Հենրիկ Ավչյան

Վիքիպեդիայում կան հոդվածներ Ավչյան ազգանունով այլ մարդկանց մասին։

Հենրիկ Մեսրոպի Ավչյան (օգոստոսի 1, 1930(1930-08-01), Գորիս, Հայաստան - նոյեմբերի 24, 1993(1993-11-24), Մոսկվա, Ռուսաստան), հայ երկրաբան, երկրաբանահանքաբանական գիտությունների դոկտոր (1972), պրոֆեսոր (1983)։

Հենրիկ Ավչյան
Ծնվել է	օգոստոսի 1, 1930(1930-08-01) Գորիս, Հայաստան
Մահացել է	նոյեմբերի 24, 1993(1993-11-24) (63 տարեկան) Մոսկվա, Ռուսաստան
Մասնագիտություն	երկրաբան
Հաստատություն(ներ)	Երևանի պետական համալսարան
Ալմա մատեր	Երևանի պետական համալսարան և Մոսկվայի պետական համալսարան
Գիտական աստիճան	Երկրաբանա-հանքաբանական գիտությունների դոկտոր

Կենսագրություն

Ծնվել է 1930 թվականի օգոստոսի 1֊ին Գորիսում։ 1953 թվականին ավարտել է ԵՊՀ երկրաբանության ֆակուլտետը։ 1953֊1956 թվականներին սովորել է Մոսկվայի Մ. Լոմոնոսովի անվան պետական համալսարանի ասպիրանտուրայում։ 1958 թվականին պաշտպանել է թեկնածուական, 1972 թվականին՝ դոկտորական ատենախոսություն։ 1983թ. նրան շնորհվել է պրոֆեսորի կոչում։

1956-1979 թվականներին աշխատել է Մոսկվայի համամիութենական երկրաֆիզիկական հետախուզական մեթոդների գիտահետազոտական ինստիտուտում որպես ճարտարապետ, կրտսեր գիտաշխատող, 1958-1979 թվականներին՝ նաև նույն ինստիտուտի լաբորատորիայի վարիչ։ Նա մշակնլ է լեռնային ապարների ֆիզիկական հատկությունների համալիր ուսումնասիրման լաբորատոր մեթոդներ և անիզոտրոպ ծակոտկեն միջավայրի դեֆորմացման տեսությունը։ 1979 թվականից եղել է ԵՊՀ երկրաբանության ֆակուլտետի օգտակար հանածոների հանքավայրերի որոնման և հետախուզման երկրաֆիզիկական մեթոդների ամբիոնի պրոֆեսոր, իսկ 1984֊1993 թվականներին՝ նույն ամբիոնի վարիչ։

Գիտական գործունեություն

Հեղինակ է ավելի քան 100 գիտական հոդվածների, տասնյակ գիտաարտադրական հաշվետվությունների և 4 մենագրության, այդ թվում՝ «Նստվածքային ապարների ֆիզիկական հատկությունները բարձր ճնշման ու ջերմաստիճանի պայմաններում» (ռուսերեն, Մ., 1972) մենագրությունը։ Համահեղինակ է «Նստվածքային ապարների պետրոֆիզիկան խորքային պայմաններում» (ռուս., Մ., 1979), «Նստվածքային ապարների և օգտակար հանածոների ֆիզիկական հատկությունները» (ռուս., Մ., 1976, 1984) մենագրությունների։

Նա ավելի քան 10 տարի եղել է ԽՍՀՄ ԳԱ-ին կից երկրամագնիսականության, երկրակեղևի և վերին մանթիայի ուսումնասիրման խորհրդի անդամ։

Ծանոթագրություններ

Վիքիդարանն ունի նյութեր, որոնք վերաբերում են «Հենրիկ Ավչյան» հոդվածին։