Մածկիչ

Մածկիչ (ռուս.՝ Шпа́тель, անգլ.՝ Spatula, գերմ.՝ Spatel), ռետինե, փայտե, պլաստմասսե, ապակյա կամ պողպատյա թիթեղ բռնակով^[1]։ Այն օգտագործվում է նյութերը խառնելու, տարածելու և վերցնելու համար^[2], այդ թվում` մթերք, թմրանյութեր, գիպս և ներկեր։ Անգլերենում «spatula» հասկացությունն օգտագործվում է 1525 թվականից^[3]։

Խոհանոցային մածկիչ

ԿառուցվածքԽմբագրել

Մածկիչը սովորաբար կարճ է լինում և ունենում է մինչև 8 դյույմ երկարություն։

Կիրառության ոլորտներԽմբագրել

Հարդարման աշխատանքներ
- հին ծեփի, պաստառների, ներկի մաքրում,
- ծեփամածիկի տարածում և հարթեցում։
Գեղանկարչություն
- ներկերի մաքրում,
- գույների խառնում,
- նախնական ներկում։
Բժշկություն և կենսաբանություն
- լեզվի հիմքի ֆիքսում ըմպանի բուժզննման դեպքում,
- նյութերի հավաքում, նստվածքի մաքրում (լաբորատոր պրակտիկայում)։
Խոհանոց
- Խոհանոցում մածկիչ է համարվում այն սպասքը, որը համապատասխանում է վերոնշյալ բովանդակությանը։ Այն կարող է օգտագործվել պատրաստելու ընթացքում մթերքը վերցնելու և հարելու ժամանակ, օրինակ` բլիթներ կամ ֆիլե պատրաստելիս։