Ձիդրա Ռինկուլե-Զեմզարե

Ձիդրա Ռինկուլե-Զեմզարե (իսկական ազգանունը՝ Զեմզարե, լատիշ․՝ Rinkule-Zemzare, հուլիսի 8, 1920(1920-07-08), Ռիգա, Լիֆլանդիայի նահանգ, Ռուսական կայսրություն - նոյեմբերի 4, 2007(2007-11-04), Ռիգա, Լատվիա), լատվիացի խորհրդային գրող, բանաստեղծ, արձակագիր, դրամատուրգ։ ԽՍՀՄ գրողների միության անդամ (1958)։

Ձիդրա Ռինկուլե-Զեմզարե
Ծնվել է	հուլիսի 8, 1920(1920-07-08)
Ծննդավայր	Ռիգա, Լիֆլանդիայի նահանգ, Ռուսական կայսրություն
Վախճանվել է	նոյեմբերի 4, 2007(2007-11-04) (87 տարեկան)
Վախճանի վայր	Ռիգա, Լատվիա
Մասնագիտություն	գրող և լրագրող
Քաղաքացիություն	ԽՍՀՄ և  Լատվիա
Անդամակցություն	ԽՍՀՄ Գրողների միություն

Լատվիացի նկարիչ, գրող, սցենարիստ Ուլդիս Զեմզարեի քույրը։

Կենսագրություն

Ձիդրա Ռինկուլե-Զեմզարեն ծնվել է 1920 թվականին Ռիգայում, առևտրականի և մանկավարժի ընտանիքում։ 1941 թվականին ավարտել է Դուբուլտիի միջնակարգ դպրոցը։ 1942-1948 թվականներին սովորել է Լատվիայի համալսարանի բանասիրության ֆակուլտետում, 5-րդ կուրսում հեռացվել է համալսարանից։ Աշխատել է որպես մանկավարժ, դասավանդել է նաև Ռիգայի Էմիլյա Դարզինյայի անվան երաժշտական դպրոցում։

Բազմաթիվ մանկական բանաստեղծությունների ու պատմվածքների հեղինակ է։ «Ընկերներ» անվանումով առաջին բանաստեղծությունը լույս է տեսել 1942 թվականին «Эпоха» (№ 20) ամսագրում, առաջին լրագրողական «Երկու ուսուցիչ» էսսեն՝ 1952 թվականին «Советская латвийская школа» (№ 3) ամսագրում։

Ակտիվ պայքար է մղել Ռիգայի կենդանաբանական այգում կենդանիների պահպանման համար. խնդիրն առաջացել էր ԽՍՀՄ փլուզումից հետո՝ պայմանավորված ֆինանսական դժվարություններով։ Քարոզչական արշավի միջոցով նա միջոցներ է հայթայթել՝ պահպանելու Ռիգայի կենդանաբանական այգու փղիկին։

Ստեղծագործություններ

• «Անվախ մորեխը», 1954
• «Անպոչ ծիտիկը», 1968
• «Հեքիաթներ»
• «Շրջադարձ», 1956
• «Փոքրիկ աստվածը», 1970

Սցենարներ

• «Կապիտան Էնրիկոյի ժամացույցը (լատիշ․՝ Kapteina Enriko pulkstenis), 1967
• «Առաջին ջութակը» մուլտֆիլմ, 1958
• «ХОЧУ! ХОЧУ! ХОЧУ!», մուլտֆիլմ, 1973

Պարգևներ, մրցանակներ

«Կենդանի ծառ» գրքի համար 1982 թվականին արժանացել է Պաստարինի մրցանակի

Արտաքին հղումներ

• Ձիդրա Ռինկուլե-Զեմզարե