Հանրային տեղեկատվություն և գիտելիքի կարիք

Հանրային տեղեկատվություն և գիտելիքի կարիք;
Իրավ. կարգավիճակ	գործող
Նպատակներ	Կազմակերպության տեսլականն է ունենալ հասարակություն, որտեղ բոլոր մարդկանց իրավունքները պաշտպանված են, և յուրաքանչյուր ոք ընդունված է անկախ իր սեռական կողմնորոշումից, գենդերային ինքնությունից և/կամ գենդերային արտահայտումից։
Նախագահ	Լիլիթ Ավետիսյան
Կայք	pinkarmenia.org

Հանրային տեղեկատվություն և գիտելիքի կարիք ՀԿ, որն անվանափոխվել է որպես «Փինք» իրավապաշտպան հասարակական կազմակերպություն, հայտնի նաև որպես «Փինք» Արմենիա^[1] (անգլ.՝ Pink human rights defender NGO (Pink Armenia)), Հայաստանում գործող հասարակական կազմակերպություն, որի հիմնական գործառույթներն են Հայաստանում ԼԳԲՏ անձանց մարդու իրավունքների պաշտպանությունը և գենդերային հիմնախնդիրները^[2]։ Կազմակերպության գործադիր տնօրենն է Մամիկոն Հովսեփյանը^[2]։

Գործառույթներ խմբագրել

«Փինք» իրավապաշտպան հասարակական կազմակերպության հիմնական գործառույթներն են ԼԳԲՏ անձանց մարդու իրավունքների պաշտպանությունը և գենդերային հիմնախնդիրները^[2]։ Հայաստանում մարդու իրավունքների պաշտպանության բնագավառում կազմակերպության գործունեությունը ուղղված է հավասարության, ՄԻԱՎ-ի նկատմամբ խոցելի բնակչության և ԼԳԲՏ անձանց ընդունման գաղափարների խթանմանը։ Համաձայն կազմակերպության պաշտոնական կայքի, Փինք ՀԿ-ն ցանկանում է «արժևորել և ընդունելի դարձնել բազմազանությունը մեր հասարակությունում մշակութային զգայունության խրախուսման և ցանկացած տեսակի խտրականության վերացման միջոցով»^[2]։

Կազմակերպության գործունեությունը ծավալվում է ինչպես Երևանում, այնպես էլ Հայաստանի բոլոր մարզերում։

«Փինք» ՀԿ-ն ամեն տարի հրապարակում է Հայաստանում ԼԳԲՏ անձանց մարդու իրավունքների իրավիճակի մասին զեկույց^[3]։ «Փինք» ՀԿ-ն 2017թ․-ին հրապարակել է նաև ԼԳԲՏ անձանց հետ աշխատանքի ուղեցույց^[4]։

Կազմակերպության գործունեության^[5] առաջին իսկ օրվանից՝ «Փինք» Արմենիան նախաձեռնել և իրականացրել է տարբեր միջոցառումներ և ծրագրեր՝ բարձրացնելով հասարակության իրազեկվածությունը սեռական և վերարտադրողական առողջության և իրավունքների, սեռական ճանապարհով փոխանցվող վարակների և ՄԻԱՎ/ՁԻԱՀ-ի, դրանց կանխարգելման վերաբերյալ, ինչպես նաև այնպիսի գործողություններ, որոնք խթանում են անվտանգ սեռական հարաբերություններ և վարքագիծ։ Հետագայում կազակերպության գործունեությունը և ծառայությունների տրամադրման ոլորտն ընդլայնվեց՝ կազմակերպության օրակարգում ներառելով մարդու իրավունքների և դրանց պաշտպանության հիմնահարցերը։

Կազմակերպության պաշտոնական կայքի մեր մասին^[5] բաժնում նշված է, որ մարդու իրավունքների պաշտպանության բնագավառում կազմակերպությունը տրամադրում է ծառայությունների ամբողջական փաթեթ ԼԳԲՏ համայնքի այն ներկայացուցիչներին, ում իրավունքները ոտնահարվել են սեռական կողմնորոշման, գենդերային ինքնության և/կամ գենդերային արտահայտման հիմքով։ Ավելին, կազմակերպությունը ներկայացնում է ԼԳԲՏ անձանց կարիքներն ու շահերը, ինչպես նաև ջատագովում այդ խնդիրների լուծումն ու իրավական պաշտպանվածությունը տեղական, պետական, ինչպես նաև միջազգային մակարդակներում։

