Հայկ Մարության (երաժիշտ)

Անվան այլ կիրառումների համար տե՛ս՝ Հայկ Մարության (այլ կիրառումներ)
Վիքիպեդիայում կան հոդվածներ Մարության ազգանունով այլ մարդկանց մասին։

Հայկ Սմբատի Մարության (նոյեմբերի 10, 1913(1913-11-10), Շուլավեր, Բորչալուի գավառ, Ռուսական կայսրություն - հունվարի 6, 2012(2012-01-06), Մոսկվա, Ռուսաստան), փողհար, զինվորական դիրիժոր, մանկավարժ, կոմպոզիտոր։ Հայկական ԽՍՀ վաստակավոր արտիստ (1950), Վրացական ԽՍՀ արվեստի վաստակավոր գործիչ (1960), դոցենտ (1968), գնդապետ[1]։

Հայկ Մարության
Ծնվել էնոյեմբերի 10, 1913(1913-11-10)
Շուլավեր, Բորչալուի գավառ, Ռուսական կայսրություն
Երկիր Ռուսական կայսրություն,  ԽՍՀՄ և  Ռուսաստան
Մահացել էհունվարի 6, 2012(2012-01-06) (98 տարեկան)
Մոսկվա, Ռուսաստան
ԳերեզմանՆիկոլո-Արխանգելսկի գերեզմանատուն
Մասնագիտությունդիրիժոր, կոմպոզիտոր և երաժշտության ուսուցիչ
ԱշխատավայրՄոսկվայի կոնսերվատորիա
ԿրթությունՄոսկվայի կոնսերվատորիա
Պարգևներ
Կարմիր դրոշի շքանշան, Կարմիր Աստղի շքանշան, «Կովկասի պաշտպանության համար» մեդալ,
և ՀԽՍՀ վաստակավոր արտիստ

Կենսագրություն խմբագրել

Հայկ Մարությանը ծնվել է 1913 թվականի նոյեմբերի 10-ին Շահումյանում։ 1930-1934 թվականներին սովորել է Երևանի երաժշտական ուսումնարանում (դոցենտ Գ․ Թառայանի փողի դասարան)։ 1934 թվականին ընդունվել է Մոսկվայի կոնսերվատորիայի զինվորական կապելմեյստերների ամբիոն։ 1935-1937 թվականներին սովորել է Մոսկվայի կոնսերվատորիայի զինվորական ֆակուլտետում՝ Կոնստանտին Սարաջևի (դիրիժորություն), Սերգեյ Երյոմինի (փող), Սեմյոն Չերնեցկու (զինվորական նվագախմբի շարային ծառայություն) դասարանում։ Կրթությունն ավարտելուց հետո ծառայել է որպես դիրիժոր Խորհրդային բանակի տարբեր զորամասերում, 1942 թվականից՝ Իրանում խորհրդային խմբի կազմում։ 1944 թվականից եղել է Անդրկովկասյան ռազմական շրջանի շտաբի նվագախմբի պետ՝ 1948 թվականից՝ Անդրկովկասյան ռազմական շրջանի զինվորական-նվագախմբային ծառայության պետ[1]։

1965-1976 թվականներին Հայկ Մարությանը եղել է Մոսկվայի կոնսերվատորիային առընթեր Զինվորական-դիրիժորական ֆակուլտետի պետ, միաժամանակ դասավանդել է փողի դասարանում։ 1978 թվականից եղել է Մոսկվայի կոնսերվատորիայի պրոբլեմային գիտահետազոտական լաբորատորիայի վարիչի տեղակալ, 1982 թվականից՝ վարիչ[1]։

Հայկ Մարությանը մահացել է 2012 թվականի հունվարի 6-ին Մոսկվայում։ Թաղված է Նիկոլո-Արխանգելյան գերեզմանատանը[2]։

Պարգևներ խմբագրել

  • Կարմիր դրոշի շքանշան[1]
  • Կարմիր աստղի շքանշան[1]
  • Հայկական ԽՍՀ վաստակավոր արտիստ (1950)[1]
  • Վրացական ԽՍՀ արվեստի վաստակավոր գործիչ (1960)[1]
  • Մեդալ «Կովկասի պաշտպանության համար»[3]
  • 15 մեդալ[1]

Ծանոթագրություններ խմբագրել

  1. 1,0 1,1 1,2 1,3 1,4 1,5 1,6 1,7 Смирнов Д. В., 2005, էջ 369
  2. «Скончался Заслуженный артист Армении, Заслуженный деятель искусств Грузии Гайк Сумбатович Марутян»։ Московская консерватория։ 2012-01-06։ Վերցված է 2017-07-16 
  3. Наградной лист в электронном банке документов «Подвиг народа».

Գրականություն խմբագրել

  • Смирнов Д. В. Марутян Гайк Сумбатович // Московская консерватория. От истоков до наших дней. 1866—2003 / под ред. Н. А. Мироновой. — М.: «Прогресс-Традиция», 2005. — С. 369—370. — 744 с. — 1500 экз. — ISBN 5-89826-232-6