվել, մրցույթի հեռուստատեսային տարբերակը հեռարձակվել է «Ռոսիա 1» հեռուստաալիքով 2014 թվականի օգոստոսի 31-ին։

Մրցութային երկու օրվա արդյունքներով՝ մրցույթի գրան պրիին արժանացել է Ուկրաինայի ներկայացուցիչ Անդրեյ Բոյկոն։ Երկրորդ հորիզոնականն իրար մեջ կիսել է միանգամից երեք մասնակից՝ Իտալիայից Մարտինա և Կյարա Սկարպարի դուետը, ինչպես նաև Ռուսաստանի ներկայացուցիչներ Պոլինա Բոգուսևիչը և Եկատերինա Մանեշինան։ Երրորդ տեղը նույնպես գրավել է երեք մասնակից՝ Ղազախստանի ներկայացուցիչ Մուհամեդալի Ժուգունուսովը, Բելառուսի ներկայացուցիչ Ռուսլան Ասլանովը և Ուկրաինայից Սոֆյա Վոլոշանենկոն։ Բացի երկրորդ տեղը գրավելուց Եկատերինա Մանեշինան արժանացել է նաև մրցույթի «Հանդիսատեսի համակրանք» մրցանակին^[2]։

Անցկացման վայր խմբագրել

Մրցույթն անցկացվել է «Արտեկ» միջազգային մանկական կենտրոնում, որը գտնվում է Ղրիմի հարավային ափին՝ Գուրզուֆ ավանում։ «Արտեկը» ԽՍՀՄ-ի ամենահայտնի պիոներական ճամբարն է և երկրի Պիոներական կազմակերպության այցեքարտը։ Երկար ժամանակ ծառայել է որպես սոցիալիստական երկրների ընդունելության պատվիրակությունների, ինչպես նաև մերձավոր և հեռավոր արտասահմանի պետությունների ղեկավարների վայր։ Մասնակիցների փորձերը տեղի են ունեցել Յալթայում՝ «Ինտուրիստ» հյուրանոցում։

Մասնակիցներ խմբագրել

Մասնակից^[3]	Երկիր
Դավիթ Վարդանյան	Հայաստան
Ռուսլան Ասլանով	Բելառուս
Էլենե Զվիադաձե (Լենկա)	Վրաստան
Սանդրո Պարցվանիա	Վրաստան
Էդեն Գոլան	Իսրայել
Էմիլի Կուպեր	Իսրայել
Կյարա և Մարտինա Սկարպարի	Իտալիա
Մուհամեդալի Ժուգունուսով	Ղազախստան
Էդուարդ Գրունդմանիս	Լատվիա
Էրիկա Մուստյացե	Մոլդովա
«4 կադր» խումբ	Ռուսաստան
Պոլինա Բոգուսևիչ	Ռուսաստան
Եկատերինա Մանեշինա	Ռուսաստան
Յուաննա Թաբուլտոկ	Ռումինիա
Անդրեյ Բոյկո	Ուկրաինա
Սոֆյա Վոլոշանենկո	Ուկրաինա
Մարթա Ռակ	Ուկրաինա

Մրցութային առաջին օր խմբագրել

Օգոստոսի 16-ին «Արտեկի» գլխավոր մարզադաշտում տեղի է ունեցել մրցույթի բացումը։ Ջահը վառվել է և բարձրացվել մասնակից երկրների դրոշները, հանդես է եկել ժյուրիի նախագահ Իգոր Կրուտոյը։ Մրցույթի բացմանը մասնակցել են նաև Ֆիլիպ Կիրկորովը, Լև Լեշենկոն, Նյուշան, Ստանիսլավ Կոստյուշկինը, Ալեսանդրո Սաֆինան և այլք։

