Վիքիպեդիա

Հարվի Վայնշտեյն

Հարվի Վայնշտեյն (անգլ.՝ Harvey Weinstein, մարտի 19, 1952(1952-03-19)[1][2][3][…], Նյու Յորք, Նյու Յորք, ԱՄՆ), ամերիկացի կինոպրոդյուսեր, Miramax Films ընկերության կառավարման և համահիմնադիրների նախկին անդամ, ինչպես նաև The Weinstein Company ընկերության համահիմնադիր (իր եղբայր Բոբի հետ)։ «Օսկար» և BAFTA մրցանակների դափնեկիր է «Սիրահարված Շեքսպիրը» ֆիլմի համար։ Հանդիսացել է Հոլիվուդի ամենաազդեցիկ պրոդյուսերներից մեկը։ Ֆիլմերը, որոնց ստեղծմանը մասնակցել է նա, բազմիցս տարբեր անվանակարգերում արժանացել են «Օսկարի», այդ թվում որպես լավագույն ֆիլմ։

Հարվի Վայնշտեյն
Ծննդյան թիվ՝մարտի 19, 1952(1952-03-19)[1][2][3][…] (71 տարեկան)
Ծննդավայր՝Նյու Յորք, Նյու Յորք, ԱՄՆ
Քաղաքացիություն՝ ԱՄՆ
Մասնագիտություն՝կինոպրոդյուսեր, գործադիր պրոդյուսեր, դերասան, կինոռեժիսոր և սցենարիստ
Պարգևներ՝
IMDb։ID 0005544

2017 թվականի հոկտեմբերին Վայնշտեյնին հեռացրել են The Weinstein Company-ից այն բանի համար, որ տասնյակ դերասանուհիներ մեղադրել են նրան սեռական բռնության մեջ, այդ թվին էին պատկանում Էշլի Ջադը, Գվինեթ Փելթրոուն, Անջելինա Ջոլին, Կարա Դելևինը և այլք։ Վայնշտեյնի հանդեպ մեղադրանքների պատմությունը ծնունդ է տվել այսպես կոչված «Վայնշտեյնի էֆեկտին», երբ նմանատիպ մեղադրանքների են արժանացել հայտնի բազմաթիվ անձինք։

Կենսագրություն խմբագրել

Հարվի Վայնշտեյնը մեծացել է Նյու Յորքի հրեական ընտանիքում[4][5]։ Բացի նրանից ընտանիքում կար ևս մեկ երեխա՝ կրտսեր եղբայր Բոբը։ Հարվին ավարտել է John Bowne High School դպրոցը, ապա Նյու Յորք նահանգի համալսարանը Բուֆֆալոյում[6][7]։

Համալսարանից հետո Վայնշտեյնը սկսել է զբաղվել պրոդյուսերական գործունեությամբ։ Նրա առաջին նախագծերն էին 70-ական թվականներին Բուֆֆալոյում ռոք համերգների կազմակերպումը։ Հարվին եղբոր՝ Բոբի և Կորկ Բուրգերի հետ աշխատել է Harvey & Corky Productions լեյբլում։ Երկու եղբայրներն էլ երազում էին ֆիլմերի ստեղծման մասին, և 70-ական թվականների կեսերին համերգների կազմակերպման համար աշխատած գումարով բացել են փոքրիկ, բայց անկախ «Miramax» ընկերությունը, որն անվանվել է ի պատիվ եղբայրների ծնողների՝ Միրիամի և Մաքսի[8]։ Miramax-ի առաջին աշխատանքները երաժշտական ֆիլմեր էին, ինչպես օրինակ Փոլ ՄաքՔարթնիի «Ռոք շոուն»[9]։

Վայնշտեյնը համարվում է ԱՄՆ դեմոկրատական կուսակցության հին կողմնակից և անդամ՝ ներառյալ նախագահ Բարաք Օբամայի և նախագահի թեկնածուներ Հիլարի Քլինթոնի և Ջոն Քերիի ընտրարշավները[10]։ Նա աջակցել է Հիլարի Քլինթոնի նախագահական քարոզարշավը 2008 թվականին[11] և 2012 թվականին կազմակերպել է միջոցների հավաքագրում Օբամայի համար իր տանը՝ Վեսթպորտ, Կոնեկտիկուտ[12]։

Անձնական կյանք խմբագրել

Նախկին կինը Ջորջինա Չափմանն է, ամուսնության արդյունքում ունեն դուստր և որդի։ 2017 թվականի հոկտեմբերի 10-ին Չափմանը հայտարարել է ամուսնուց ամուսնալուծվելու մասին սեքսուալ սկանդալի պատճառով[13]։

Ծանոթագրություններ խմբագրել

  1. ↑ 1,0 1,1 Internet Movie Database — 1990.
  2. ↑ 2,0 2,1 Internet Broadway Database — 2000.
  3. ↑ 3,0 3,1 Encyclopædia Britannica
  4. ↑ Gardner Elysa (մարտի 2, 2012)։ «Quel honneur! France salutes Harvey Weinstein»։ USA Today (McLean, Virginia: Gannett Company)։ Վերցված է հունիսի 8, 2018 
  5. ↑ Ghert-Zand Renee (մարտի 6, 2012)։ «Weinstein Awarded French Legion of Honor»։ The Jewish Daily Forward (New York City: Forward Association)։ Արխիվացված է օրիգինալից 2014-12-04-ին։ Վերցված է հունիսի 8, 2018 
  6. ↑ Biskind, Peter[en] Down and Dirty Pictures: Miramax, Sundance and the Rise of Independent Film. — Simon & Schuster, 2004. — С. 463—464. — ISBN 068486259x
  7. ↑ Lurie, Rod. «Harvey Weinstein Gets My Criticism of „The Reader“ Wrong» Archived 2012-02-19 at the Wayback Machine. The Wrap, February 21, 2009
  8. ↑ Weinstein Bob (April 2003)։ All Thanks to Max։ Vanity Fair (New York City: Condé Nast)։ Վերցված է հունիսի 8, 2018 
  9. ↑ Perren Alisa (մայիսի 15, 2012)։ Indie, Inc.: Miramax and the Transformation of Hollywood in the 1990s։ Austin, Texas: University of Texas Press։ էջ 21։ ISBN 978-0-292-74287-1 
  10. ↑ Smith Allan, Gould Skye (2017-10-10)։ «Harvey Weinstein has donated over $1 million to Democrats since 2000 – here are some of the biggest names»։ Business Insider։ Վերցված է 2017-10-14 
  11. ↑ Henry Ed (2008-05-08)։ «Sources: Clinton supporter pressures Pelosi»։ CNN։ Atlanta, Georgia։ Արխիվացված է օրիգինալից 2018-06-12-ին։ Վերցված է 2018-06-08 
  12. ↑ Altimari Daniela (2012-08-05)։ «Obama Looks To Connecticut For Campaign Cash»։ The Hartford Courant (Hartford, Connecticut: Tribune Publishing)։ Վերցված է 2012-08-05 (չաշխատող հղում)
  13. ↑ «Harvey Weinstein’s Wife Georgina Chapman Is Leaving Him: ‘My Heart Breaks for All the Women Who Have Suffered’»։ PEOPLE.com (en-US)։ 2017-10-10։ Վերցված է 2017-10-11 

Արտաքին հղումներ խմբագրել

 
 Հարվի Վայնշտեյն
էջը Վիքիպահեստում
Ստացված է «https://hy.wikipedia.org/w/index.php?title=Հարվի_Վայնշտեյն&oldid=8858747» էջից