Մարդու իրավունքների պաշտպանության բնագավառում կազմակերպությունը խրախուսում և խթանում է հավասարության, խոցելի խմբերի ընդունման գաղափարները, նվազեցնում է ցանկացած հիմքով խտրականության արտահայտումը՝ հաստատելով մշակութային զգայունության և բազմազանության նկատմամբ հարգանքի միջավայր։

10 տարիների ընթացքում կազմակերպությունը հաստատել է կայուն համագործակցություն սեռական առողջության, մարդու իրավունքների պաշտպանության, խտրականության դեմ պայքարի, գենդերային հիմնահարցերի բնագավառներում գործող տեղական և միջազգային կազմակերպությունների հետ, ինչպես նաև բազմաթիվ տեղական և միջազգային ցանցերի և կոալիցիաների անդամ է^[6]։

«Փինք»ի գրասենյակները՝ համայնքային կենտրոնը և վարչական գրասենյակը, տեղակայված են Երևանում, սակայն կազմակերպությունը տրամադրում է տարածքի և ժամանակի մեջ հասանելի ծառայություններ աջակցության և օժանդակության կարիք ունեցող ցանկացած անհատի։

Ղեկավարություն խմբագրել

Հանրային տեղեկատվություն և գիտելիքի կարիք կազմակերպության ղեկավար կազմում են^[2].

Մամիկոն Հովսեփյան, գործադիր տնօրեն^[7]։
Լիլիթ Ավետիսյան, նախագահ^[7]։

Պատմություն խմբագրել

«Փինք» իրավապաշտպան հասարակական կազմակերպությունը հիմնադրվել և գրանցվել է 2007 թվականին^[1]։ Այժմ կազմակերպությունը ավելի հայտնի է որպես Փինք Արմենիա (անգլ.՝ Pink Armenia)^[1]։

Համաձայն պաշտոնական կայքի, առաջին իսկ օրվանից կազմակերպությունը իրականացնում է սեռական և վերարտադրողական առողջության և իրավունքների, սեռական ճանապարհով փոխանցվող վարակների և ՄԻԱՎ/ՁԻԱՀ-ի վերաբերյալ հանրային իրազեկվածությունը բարձրացնելու ուղղությամբ միջոցառումներ։ Կարճ ժամանակ անց կազմակերպության օրակարգում ներառվեցին նաև մարդու իրավունքների պաշտպանությունը և գենդերային հիմնախնդիրները^[1]։

2015 թվականի մայիսի 18-ին Հանրային տեղեկատվություն և գիտելիքի կարիք կազմակերպության տարածած մամուլի հաղորդագրությունում «Հոմոֆոբիայի և տրանսֆոբիայի դեմ պայքարի միջազգային օրվա» շրջանակներում ՀՀ նախագահին, ՀՀ Ազգային Ժողովի պատգամավորներին և ՀՀ կառավարությանը նամակ է հղել` կոչ անելով պաշտպանել ԼԳԲՏ անձանց իրավունքները և զերծ մնալ նրանց նկատմամբ խտրական վերաբերմունքից^[8]։

2015 թվականի հոկտեմբերի 17-18-ին «Փինք» ՀԿ-ի նախաձեռնությամբ Լոռու մարզում տեղի է ունեցել «Ծիածան» խորագրով Հայաստանում առաջին ԼԳԲՏ ֆորումը, որին մասնակցել էր շուրջ 40 մարդ^[9]։ Ֆորումի նպատակն էր կառուցել ԼԳԲՏ շարժումը Հայաստանում, քննարկել ԼԳԲՏ անձանց հիմնախնդիրները և միասին մշակել ռազմավարություն և քայլեր` Հայաստանում հոմոֆոբիայի հաղթահարման համար^[10]։

