Հանս Հոթեր
Հանս Հոթեր (գերմ.՝ Hans Hotter, հունվարի 19, 1909[1][2][3][…], Օֆենբախ ամ Մայն, Դարմշտադտի վարչական շրջան, Հեսսեն, Գերմանիա[4] - դեկտեմբերի 6, 2003[1][2][3][…], Մյունխեն[4]), գերմանացի օպերային երգիչ, բաս-բարիտոն։ Առաջին հերթին հայտնի է որպես գերմանացի կոմպոզիտոր Ռիխարդ Վագների օպերաների համապատասխան դերեգերի կատարող (Վոտան, «Նիբելունգի մատանին»)։
| Հանս Հոթեր | |
|---|---|
 | |
| Բնօրինակ անուն | գերմ.՝ Hans Hotter |
| Ծնվել է | հունվարի 19, 1909[1][2][3][…] Օֆենբախ ամ Մայն, Դարմշտադտի վարչական շրջան, Հեսսեն, Գերմանիա[4] |
| Երկիր |  Գերմանիա |
| Մահացել է | դեկտեմբերի 6, 2003[1][2][3][…] (94 տարեկան) Մյունխեն[4] |
| Մասնագիտություն | օպերային երգիչ և դերասան |
| Երգչաձայն | բաս-բարիտոն |
| Գործիքներ | վոկալ |
| Կրթություն | Մյունխենի երաժշտության և թատրոնի բարձրագույն դպրոց |
| Անդամակցություն | Բավարիայի գեղարվեստի ակադեմիա |
| Պարգևներ | |
 Hans Hotter Վիքիպահեստում | |
Կենսագրություն
խմբագրելՄյունխենում ուսումնասիրել է փիլիսոփայություն և եկեղեցական երաժշտություն, հայտնի տենոր Մատիաս Ռյոմերի մոտ սովորել է երգեցողություն։ Առաջին անգամ ելույթ է ունեցել Մյունխենում 1929 թվականին։ 1930 թվականին կայացել է երգչի օպերային առաջնաելույթը Տրոպաուում (Օպավա) (Մոցարտի «Կախարդական սրինգ» օպերայում կատարել է հռետորի դերերգը)։ 1932-1934 թվականներին հանդես է եկել Պրահայում, 1934-1938 թվականներին՝ Համբուրգի օպերայում (այստեղ մասնակցել է Վինֆրիդ Ցիլլիգի «Զոհը» օպերայի պրեմիերային), 1939 թվականից՝ Վիեննայի օպերայում։
1937 թվականից ընդգրկվել է Մյունխենի օպերայի թատերախմբում։ Մասնակցել է Ռիխարդ Շտրաուսի «Խաղաղության օրը» (հուլիսի 24, 1938 թ․, պարեկի դերերգ) և «Կապրիչիո» (հոկտեմբերի 28, 1942 թ․, Օլիվիեի դերերգ) օպերաների պրեմիերաներին։ Ակնկալվում էր նաև նրա մասնակցությունը «Դանայիի սերը» օպերայի պրեմիերային, սակայն պատերազմի պատճառով պրեմիերան հետաձգվեց և արդյունքում բեմադրվեց այլ կազմով։ 1941 թվականին առաջին անգամ հանդես է եկել որպես երգացանկի կատարող՝ կատարելով Շուբերտի «Ձմեռային ճանապարհ» ցիկլը։
1939 թվականից հյուրախաղերով հանդես է եկել Փարիզում, 1940 թվականից՝ Միլանում, 1947 թվականից պարբերաբար ելույթ է ունեցել Լոնդոնում, 1949 թվականից՝ Բուենոս Այրեսում, 1950-1954 թվականներին՝ Նյու Յորքում։ Մասնակցել է Զալցբուրգի և Էդինբուրգի փառատոններում։ Երգչի կարիերայի գագաթնակետը պարբերապար ելույթներն էր Բայրեյթի փառատոնին (1952-1966)։
1971 թվականին մասնակցել է Գոթֆրիդ ֆոն Էյնեմի «Ծեր կնոջ այցը» օպերայի պրեմիերային Վիեննայի պետական օպերայում։
1972 թվականին պաշտոնապես ավարտել է օպերային կարիերան, սակայն դեռ երկար հանդես է եկել ոչ մեծ դերերով և շարունակում էր կատարել երգեր։ Լոնդոնում, Վիեննայում, Մյունխենում, Ցյուրիխում և Համբուրգում աշխատել է որպես օպերային ռեժիսոր։ 1977 թվականից Վիեննայի երաժշտական ակադեմիայի պրոֆեսոր։
Ծանոթագրություններ
խմբագրել- ↑ 1,0 1,1 1,2 1,3 1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ 2,0 2,1 2,2 2,3 2,4 Discogs — 2000.
- ↑ 3,0 3,1 3,2 3,3 3,4 filmportal.de — 2005.
- ↑ 4,0 4,1 4,2 4,3 4,4 4,5 Deutsche Nationalbibliothek Record #118707248 // Gemeinsame Normdatei (գերմ.) — 2012—2016.
- ↑ https://www.siv.archives-nationales.culture.gouv.fr/siv/rechercheconsultation/consultation/ir/pdfIR.action?irId=FRAN_IR_026438
Գրականություն
խմբագրել- Hotter, H. Hans Hotter: Memoirs (Edited and translated by Donald Arthur, with forewords by Dietrich Fischer-Dieskau and Zubin Mehta), UPNE, 2006. ISBN 1-55553-661-1.
- The Times, "Obituary: Hans Hotter", 13 December 2003
- Turing, Penelope, "Hans Hotter: Great German bass baritone famed for his Wagnerian roles", The Guardian, 13 December 2003.
Արտաքին հղումներ
խմբագրել- Հանս Հոթերի կենսագրությունը Արխիվացված 2006-12-06 Wayback Machine (անգլ.)
- Հանս Հոթերի սկավառակագրությունը Արխիվացված 2006-12-07 Wayback Machine(անգլ.)
- Հանս Հոթերի լուսանկարները (անգլ.)
 | Վիքիպահեստն ունի նյութեր, որոնք վերաբերում են «Հանս Հոթեր» հոդվածին։ |