Հիլդա Գալֆայան
- Վիքիպեդիայում կան հոդվածներ Գալֆայան ազգանունով այլ մարդկանց մասին։
Հիլդա Մարգարի Գալֆայան-Փանոսյան (1942, Ստամբուլ, Թուրքիա), հայ բանաստեղծուհի, մանկավարժ։ Հոգեբանական գիտությունների դոկտոր (1973):
Հիլդա Գալֆայան | |
|---|---|
| Ծնվել է | 1942 |
| Ծննդավայր | Ստամբուլ, Թուրքիա |
| Մասնագիտություն | բանաստեղծուհի, մանկավարժ և գրող |
| Քաղաքացիություն |  Հայաստան |
| Կրթություն | Փարիզի համալսարան |
| Գիտական աստիճան | հոգեբանական գիտությունների դոկտոր (1973) |
| Պարգևներ |  |
| Հիլդա Գալֆայան Վիքիդարանում | |
Կենսագրություն խմբագրել
Հիլդա Գալֆայանը ծնվել է 1942 թվականին Կոստանդնուպոլիս քաղաքում։ Սովորել է Կոստանդնուպոլսի Եսայան վարժարանում, հայագիտական կրթություն ստացել է Հրանտ Տեր-Անդրեասյանի մոտ։ Սովորել է Սորբոնի համալսարանում, 1973 թվականին պաշտպանել է ատենախոսություն և ստացել հոգեբանության դոկտորի գիտական աստիճան։ 1975 թվականին ավարտել է Փարիզի Արևելյան լեզուների և քաղաքակրթությունների ինստիտուտի հայագիտության բաժինը։ Զբաղվել է մանկավարժությամբ։ Աշխատակցել է սփյուռքի մի շարք պարբերականների։ 1993 թվականին ստեղծել է լեզվի պահպանության «Մաշտոց» կենտրոնը, օտարախոսների համար հրատարակել հայերենի ուսումնական ձեռնարկ։ 2003 թվականին մասնակցել է Հայաստան-Սփյուռք համաժողովին, 2006 թվականին՝ կրթության հարցերին նվիրված համահայկական ժողովին։ Քնարերգության հիմնական թեման սփյուռքահայ կյանքն է, մայրենին պահպանելու մտահոգությունը։ Սորբոնի համալսարանում դասավանդում է հոգեբանություն և լեզվաբանություն[1][2][3]։
Պարգևներ, կոչումներ խմբագրել
- Սորբոնի համալսարանի հոգեբանության դոկտոր, 1973
- Ֆրանսահայ գրողների միության մրցանակ, 1981
- Արցախի վարչապետի պատվոգիր, 2009
- Սերժ Սարգսյանի շնորհակալագիր, 2009
- Խաչատուր Աբովյանի անվան մանկավարժական համալսարանի Խաչատուր Աբովյան մեդալ, 2009
- Մովսես Խորենացու մեդալ, 2014[4]
Երկեր խմբագրել
- «Կաթիլ մը», ժողովածու, 1980։
- «Լեզուէն անդին», ժողովածու, 1980։
- «Արևմտահայերենի ուղեցույց ոչ հայախոսների համար»։
Ծանոթագրություններ խմբագրել
- ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005.
- ↑ «Հայկական վիրտուալ համալսարանը հյուրընկալեց պրոֆ. Հիլդա Գալֆայան-Փանոսյանին». www.avc-agbu.org. Արխիվացված է օրիգինալից 2021 թ․ սեպտեմբերի 20-ին. Վերցված է 2016 թ․ հոկտեմբերի 22-ին.
- ↑ ««Աստված ուզեց երևի, որ այսպիսի մեթոդ ստեղծեմ հայ լեզվին համար». Հիլդա Գալֆայան-Փանոսյան». Hayern Aysor. 2013 թ․ հուլիսի 13. Վերցված է 2016 թ․ հոկտեմբերի 22-ին.
- ↑ «ՀՀ Նախագահի հրամանագրերը - Փաստաթղթեր - Հայաստանի Հանրապետության Նախագահ». նախագահ.հայ. Վերցված է 2016 թ․ հոկտեմբերի 22-ին.
 | Վիքիդարանն ունի նյութեր, որոնք վերաբերում են «Հիլդա Գալֆայան» հոդվածին։ |