Ճահիճ (խումբ)

Անվան այլ կիրառումների համար տե՛ս՝ Ճահիճ (այլ կիրառումներ)

«Ճահիճ» (ֆր.՝ Le Marais), Ֆրանսիական հեղափոխության ժամանակաշրջանում Կոնվենտի դեպուտատների մի խմբի (որոնք մեծամասնություն էին կազմում) ժամանակակիցներից տրված անվանումը։ «Ճահիճը», որի նշանավոր ներկայացուցիչներն էին Տիբոդոն, Բարասը, չէր հարում քաղաքական որևէ խմբավորման, բայց ենթադրաբար գնում էր նրա ետևից, ով տվյալ պահին ուժեղ էր։ Սկզբում «ճահիճը» հարում էր ժիրոնդիստներին, այնուհետև՝ յակոբինյաններին, վերջիններիս պառակտման շրջանում (1794 թվական)։ Տերմիդորյան հեղաշրջման ժամանակ (1794 թվականի հուլիս) «ճահիճն» անցավ տերմիդորների կողմը։ Հետագայում «ճահիճ» անվանումը տրվել է քաղաքական այն խմբավորումներին, որոնք տատանվել են կամ անվճռական եղել, խուսափել պայքարից։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 7, էջ 60)։