№	Երկիր	Մասնակից	Երգ	Միավորներ
1	Մոլդովա	Էրիկա Մուստյացե	Costica	55
2	Վրաստան	Սանդրո Պարցվանիա	Saqartvelo lamazo	54
3	Վրաստան	Էլենե Զվիադաձե	Хочу	47
4	Ուկրաինա	Սոֆյա Վոլոշանենկո	It’s my time	54
5	Ղազախստան	Մուհամմեդալի Ժուգունուսով	Goin' Back To Indiana	53
6	Ռումինիա	Յուաննա Թաբուլտոկ	Hora din Moldova	53
7	Լատվիա	Էդուարդս Գրունդմանիս	Atziedi, dvēsele	53
8	Ուկրաինա	Անդրեյ Բոյկո	Spiderman	55
9	Բելառուս	Ռուսլան Ասլանով	Иностранец	53
10	Հայաստան	Դավիթ Վարդանյան	Կորո՞ւստ, թե՞ գանձ	54
11	Ռուսաստան	Եկատերինա Մանեշինա	Venus	54
12	Ուկրաինա	Մարթա Ռակ	Три поради	51
13	Իսրայել	Էմիլի Կուպեր	Amen	53
14	Ռուսաստան	Պոլինա Բոգուսևիչ	Think	54
15	Իսրայել	Էդեն Գոլան	Hasheket Shenish’ar	50
16	Ռուսաստան	«4 կադր» խումբ	Бомбей Буги	51
17	Իտալիա	Մարտինա և Կյարա Սկարպարի	Pensieri e parole	54

Մրցութային երկրորդ օր խմբագրել

Օգոստոսի 17-ին «Մանկական Նոր ալիքի» բեմում ելույթ են ունեցել Նիկոլայ Բասկովը, Դոմինիկ Ջոքերը, Ժասմինը, «Хор Турецкого» խումբը, Յուլիա Սավիչևան, «IOWA» խումբը և այլք։ Համերգային ծրագրից հետո մրցույթի մասնակիցները կատարել են համաշխարհային հիթեր և մանկական մուլտֆիլմերից և ֆիլմերից երգեր։

№	Երկիր	Մասնակից	Երգ	Ժյուրիի միավորներ	Ծնողների միավորներ
1	Հայաստան	Դավիթ Վարդանյան	Locked Out of Heaven	50	56
2	Լատվիա	Էդուարդս Գրունդմանիս	Pie Jesu	54	57
3	Ռումինիա	Յուաննա Թաբուլտոկ	Любовь, похожая на сон	50	52
4	Վրաստան	Սանդրո Պարցվանիա	Kung Fu Fighting	49	60
5	Ղազախստան	Մուհամմեդալի Ժուգունուսով	Алия	55	59
6	Ռուսաստան	«4 կադր» խումբ	Stayin’ Alive	50	57
7	Բելառուս	Ռուսլան Ասլանով	Mamma Knows Best	55	71
8	Ուկրաինա	Սոֆյա Վոլոշանենկո	Կուկուշկա	54	59
9	Իսրայել	Էդեն Գոլան	Where Do Broken Hearts Go	50	56
10	Ուկրաինա	Անդրեյ Բոյկո	Ти дочекайся мене	55	59
11	Վրաստան	Էլենե Զվիադաձե	Բաց թող և մոռացիր	52	54
12	Ռուսաստան	Եկատերինա Մանեշինա	Острова	55	55
13	Մոլդովա	Էրիկա Մուստյացե	La sarbatoare	52	52
14	Իտալիա	Մարտինա և Կյարա Սկարպարի	Eternità	55	58
15	Ուկրաինա	Մարթա Ռակ	Тече вода	53	52
16	Ռուսաստան	Պոլինա Բոգուսևիչ	Белый снег	55	52
17	Իսրայել	Էմիլի Կուպեր	Rolling in the Deep	54	51

Երրորդ օր խմբագրել

Օգոստոսի 18-ին կայացել է հաղթողների մրցանակաբաշխությունը և գալա-համերգը, որում ելույթ են ունեցել Ֆիլիպ Կիրկորովը, Վալերի Լեոնտևը, Բոսսոնը, Դոմինիկ Ջոքերը, Սերեբրո, «5sta Family» և «Дискотека Авария» խմբերը, Իգոր Կրուտոյի «Նոր ալիքի» մանկական երգչախումբը։

Ժյուրիի կազմ խմբագրել

Իգոր Կրուտոյ՝ ժյուրիի նախագահ, Ռուսաստանի և Ուկրաինայի ժողովրդական արտիստ, կոմպոզիտոր, պրոդյուսեր, երգիչ։
Ալեսանդրո Սաֆինա՝ իտալացի օպերային և էստրադային երգիչ։
Նյուշա՝ ռուս երգչուհի, երգերի հեղինակ, կոմպոզիտոր, դերասանուհի։
Լև Լեշենկո՝ խորհրդային և ռուս էստրադային երգիչ (բարիտոն) և օպերետի դերասան, մանկավարժ։
Ֆիլիպ Կիրկորով՝ Ռուսաստանի և Ուկրաինայի ժողովրդական ու վաստակավոր արտիստ, երգիչ, երաժշտական պրոդյուսեր, կոմպոզիտոր։