Հարություն Մովսիսյան

Վիքիպեդիայում կան հոդվածներ Մովսիսյան ազգանունով այլ մարդկանց մասին։

Կենսագրություն

1968 թվականին ավարտել է Երևանի թիվ 68 միջնակարգ դպրոցը։ 1969-1973 թվականներին սովորել է Երևանի գեղարվեստա-թատերական ինստիտուտի դրամատիկ դերասանի բաժնում (Վարդան Աճեմյանի արվեստանոց)։

1973 թվականին խաղացել է Խլեստակովի դերը Գոգոլի «Ռևիզորը» ներկայացման մեջ՝ որպես դիպլոմային աշխատանք և նույն թվականից աշխատում է Երևանի Սունդուկյանի անվան ազգային ակադեմիական թատրոնում` որպես դերասան^[2]։

Խաղացել է ավելի քան 150 դեր ներկայացումներում, հեռուստաներկայացումներում, ֆիլմերում։

1979 թվականից նկարահանվում է ֆիլմերում։

1998 թվականին Հայաստանի ազգային հեռուստատեսությամբ նկարահանվել է առաջին հայկական հեռուստասերիալում՝ «Երևակայական խաղ կամ ֆորդ»։
2008-2010թթ նկարահանվել է «Որոգայթ» հեռուստասերիալում՝ գլխավոր հերոսի՝ Հովոյի դերում։
2016 թվականին նկարահանվել է «Բախտաբեր» հեռուստասերիալում։
«Ժառանգներ»
«Հաջողակը»
«Լիալուսին»
«Ընտրյալներ»
«Վերվարածներն ընտանիքում»
«Եզրագծից այն կողմ»
«Երանի»
«Մոռացված կանգառը»
«Երևի»
«Անհասցե ծնվածները»
«Սարի աղջիկ»
«Կույր աշխարհ»
«Սուրբը»
«ՏանԴեմ» կրիմինալ սերիալ

2003 թվական ՀՀ վաստակավոր արտիստ
2011 թվական ԼՂՀ «Մայրություն» հ/կ-ի կողմից՝ «Մայրական երախտագիտություն» հուշամեդալ
2012 թվական Երկրապահի շքանշան,
2017 թվական ՀԹԳՄ ոսկե մեդալ