Հելսինգբորգ

Հելսինգբորգ
Բնակավայր
	Հելսինգբորգ
	շվեդ.՝ Helsingborg
Երկիր	Շվեդիա
Հիմնադրված է	1085 թ.
Մակերես	4103±0,5 հեկտար
ԲԾՄ	10 մետր
Բնակչություն	▲112 496 մարդ (դեկտեմբերի 31, 2019)
Ժամային գոտի	UTC+1, UTC+2 և Կենտրոնական եվրոպական ժամանակ
Հեռախոսային կոդ	042
Փոստային ինդեքսներ	25X XX
Պաշտոնական կայք	helsingborg.se
	Հելսինգբորգ Վիքիպահեստում

Հելսինգբորգ (նաև՝ Հելսինբորգ կամ Գելսինգբորգ, շվեդ.՝ Helsingborg, ['hɛlsiŋ'bɔrj]), քաղաք Շվեդիայի հարավում` Սկոնե գավառում, համանուն կոմունայի կենտրոնը: 2017 թվականի դրությամբ բնակչությունը կազմել է 108334 մարդ^[3]:

ԱշխարհագրությունԽմբագրել

Հելսինգբորգը նավահանգիստ է Էրեսուն նեղուցի ամենանեղ կետի (մոտ 5 կմ) արևելյան ափին, Դանիայի Հելսինգյոր քաղաքի դիմաց: Քաղաքը տեսանելի է Դանիայի ափերից: Այն կապված է Հելսինգյորի հետ ավտոմոբիլային լաստանավով, որը ուղերթեր է կատարում ամեն 20 րոպեն մեկ: Քաղաքում ավարտվում են E04 և E55 եվրոպական ավտոմոբիլային երթուղիները (որոնք չեն միավորվում միայն նշանների փոխարինման բարձր արժեքի պատճառով):

ԿլիմանԽմբագրել

Հելսինգբորգի կլիման բարեխառն է, տարեկան միջին տեղումները կազմում են 500-600 մմ, հունվար ամսվա միջին ջերմաստիճանը կազմում է 0,1 °C, հուլիսինը՝ 16.8 °C^[4]:

ԱրդյունաբերությունԽմբագրել

Հելսինգբորգում զարգացած են նավաշինությունը, էլեկտրատեխնիկական, ռետինա-քիմիական, տեքստիլ, կերամիկական, սննդի արդյունաբերությունը, գունավոր մետալուրգիան (պղնձաձուլություն): Հելսինգբորգը համարվում է տրանսպորտային, առևտրային և բիզնեսի կարևորագույն կենտրոն:

ԲնակչությունԽմբագրել

ԹվաքանակԽմբագրել

Մինչև 19-րդ դարի կեսերը Հելսինգբորգը փոքր քաղաք էր, որի բնակչությունը կազմում էր շուրջ 1000 մարդ: Բայց 19-րդ դարի երկրորդ կեսին, մասամբ արդյունաբերության զարգացման շնորհիվ, քաղաքի բնակչությունը սկսեց արագ աճել և մինչև 1900 թվականը այստեղ ապրում էր շուրջ 25 հազար մարդ: Սակայն, հաջորդ տասնամյակների ընթացքում բնակչության աճը կտրուկ անկում է ապրել: 2010 թվականին 97 հազար մարդ ունեցող Հելսինգբորգը բնակչության թվով Շվեդիայի ութերորդ քաղաքն էր:

Ազգային կազմԽմբագրել

Բնակչության մեծ մասը շվեդներ են: Օտարերկրացիները (այսինքն՝ նրանք, ովքեր կա՛մ ծնվել են Շվեդիայի սահմաններց դուրս, կա՛մ նրանց ծնողները երկուսն էլ ծնվել են Շվեդիայի սահմաններից դուրս) կազմում են քաղաքի բնակչության 23,2%-ը: Օտարերկրացիների թվում կան հատկապես դանիացիներ, սերբեր, արաբներ (հիմնականում Իրաքից, Լիբանանից և Պաղեստինից) և բոսնիացիներ: Քաղաքում ապրում են նաև լեհեր, իրանցիներ, վիետնամցիներ և այլն: Ընդհանրապես, Հելսինգբորգում ապրում են ավելի քան 160 ազգությունների ներկայացուցիչներ^[5]:

Տեսարժան վայրերԽմբագրել

Հելսինգբորգի պատմական մասը բաղկացած է նեղուցի ափին գտնվող բազմաթիվ հին տներից: Առանձնահատուկ հետաքրքրություն են ներկայացնում քաղաքապետարանի շենքը, Չերնանի աշտարակը (շվեդ.՝ Kärnan), աղյուսով գոթական ճարտարապետության ոճով աղյուսից պատրաստված Սուրբ Մարիայի տաճարը, Ֆրեդրիկսդալ բացօթյա թանգարանը և Հենրի Դունկեր մշակութային կենտրոնը:

ԵՆթաշրջաններԽմբագրել

Հելսինգբորգ քաղաքը բաժանված է 31 շրջանների՝

Հելսինգբորգի շրջանները (2006 թվականի հունվարի 9-ի դասակարգում և մարդահամար)
1	Նորր (3600)	12	Ցենտրում (3347)	22	Նորլունդա (1125)
2	Մարիաստադեն (2302)	13	Էնեբորգ (3816)	23	Էսկիլսմին (1835)
3	Ռինգստորպ (2802)	14	Ուիլսոն պարկ (1988)	24	Գուստավսլունդ (2772)
4	Բերգա (1720)	15	Ռոզենգարդեն (4388)	25	Պլանտերինգեն (2663)
5	Դրոտտնինգհյոգ (2708)	16	Հուսենսյո(1564)	26	Էլինեբերգ (2115)
6	Դալհեմ (4530)	17	Սոֆիեբերգ (1606)	27	Ռամլյոսա (4593)
7*	Տոգաբորգ (7113)	18	Ադոլֆսբերգ (4319)	28	Միատորպ (2406)
8	Ստատտենա (2549)	19	Սյոդեր] (3665)	29	Հյոգաստեն (1034)
9	Ֆրեդրիկսդալ (4202)	20	Հյոգաբորգ (4017)	30	Էտենկուլլա (3274)
10	Սլոտսհյդեն (3621)	21	Ֆոլտաբակեն (930)	31	Ռոո (3021)
11	Օլիմպիա (1843)