Էդուարդ Ղազարյան (տնտեսագետ)

Անվան այլ կիրառումների համար տե՛ս՝ Էդուարդ Ղազարյան (այլ կիրառումներ)

Վիքիպեդիայում կան հոդվածներ Ղազարյան ազգանունով այլ մարդկանց մասին։

Էդուարդ Սերգեյի Ղազարյան (ապրիլի 17, 1956(1956-04-17), Երևան, Հայկական ԽՍՀ, ԽՍՀՄ), հայ տնտեսագետ, տնտեսագիտության դոկտոր (1998), պրոֆեսոր (2004)։ ՀԳԳԱ թղթակից անդամ (1999)։

Էդուարդ Սերգեյի Ղազարյան
Ծնվել է	ապրիլի 17, 1956 (68 տարեկան)
Ծննդավայր	Երևան
Քաղաքացիություն	Հայաստան
Ազգություն	հայ
Գիտական աստիճան	տնտեսագիտության դոկտոր
Մասնագիտություն	տնտեսագետ

Սերգեյ Ղազարյանի որդին է։

Կենսագրություն

1978 թվականին ավարտել է Երևանի անասնաբուծական-անասնաբուժական ինստիտուտի զոոինժեներական ֆակուլտետը։ 1978 թվականին եղել է ինստիտուտի Բալահովիտի ուսումնափորձնական տնտեսության ավագ տնտեսագետը, 1984-1993 թվականներին՝ ՀՀ Կառավարության աշխատակազմի գյուղատնտեսական բաժնի գլխավոր մասնագետ, 1993-1996 թվականներին՝ ՀՀ փոխնախագահի օգնական, 1996-1999 թվականներին՝ ՀՀ Սահմանադրական դատարանի քարտուղարության պետ, 1999-2009 թվականներին՝ Հայաստանի պետական ագրարային համալսարանի ագրոբիզնեսի կառավարման ամբիոնի վարիչ, 2009 թվականից՝ ՀԱԱՀ-ի տնտեսագիտական ֆակուլտետի դեկան։ 2003 թվականից համակարգում և կազմակերպում է ՀՀ քաղաքացիական ծառայողների վերապատրաստման գործընթացը Հայաստանի ազգային ագրարային համալսարանում։

Աշխատանքները վերաբերում են ագրարային տնտեսագիտական խնդիրներին և գիտատեխնիկական առաջընթացի զարգացման հեռանկարներին, շուկայական տնտեսության պայմաններում գյուղատնտեսության զարգացմանը։ Հեղինակ է 87 գիտական աշխատության, այդ թվում՝ 4 մենագրության և 1 ուսումնական ձեռնարկի։

Միջազգային իրավունքի հայկական ընկերակցության հիմնադիր-անդամ և վերստուգիչ հանձնաժողովի նախագահ, Մենեջմենթի հայկական ընկերակցության հիմնադիր-անդամ (2000)։

Պարգևներ

• ՀՀ վարչապետի շնորհակալագիր, 2010
• Հայաստանի պետական ագրարային համալսարանի «Ոսկե» հուշամեդալ, 2006

Երկեր

• Գիտության և արտադրության զարգացման կարևոր գործոնները գյուղատնտեսության մեջ, Ե., 1997։
• Հայաստանի Հանրապետության ագրարային տնտեսագիտության դերն ու տեղը շուկայական տնտեսության զարգացման գործում, Ե., 2003