Տես նաև խմբագրել

Ծանոթագրություններ խմբագրել

↑ ^1,0 ^1,1 ^1,2 ^1,3 ««Մեր մասին» բաժինը ՀՏԳԿ ՀԿ պաշտոնական կայքում». Արխիվացված է օրիգինալից 2017 թ․ մայիսի 8-ին. Վերցված է 2017 թ․ մայիսի 16-ին.
↑ ^2,0 ^2,1 ^2,2 ^2,3 ^2,4 https://www.pinkarmenia.org/
↑ «Զեկույցներ – Փինք Արմենիա». Վերցված է 2020 թ․ մայիսի 21-ին.
↑ «Ուղեցույցներ – Փինք Արմենիա». Վերցված է 2020 թ․ մայիսի 21-ին.
↑ ^5,0 ^5,1 «Ծառայություններ և գործունեություն – Փինք Արմենիա». Վերցված է 2020 թ․ մայիսի 21-ին.
↑ «Ցանցեր և կոալիցիաներ – Փինք Արմենիա». Վերցված է 2020 թ․ մայիսի 21-ին.
↑ ^7,0 ^7,1 ««ՓԻՆՔ» ԻՐԱՎԱՊԱՇՏՊԱՆ ՀԱՍԱՐԱԿԱԿԱՆ ԿԱԶՄԱԿԵՐՊՈՒԹՅՈՒՆ • ՀԱՅԱՍՏԱՆ (ԵՐԵՎԱՆ) • ՍՓՅՈՒՌ». spyur.am. Վերցված է 2020 թ․ մայիսի 21-ին.(չաշխատող հղում)
↑ «Pink Armenia-ն իշխանություններին կոչ է արել հարգել ԼԳԲՏ մարդկանց իրավունքները». Արխիվացված է օրիգինալից 2017 թ․ մայիսի 25-ին. Վերցված է 2017 թ․ մայիսի 16-ին.
↑ Դրոշ այրելով նույնասեռականների թիվը Հայաստանում չի պակասի. «Փինք Արմենիա»
↑ «Հայաստանում տեղի ունեցավ ԼԳԲՏ առաջին ֆորումը». Արխիվացված է օրիգինալից 2017 թ․ հունիսի 12-ին. Վերցված է 2017 թ․ մայիսի 16-ին.

[ՓինքԱրմենիաՄերմասին-1] 1,0 ^1,1 ^1,2 ^1,3 ««Մեր մասին» բաժինը ՀՏԳԿ ՀԿ պաշտոնական կայքում». Արխիվացված է օրիգինալից 2017 թ․ մայիսի 8-ին. Վերցված է 2017 թ․ մայիսի 16-ին.

[ՓինքԱրմենիա-2] 2,0 ^2,1 ^2,2 ^2,3 ^2,4 https://www.pinkarmenia.org/

[3] «Զեկույցներ – Փինք Արմենիա». Վերցված է 2020 թ․ մայիսի 21-ին.

[4] «Ուղեցույցներ – Փինք Արմենիա». Վերցված է 2020 թ․ մայիսի 21-ին.

[pinkarmenia.org-5] 5,0 ^5,1 «Ծառայություններ և գործունեություն – Փինք Արմենիա». Վերցված է 2020 թ․ մայիսի 21-ին.

[6] «Ցանցեր և կոալիցիաներ – Փինք Արմենիա». Վերցված է 2020 թ․ մայիսի 21-ին.

[:0-7] 7,0 ^7,1 ««ՓԻՆՔ» ԻՐԱՎԱՊԱՇՏՊԱՆ ՀԱՍԱՐԱԿԱԿԱՆ ԿԱԶՄԱԿԵՐՊՈՒԹՅՈՒՆ • ՀԱՅԱՍՏԱՆ (ԵՐԵՎԱՆ) • ՍՓՅՈՒՌ». spyur.am. Վերցված է 2020 թ․ մայիսի 21-ին.(չաշխատող հղում)

[ԼԳԲՏնորությպուններ-8] «Pink Armenia-ն իշխանություններին կոչ է արել հարգել ԼԳԲՏ մարդկանց իրավունքները». Արխիվացված է օրիգինալից 2017 թ․ մայիսի 25-ին. Վերցված է 2017 թ․ մայիսի 16-ին.

[ՆյուսԷյԷմ-9] Դրոշ այրելով նույնասեռականների թիվը Հայաստանում չի պակասի. «Փինք Արմենիա»

[ՓինքՖորում-10] «Հայաստանում տեղի ունեցավ ԼԳԲՏ առաջին ֆորումը». Արխիվացված է օրիգինալից 2017 թ․ հունիսի 12-ին. Վերցված է 2017 թ․ մայիսի 16-ին.

[1]

[2]

[3]

[4]

[5]

[6]

[7]

[8]

[9]

[10]