Հուսիկ Խանդամուրյան

Հուսիկ Միսակի Խանդամուրյան (ստորագրել է նաև Խանդամուր գրական անունով, 1915, Երզնկա, Էրզրումի վիլայեթ, Օսմանյան կայսրություն - 1986), հայ արձակագիր, ԽՍՀՄ գրողների միության անդամ 1975 թվականից։

Հուսիկ Խանդամուրյան
Ծնվել է	1915
Ծննդավայր	Երզնկա, Էրզրումի վիլայեթ, Օսմանյան կայսրություն
Վախճանվել է	1986
Գրական անուն	Խանդամուր
Մասնագիտություն	գրող և արձակագիր
Քաղաքացիություն	ԽՍՀՄ
Անդամակցություն	ԽՍՀՄ Գրողների միություն
Աշխատավայր	Հայաստանի Ազգային Գրադարան, Գրական թերթ, Հայպետհրատ և Խորհրդային գրականություն
Հուսիկ Խանդամուրյան Վիքիդարանում

Կենսագրություն

Հուսիկ Խանդամուրյանը ծնվել է 1915 թվականին, Արևմտյան Հայաստանի Երզնկա քաղաքում։ 1932-1945 թվականներին աշխատել է Հայպետհրատում որպես արխիվի վարիչ, 1945-1950 թվականներին՝ «Սովետական գրականություն» ամսագրում որպես սրբագրիչ, 1950-1955 թվականներին՝ Երևանի Ալեքսանդր Մյասնիկյանի անվան հանրապետական գրադարանում՝ գրադարանավար, 1955-1959 թվականներին՝ «Գրական թերթ»-ում սրբագրիչ, 1959-1968 թվականներին՝ «Հայաստան» հրատարակչությունում սրբագրիչ։

Երկեր

• Եզովպոսի կյանքը (ըստ Պլանուտի), Ե., Հայպետհրատ, 1940, 32 էջ։
• Եզովպոս, Ե., Հայպետհրատ, 1955, 48 էջ։
• Լուսաբաց (պատմվածքներ), Ե., Հայպետհրատ, 1956, 178 էջ։
• Խիկար (մանկական վիպակ), Ե., Հայպետհրատ, 1957, 50 էջ։
• Հանդիպում (պատմվածքներ և մեկ պիես), Ե., Հայպետհրատ, 1958, 235 էջ։
• Մանկության ընկերուհին, Ե., Հայպետհրատ, 1961, 315 էջ։
• Եզովպոս Խիկար, Ե., Հայպետհրատ, 1963, 105 էջ։
• Ուր է տանում գնացքը (վեպ), Ե., Հայպետհրատ, 1964, 346 էջ։
• Մանկության ընկերուհին, Ե., Հայպետհրատ, 1967, 311 էջ։
• Լուրջ կատակ, Ե., «Հայաստան», 1973, 404 էջ։
• Կանաչ ճամպրուկը, Ե., «Սովետական գրող», 1978, 448 էջ։

Ծանոթագրություններ

Վիքիդարանն ունի նյութեր, որոնք վերաբերում են «Հուսիկ Խանդամուրյան» հոդվածին։