Բացել գլխավոր ցանկը

Մայք Դանիելյան (անգլ.՝ Mike Danielian, ծնվ.` 1987 թ.)[2], ամերիկահայ պրոֆեսիոնալ բասկետբոլիստ, ով ընտրվել է որպես Հայաստանի բասկետբոլի ազգային հավաքականի ավագ։ Մասնակցել է 5-րդ համահայկական խաղերին` որպես Լոս Անջելեսի հայկական թիմի անդամ՝ գրավելով առաջին տեղը և ստանալով առաջնության ամենաարժեքավոր բասկետբոլիստի տիտղոսը։ Խաղում է առաջին և երկրորդ համարների դիրքերում։[2]

Picto infobox baschet.png
Մայք Դանիելյան
Դիրքը Հարձակվող պաշտպան/ խաղարկող
Ի ծնե տրված անունը Մայք Դանիելյան
Mike Danielian
Ծննդյան ամսաթիվ 1987(1987)
Ազգություն Հայաստան Հայ
Հասակ 1,88 մ
Քաշ 98 կգ
Դպրոց Գրանտի ավագ դպրոց
համալսարան Ազուսայի խաղաղօվկիանոսյան համալսարան
Կարիերայի պատմություն
Գերմանիա Վոլֆենբութել (2012)
Գերմանիա Բայեր 05 Ուերդինգեն (2014-այժմ)[1]
Մեդալներ

Համահայկական խաղեր
 Ոսկի - Հինգերորդ Համահայկական խաղեր 2011
Փոքր երկրների Եվրոպայի առաջնություն
 Ոսկի - Մոլդովա 2016

Ներկա պահին հանդես է գալիս Գերմանիայի 3-րդ լիգայում հանդես եկող «Բայեր 05 Ուերդինգեն» ակումբում[1]։

Ավագ դպրոցի կարիերանԽմբագրել

Ավագ դպրոցի կարիերան Դանիելյանն անցկացրել է Գրանտի ավագ դպրոցում (Վան Նայս, Կալիֆորնիա)։ Դպրոցական կարիերայի ընթացքում Դանիելյանը երկու անգամ ընդգրկվել է «All City of Los Angeles» խորհրդանշական հավաքականի կազմում։ Դպրոցի ավարտական տարում Դանիելյանի միջին ցուցանիշն էր 30, 3 միավոր/խաղ, ինչը այդ ժամանակահատվածում ամենաբարձրն էր Հարավային Կալիֆորնիայում։ Խաղերից մեկում Դանիելյանը կարողացել էր նույնիսկ իր հաշվին կուտակել 58 միավոր՝ այդ կերպ գերազանցելով դպրոցի նախկին սան և NBA-ի նախկին բասկետբոլիստ Գիլբերթ Արինասի ռեկորդը։[2]

Համալսարանային կարիերանԽմբագրել

Դանիելյանը եղել է Ազուսայի խաղաղօվկիանոսյան համալսարանի բասկետբոլային թիմի անդամ, որի կազմում հասել է մինչև 2010 թվականի NAIA բասկետբոլի եզրափակիչ՝ 84-83 հաշվով պարտվելով Օկլահոմայի քոլեջին։ Թիմի կազմում Դանիելյանը իրացրել է 200 երեքմիավորանոց նետումներ և հանդիսանում է համալսարանի բոլոր ժամանակների երկրորդ առաջատար մարզիկը՝ միավորների կատեգորիայում։[2]

Համահայկական խաղերԽմբագրել

Դանելյանը մասնակցել է Երևանում անցկացվող 5-րդ Համահայկական խաղերին՝ ներկայացնելով Լոս Անջելեսի հայկական թիմը։ Եզրափակիչ խաղում Լոս Անջելեսի թիմն հաջողության է հասնում Սոչիի թիմի նկատմամբ։ Դանիելյանն իր հաշվին գրանցում է 49 միավոր և հռչակվում ամենաարժեքավոր խաղացող (MVP)[2]։

Ակումբային կարիերանԽմբագրել

ՎոլֆենբութելԽմբագրել

Համահայկական խաղերից հետո Դանիելյանի ծառայություններով հետաքրքրվում է գերմանական «Վոլֆենբութել» բասկետբոլային ակումբը, որի կազմում Դանիելյանը մի քանի հանդիպում է անցկացնում։

Բայեր 05 ՈւերդինգենԽմբագրել

2014 թվականին Դանիելյանը պայմանագիր է կնքում գերմանական «Բայեր 05 Ուերդինգեն» ակումբի հետ։[1]

Ազգային հավաքականԽմբագրել

2012 թվականին Դանիելյանն ընդգրկվել է Հայաստանի բասկետբոլի ազգային հավաքականում և ստանձնել թիմի ավագի պաշտոնը[3]։

2016 թվականին Հայաստանի հավաքականն իր առաջին մասնակցությունն է ունենում ՖԻԲԱՓոքր երկրների Եվրոպայի առաջնությունում՝ գրավելով առաջին տեղը[4]։

ԾանոթագրություններԽմբագրել

Արտաքին հղումներԽմբագրել

Վիքիքաղվածքն ունի քաղվածքների հավաքածու, որոնք վերաբերում են
Մայք Դանիելյան հոդվածին