Ղազախա-ֆրանսիական հարաբերություններ
Ղազախա-ֆրանսիական հարաբերություններ, երկկողմ դիվանագիտական հարաբերություններ Ղազախստանի և Ֆրանսիաի միջև։ Երկրները Եվրոպայում անվտանգության և համագործակցության կազմակերպության անդամ են։
Ղազախստան |
Կաղապար:Դրոշավորում/Ֆրանսի |
Պատմություն խմբագրել
1991 թվականի դեկտեմբերին՝ ԽՍՀՄ-ի փլուզումից հետո, Ղազախստանն անկախ պետություն դարձավ։ Ֆրանսիան և Ղազախստանը դիվանագիտական հարաբերություններ են հաստատել 1992 թվականի հունվարի 25-ին, և Ֆրանսիան դարձել է առաջին եվրոպական երկիրը, որը ճանաչել Է Ղազախստանը[1]։ 1993 թվականի սեպտեմբերին Ֆրանսիայի նախագահ Ֆրանսուա Միտերանը պաշտոնական այց է կատարել Ղազախստան[2]։ 2008 թվականի հունիսին երկրները ստորագրել են ռազմավարական գործընկերության մասին համաձայնագիր, իսկ 2010 թվականին ստեղծել են համատեղ նախագահական հանձնաժողով, որը կազմակերպում է երկու պետությունների ղեկավարների ամենամյա այցերը և 2011 թվականից ի վեր երկու երկրների արտաքին գործերի նախարարների միջև ամենամյա խորհրդակցությունների համար[3]։
2008 թվականին Ֆրանսիան նախկին մայրաքաղաք Ալմաթիից դեսպանատունը տեղափոխել է Աստանու[3]։ Ղազախստանն ու Ֆրանսիան ամրապնդել են իրենց հարաբերությունները՝ 2008 թվականի հունիսին ստորագրելով ռազմավարական գործընկերությունը[4]։ 2010 թվականին երկրները ստեղծել են ֆրանս-ղազախական նախագահական հանձնաժողով, որն ընդունում է երկու պետությունների ղեկավարների ամենամյա հանդիպման ձևը։ Ալյանս Ֆրանսեզը ղեկավարում է երկու կենտրոն Ղազախստանում, Աստանայում և Ալմաթիում։ 2017 թվականին երկրները նշում էին դիվանագիտական հարաբերությունների 25 ամյակը[1]։ Նույն թվականին Ֆրանսիան մասնակցել է Աստանայում ընթացող Expo 2017-ին։
Պետական այցեր խմբագրել
Նախագահական այցեր Ֆրանսիայից Ղազախստան[2][5]՝
- Նախագահ Ֆրանսուա Միտտերան (1993),
- Նախագահ Նիկոլա Սարկոզի (2009)
- Նախագահ Նիկոլա Սարկոզի (2014)։
Նախագահական այցեր Ղազախստանից Ֆրանսիա։
- Նախագահ Նուրսուլթան Նազարբաև (2008, 2011, 2012, 2013, 2015)։
Երկողմ հարաբերություններ խմբագրել
1992 թվականից ի վեր երկրները ստորագրել են մի քանի երկկողմ համաձայնագրեր, ինչպիսիք են բարեկամության, փոխըմբռնման և համագործակցության մասին պայմանագիր (1992), մշակութային համագործակցության մասին համաձայնագիր (1993) և ֆրանսիացի զինծառայողների և Աֆղանստան և դրանից ժամանող սարքավորումների համար ուղիղ օդային և երկաթուղային հաղորդակցության մասին համաձայնագիրը, ինչպես նաև Շիմքենտում ավիաբազայի օգտագործման համար[3]։
Տրանսպորտ խմբագրել
Երկու երկրների միջև ուղիղ չվերթներ կան Air Astana-ից։
Առևտրային հարաբերություններ խմբագրել
2016 թվականին երկրների միջև ապրանքաշրջանառությունը կազմել է 3 մլրդ եվրո[2]։ Ղազախստանը Ֆրանսիայի խոշորագույն առևտրային գործընկերն է Կենտրոնական Ասիայում, իսկ Ֆրանսիան Ղազախստանի վեցերորդ խոշորագույն առևտրային գործընկերն է աշխարհում։ Ֆրանսիան Ղազախստանի մեծությամբ երրորդ ներդրողն է և այդ երկրի տնտեսության մեջ ներդրել է գրեթե 10 մլրդ ԱՄՆ դոլար[1]։ Ֆրանսիական բազմազգ ընկերություններ, ինչպիսիք են Alstom, Engine, Peugeot, Renault, Saint-Gobain, Schneider Electric, Total SA, Vicat և այլն, աշխատում են Ղազախստանում։
Ֆրանսիայում Ղազախստանի դեսպանների ցուցակ խմբագրել
- Տլեուխան Կաբդրախմանով (1993-1996)
- Նուրլան Դանենով (1997-1999)
- Ակմարալ Արիստանբեկովա (1999-2003)
- ԴուլատԿուկանիշև (2003-2005)
- Ամանժոլ Ժանկուլաիև (2005-2008)
- Մուրադ Տաշիբաև (2008-2009)
- Նուրլան Սանենով (2009-10.2017)
- Ժան Գալիև (31.10.2017-ից)
Ղազախստանում Ֆրանսիայի դեսպանների ցուցակ խմբագրել
- 1992-1994 Բերտան Ֆեսսար դե Ֆուկօ
- 1994-1999 Ալեն Ռիչարդ
- 1999-2003 Սերժ Սմեսսով
- 2003-2006 Ժերար Պերրոլե
- 2006-2009 Ալեն Կուդանոն
- 2009-2013 Ժան-Շարլ Բերտոննե
- 2013-2017 Ֆրենսիս Էտյեն
- 2017-ի օգոստոս Ֆիլիպ Մարտինե
Դեսպանական ներկայացուցչություններ խմբագրել
- Ֆրանսիան գլխավոր հյուպատոսություն ունի Աստանայում և Ալմաթիում[6].
- Ղազախստանը դեսպանատուն ունի Փարիզում[7].
-
Ալմաթիում Ֆրանսիայի գլխավոր հյուպատոսություն
-
Ղազախստանի դեսպանատունը Փարիզում
Ծանոթագրություններ խմբագրել
- ↑ 1,0 1,1 1,2 Kazakh-French business ties strong at 25-year mark in relations
- ↑ 2,0 2,1 2,2 Relations bilatérales: Kazakhstan (in French)
- ↑ 3,0 3,1 3,2 Relation franco-kazakhstanaise- Présentation (in French)
- ↑ «France and Kazakhstan». www.diplomatie.gouv.fr. Արխիվացված է օրիգինալից 2017 թ․ հունիսի 20-ին. Վերցված է 2021 թ․ մարտի 31-ին.
- ↑ Sarkozy clinches $6 billion of Kazakh energy deals
- ↑ Embassy of France in Astana
- ↑ Embassy of Kazakhstan in Paris
Վիքիպահեստն ունի նյութեր, որոնք վերաբերում են «Ղազախա-ֆրանսիական հարաբերություններ» հոդվածին։ |