Ձեթ (Բալուի գավառ)

Անվան այլ կիրառումների համար տե՛ս՝ Ձեթ (այլ կիրառումներ)

Ձեթ, գյուղ Արևմտյան Հայաստանում, Բալուի գավառակում։ Գտնվում էր Արածանիի աջ ափին, ձորամիջում, Բալու քաղաքից հյուսիս-արևմուտք։

Գյուղ
Ձեթ
Վարչական տարածք	Արևմտյան Հայաստան
Վիլայեթ	Դիարբեքիրի վիլայեթԴիարբեքիրի վիլայեթ
Գավառակ	Բալուի գավառակ
Այլ անվանումներ	Գաձու աչմազ, Զեթ, Զետ, Կապուտչմազ
Պաշտոնական լեզու	Հայերեն
Բնակչություն	1120 մարդ (XX դարասկիզբ)
Ազգային կազմ	Հայեր (մինչև Մեծ եղեռնը)
Կրոնական կազմ	Քրիստոնյա (մինչև Մեծ եղեռնը)
Ժամային գոտի	UTC+3

Անվան ստուգաբանություն

Ըստ Ղ. Ինճիճյանի հնարավոր է, որ գյուղի անվանումը կապված է պատմական Հանձիթ (Անձիթ) գավառի ավան հետ։

Պատմություն

Գյուղն ավերվել է թուրքերի ձեռքով, իսկ բնակչության մեծ մասը զոհվել է 1915 թվականի Մեծ եղեռնի ժամանակ։ Կենդանի մնացածները ցրվել են տարբեր երկրներով մեկ։

Բնակչություն

XX դարի սկզբին ուներ 140 տուն` 1120 բնակչով։ Հնում եղել է ավելի մարդաշատ։

Տնտեսություն

Բնակչության հիմնական զբաղմունքը երկրագործությունն էր։ Շատերը պանդխտում էին Կ. Պոլսում։

Պատմամշակութային կառույցներ

Ձեթն ուներ Ս. Թորոս կամ Ս. Թեոդորոս անունով կամարակապ գեղեցիկ եկեղեցի։ Եկեղեցու տակ բխում էր բարեհամ ջրով աղբյուր։ Գյուղի շուրջբոլորը կային ուխտատեղիներ, որոնք ժամանակին եղել էին եկեղեցիներ։

Կրթություն

Գյուղը եղել է գրչության կենտրոն։

Ձեթում գործում էր Արամյան վարժարանը, որն ուներ 4 վարժապետ և 60 աշակերտ։

Տես նաև

• Դիարբեքիրի նահանգի հայաբնակ բնակավայրեր

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն