Հրաչյա Մարգարյան (ըմբիշ)
Հրաչյա Մուրադի Մարգարյան (նոյեմբերի 23, 1999, Արտաշատ, Հայաստան), հայ ըմբիշ, ազատ ոճի ըմբշամարտի Հայաստանի մեծահասակների հավաքականի անդամ, Եվրոպայի երիտասարդների չեմպիոն[1], Հայաստանի միջազգային կարգի սպորտի վարպետ[2]։
Հրաչյա Մարգարյան | |
---|---|
Անձնական տեղեկություն | |
Սեռ՝ | արական |
Մասնագիտացում՝ | ըմբիշ |
Երկիր՝ | Հայաստան |
Ծննդյան ամսաթիվ՝ | նոյեմբերի 23, 1999 (24 տարեկան) |
Ծննդավայր՝ | Արտաշատ, Հայաստան |
Մեդալները | ||
---|---|---|
Ոսկի | Պոնտեվեդրա 2019 | 61 կգ |
Արծաթ | Պլովդիվ 2022 | 65 կգ |
Արծաթ | Կինշասա | 65 kg |
Կենսագրություն խմբագրել
Հրաչյա Մարգարյանը ծնվել է 1999 թվականի նոյեմբերի 23-ին։ 2017-2021 թվականներին սովորել է Ֆիզիկական կուլտուրայի հայկական պետական ինստիտուտում։
2019 թվականին, 61 կիլոգրամ քաշային կարգում, Հրաչյա Մարգարյանը դարձել է Հայաստանի չեմպիո։ Նույն թվականին մասնակցել է Իսպանիայի Պոնտևեդրա քաղաքում տեղի ունեցած Երիտասարդների Եվրոպայի առաջնությանը և 61 կիլոգրամ քաշային կարգում նվաճել ոսկի մեդալ[3][4]։ Հայազգի ըմբիշը եզրափակչում 11:0 հաշվով հաղթել է ուկրաինացի մարզիկին[5]։
2021 և 2022 թվականներին 65 կիլոգրամ քաշային կարգում Հրաչյա Մարգարյանը նվաճել է Հայաստանի չեմպիոնի տիտղոսը։ 2022 թվականին Բուլղարիայի Պլովդիվ քաղաքում տեղի ունեցած ըմբշամարտի մինչև 23 տարեկանների Եվրոպայի առաջնությունում Հրաչյա Մարգարյանը նվաճել է արծաթե մեդալ[6]։
2023 թվականին Կոնգոյի մայրաքաղաք Կինշասայում տեղի ունեցած Ֆրանկոֆոնյան խաղերում Հրաչյա Մարգարյանը նվաճել է արծաթե մեդալ[7]։
Ծանոթագրություններ խմբագրել
- ↑ Հրաչյա Մարգարյանը՝ Եվրոպայի երիտասարդների չեմպիոն
- ↑ Մարզական կոչումներ՝ 40 մարզիկի
- ↑ Հաղթանակը նվիրում եմ սահմանին կանգնած մեր զինվորներին. Եվրոպայի չեմպիոն
- ↑ Հրաչյա Մարգարյան. Շատ ավելի բարդ էր եզրափակիչ դուրս գալ, իսկ եզրափակչում հաղթելն ավելի հեշտ եղավ
- ↑ Արտաշատի մարզադպրոցի սան Հրաչյա Մարգարյանը դարձել է Եվրոպայի չեմպիոն
- ↑ Հրաչյա Մարգարյանը՝ արծաթե մեդալակիր․ ըմբշամարտի Մ23 ԵԱ
- ↑ Ֆրանկոֆոնյան խաղեր. Հրաչյա Մարգարյանը՝ արծաթե մեդալակիր