Հովսեփ Տեր-Դավթյան
հայ հասարակական գործիչ, դաշնակահար
Հովսեփ Գևորգի Տեր-Դավթյան (1862, Թիֆլիս, Կովկասի փոխարքայություն, Ռուսական կայսրություն - 1938, Թբիլիսի, Վրացական ԽՍՀ, ԽՍՀՄ), հայ դաշնակահար, մանկավարժ, երաժշտական-հասարակական գործիչ։
Հովսեփ Տեր-Դավթյան | |
---|---|
Ծնվել է | 1862 Թիֆլիս, Կովկասի փոխարքայություն, Ռուսական կայսրություն |
Երկիր | Ռուսական կայսրություն և ԽՍՀՄ |
Մահացել է | 1938 Թբիլիսի, Վրացական ԽՍՀ, ԽՍՀՄ |
Մասնագիտություն | հասարակական գործիչ, դաշնակահար և երաժշտության ուսուցիչ |
Գործիքներ | դաշնամուր |
Կրթություն | Մոսկվայի կոնսերվատորիա |
Կենսագրություն խմբագրել
Ավարտել է Մոսկվայի կոնսերվատորիան (Պ․ Պաբստի դասարան)։ 1894 թվականից ապրել և գործել է Թիֆլիսում։ Պրոպագանդել է հայկական դաշնամուրային երաժշտությունը (Ս․ Բարխուդարյան, Ն․ Տիգրանյան, Ա․ Մայիլյան, Կ․ Զաքարյան և ուրիշներ)։
Համերգներով հանդես է եկել Անդրկովկասի տարբեր քաղաքներում։ Թիֆլիսում հիմնել է իր մասնավոր երաժշտական դպրոցը, որտեղ նրան աշակերտել են կոմպոզիտորներ Սպիրիդոն Մելիքյանը, Մարտին Մազմանյանը, Ս․ Գալիկյանը, դաշնակահարուհի Օլգա Բաբասյանը, երգչուհի և դաշնակահարուհի Ա․ Աբալյանը և ուրիշներ։ Եղել է Թիֆլիսի հայոց երաժշտական ընկերության նախագահը (1914-1917)։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 11, էջ 667)։ |