Հարութ Հակոբյան

Անվան այլ կիրառումների համար տե՛ս՝ Հարութ Հակոբյան (այլ կիրառումներ)

Վիքիպեդիայում կան հոդվածներ Հակոբյան ազգանունով այլ մարդկանց մասին։

Հարութ Մաքսիմի Հակոբյան, (1997, Ավշար, Արարատի մարզ, Հայաստան - սեպտեմբերի 25, 2015(2015-09-25), Մարտակերտի շրջան, Արցախ), Հայաստանի զինված ուժերի և Արցախի Հանրապետության Պաշտպանության բանակի նախկին զինծառայող, «Մարտական ծառայության» մեդալակիր։

Հարութ Հակոբյան
Ծնվել է	1997
Ծննդավայր	Ավշար, Արարատի մարզ, Հայաստան
Մահացել է	սեպտեմբերի 25, 2015(2015-09-25)
Մահվան վայր	Մարտակերտի շրջան, Արցախ
Քաղաքացիություն	Հայաստան
Պարգևներ և մրցանակներ

Կենսագրություն

Հարութ Հակոբյանը սովորել և ավարտել է Ավշար գյուղի հիմնական դպրոցը։

Մարտական ծառայություն

• 2015 թվականի հուլիսի 30-ին զորակոչվել է Հայկական բանակ։
• 2015 թվականի սեպտեմբերի 25-ին ժամը 17:30-ի սահմանում, ադրբեջանական զինուժի կողմից թուրքական արտադրության TR-107 կայանքներից հրթիռահրետանային արկակոծման հետևանքով Պաշտպանության բանակի հյուսիսարևելյան ուղղությամբ տեղակայված զորամասերից մեկի պահպանության տեղամասում զոհվել է Հարութը իր ծառայակից ընկերներ Նորայր Միքայելի Խաչատրյանի (ծնված 1995 թ.), Ռոբերտ Սուրենի Մկրտչյանի (ծնված 1995 թ.), և Կարեն Գևորգի Շահինյանի (ծնված 1997 թ.) հետ։ Արցախի նախագահ Բակո Սահակյանի հրամանագրերով զոհված զինծառայողները հետմահու պարգևատրվել են «Մարտական ծառայություն» մեդալով։

Արտաքին հղումներ

• Հարութը գյուղի սիրուն տղեն է. գյուղապետը՝ զոհված զինծառայողի մասին