Ձեր կենացը (կտավ)
Ձեր կենացը, ՀԽՍՀ ժողովրդական նկարիչ Էդուարդ Իսաբեկյանի «Ձեր կենացը» կտավն արտահայտում է նկարչի մտածողությունը՝ ներթափանցված իրական կենցաղայնությամբ և հուշի երազային-երևակայական վերապրումով։
 | |
|---|---|
| տեսակ | գեղանկար |
| նկարիչ | Էդուարդ Իսաբեկյան |
| տարի | 1999 |
| բարձրություն | 90 |
| լայնություն | 80 |
| նյութ | Կտավ, յուղաներկ |
| գտնվում է | Էդուարդ Իսաբեկյան ցուցասրահ |
| հավաքածու | Էդուարդ Իսաբեկյան ցուցասրահ |
| կայք | |
Ծանոթագրություններ | |
Նկարագրություն խմբագրել
Կտավում նկարիչն ստեղծել է մահացած ծնողների «երիտասարդ» կերպարները, որոնց «հրավիրել է» սեղանի շուրջ։ Իսաբեկյանը ստեղծել է մտերմիկ-ինտիմ պատկեր, որտեղ անհամատեղելիության հակասական գաղափարն ի հեճուկս տրամաբանության ու իրականության, ժխտված է գեղարվեստական լեզվի պատկերային պայմանականություններով։
Կտավում երեք «կերպարանքները» միավորված են հոգևոր ու գենետիկ կապով, հարազատությամբ։ Մոր դեմքը ողողված է անսահման սիրով ու ջերմությամբ, ընդգծված են ոսկեցոլք հագուստն ու նարնջակարմիր վերնազգեստը։ Այս ներդաշնակությանն անսովոր հակադրություն է նկարչի իրական տարիքի և կարծես լուսանկարչական տպավորության վրա հիմնված՝ ծնողների երիտասարդ պատկերները։ Մոր և հոր թուխ մազերը, դեմքի անբնական ճերմակ դալկությունն էլ ավելի անիրական վերացածության երանգ են ձեռք բերում նկարչի ճշմարտացի ինքնապատկերի կողքին՝ ծերացած մաշկը, իմաստնացած դեմքը, ալեխառն մազերը։ Արվեստագետի ձեռքի գինու բաժակն ասես լի է ապրած տարիների ու հույզերի բեռով, վերաարժեքավորման սուբյեկտիվ իրավունքով[1]։