Հարություն Ֆելեքյան
Հարություն Հայկի Ֆելեքյան (մարտի 13, 1931, Երևան, Հայկական ԽՍՀ, ԱԽՖՍՀ, ԽՍՀՄ - դեկտեմբերի 7, 2005, Երևան, Հայաստան), հայ գրականագետ, լրագրող, պատմական գիտությունների դոկտոր (1970), պրոֆեսոր (1971), ՀԽՍՀ վաստակավոր ժուռնալիստ (1981): Հայաստանի գրողների միության անդամ 1963 թվականից։
| Հարություն Ֆելեքյան | |
|---|---|
 | |
| Ծնվել է | մարտի 13, 1931 |
| Ծննդավայր | Երևան, Հայկական ԽՍՀ, ԱԽՖՍՀ, ԽՍՀՄ |
| Մահացել է | դեկտեմբերի 7, 2005 (74 տարեկան) |
| Մահվան վայր | Երևան, Հայաստան |
| Քաղաքացիություն |  Հայաստան |
| Կրթություն | Երևանի պետական համալսարան |
| Գիտական աստիճան | պատմական գիտությունների դոկտոր և պրոֆեսոր |
| Մասնագիտություն | գրականագետ և լրագրող |
| Աշխատատու | Գրական թերթ, ՀՀ ԳԱԱ պատմության ինստիտուտ, Բանբեր Երևանի համալսարանի և Հայաստանի ազգային արխիվ |
| Կուսակցություն | ԽՄԿԿ |
Կենսագրություն
խմբագրելՀարություն Ֆելեքյանը ծնվել է 1931 թվականին Երևանում։ 1948 թվականին ավարտել է Երևանի № 34 միջնակարգ դպրոցը, 1953 թվականին՝ Երևանի պետական համալսարանի միջազգային հարաբերությունների ֆակուլտետը։ 1957 թվականին աշխատել է «Սովետական գրականություն» ամսագրում որպես գրական աշխատող, 1957-1959 թվականներին՝ գրականության և արվեստի բաժնի վարիչ «Սովետական Հայաստան» թերթում, 1959-1961 թվականներին վարել է «Գրական թերթ»-ի քննադատության բաժինը, 1961-1965 թվականներին՝ «Պատմաբանասիրական հանդես»-ում բաժնի վարիչ, 1965-1970 թվականներին՝ ավագ գիտաշխատող ՀԽՍՀ ԳԱ պատմության ինստիտուտի հայ մամուլի պատմության բաժնում։
1967-1970 թվականներին Հարություն Ֆելեքյանը միաժամանակ «Բանբեր Երևանի համալսարանի» հանդեսի պատասխանատու քարտուղարն էր, 1970-1977 թվականներին՝ գլխավոր խմբագրի տեղակալը, 1978-1986 թվականներին՝ գլխավոր խմբագիրը (հասարակական կարգով)։ 1970-1981 թվականներին[1]՝ Երևանի համալսարանի ժուռնալիստիկայի ամբիոնի վարիչ, 1981-1991 թվականներին՝ «Սովետական գրող» հրատարակչության տնօրեն։ Խորհրդային տարիների աշխատությունները հիմնականում նվիրված են հայ սովետական մամուլի և գրականության պատմությանը[2]։ 1991 թվականին Ֆելեքյանը նշանակվել է ՀՀ կառավարությանն առընթեր արխիվային գործի վարչության պետ, որտեղ պաշտոնավարել է մոտ 10 տարի։ 2001 թվականին նշանակվել է Հայաստանի ազգային արխիվի տնօրենի օգնական։
Կազմել, խմբագրել և հրատարակման է ներկայացրել Հովհաննես Շիրազի, Պարույր Սևակի և այլ գրողների ստեղծագործություններ, հայերեն թարգմանել Ա. Ալեքսանդր Գերցենի «Եղելություն և խոհեր» գիրքը։
Անդամակցություն
խմբագրել- Հայաստանի ժուռնալիստների միության անդամ (1958)
- Հայաստանի գրողների միության անդամ (1963)
- Տեղեկատվայնության միջազգային ակադեմիայի անդամ (1997)
Երկեր
խմբագրել- «Պրավդա»-ի տրադիցիաներով, Ե., 1963, 157 էջ։
- Ալեքսանդր Ծատուրյան, Ե., 1965, 270 էջ[3]։
- Հայաստանի պարբերական մամուլը սոցիալիզմի կառուցման պայքարում, Ե., ՀԽՍՀ ԳԱ, 1970, 560 էջ։
- Հրապարակախոսություն և գրականություն, Ե., 1975 :
Ծանոթագրություններ
խմբագրել- ↑ «ՀԱՐՈւԹՅՈւՆ ՀԱՅԿԻ ՖԵԼԵՔՅԱՆ». ysu.am. Արխիվացված է օրիգինալից 2019 թ․ մարտի 25-ին. Վերցված է 2019 թ․ մարտի 13-ին.
- ↑ «Ով ով է։ Հայեր» հանրագիտարան, հատոր երկրորդ, գլխավոր խմբագիր՝ Հովհաննես Այվազյան, Հայկական հանրագիտարան հրատարակչություն, Երևան, 2007թ.:(չաշխատող հղում)
- ↑ Ֆելեքյան, Հարություն Հայկի (1965). Ալեքսանդր Ծատուրյան. Հայաստան.
Արտաքին հղումներ
խմբագրել | Վիքիդարանն ունի նյութեր, որոնք վերաբերում են «Հարություն Ֆելեքյան» հոդվածին։ |
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 12, էջ 624)։ 
|