Հայկ Ավետիսյան (մանկավարժ)

հայ մանկավարժ
HS Disambig.svg Անվան այլ կիրառումների համար տե՛ս՝ Հայկ Ավետիսյան (այլ կիրառումներ)

Հայկ Սարգսի Ավետիսյան (1920, Մարտունի, Հայաստան), հայ մանկավարժ։ ՀԽՍՀ վաստակավոր մանկավարժ, ԽՄԿԿ անդամ (1940), Երկրորդ համաշխարհային պատերազմի Արևելյան ռազմաճակատի («Հայրենական մեծ պատերազմ», 1941-1945) մասնակից։

Հայկ Ավետիսյան
Ծնվել է1920
ԾննդավայրՄարտունի, Հայաստան
ՔաղաքացիությունFlag of the Soviet Union.svg ԽՍՀՄ
Ազգությունհայ
ԿրթությունՀայկական պետական մանկավարժական համալսարան
Մասնագիտությունմանկավարժ
Պարգևներ և
մրցանակներ
ՀԽՍՀ վաստակավոր մանկավարժ «Պատվո նշան» շքանշան Սևաստոպոլի պաշտպանության համար մեդալ «Աշխատանքային արիության համար» մեդալ և «Աշխատանքային գերազանցության համար» մեդալ

ԿենսագրությունԽմբագրել

Հայկ Ավետիսյանը ծնվել է 1920 թվականին, Մարտունու շրջանի Մարտունի գյուղում։ 1939 թվականին ավարտել է Մարտունու միջնակարգ դպրոցը և նշանակվել նույն դպրոցի մաթեմատիկայի ուսուցիչ։ Ավետիսյանը միաժամանակ սովորել է Երևանի պետական մանկավարժական ինստիտուտի հեռակա բաժնում։ Երբ սկսվեց Խորհրդա-գերմանական պատերազմը նա ԽՄԿԿ անդամ էր, միջնակարգ դպրոցի ԼԿԵՄ կազմակերպության քարտուղար[1]։

Պատերազմի առաջին օրերին Հայկը կամավոր զինվորագրվել է կարմիր բանակին, մեկնել ռազմաճակատ և դարձել Սևաստոպոլի հերոսական պաշտպանության ակտիվ մասնակիցներից։ Եղել է 386-րդ հրաձգային դիվիզիայի 769-րդ գնդի կապի վաշտի քաղղեկի օգնական, ապա քաղղեկ։ Մարտական ընկերների հետ մասնակցել է Սևծովյան ամրոցի՝ Սևաստոպոլի վրա հարձակվող թշնամու գրոհները ետ մղելուն։ Պարգևատրվել է «Պատվո նշան» շքանշանով և «Արիության համար», «Սևաստոպոլի պաշտպանության համար», «Աշխատանքային արիության համար», «Աշխատանքային գերազանցության համար» մեդալներով[1]։

Զորացրվելուց հետո Ավետիսյանը շարունակել է մանկավարժական աշխատանքը։ 1953 թվականին աշխատանքի է անցել Մարտունու կուսշրջկոմում որպես բաժնի վարիչ, ապա՝ շրջկոմի քարտուղար։ Երկար տարիներ ղեկավարել է շրջանային ժողկրթբաժինը։ Ավետիսյանն արժանացել է Հայկական ԽՍՀ վաստակավոր ուսուցչի պատվավոր կոչմանը, եղել է ՀԿԿ Մարտունու շրջկոմի անդամ, շրջխորհրդի պատգամավոր[1]։

ՊարգևներԽմբագրել

  • ՀԽՍՀ վաստակավոր մանկավարժ
  • «Պատվո նշան» շքանշան
  • «Արիության համար» մեդալ
  • «Սևաստոպոլի պաշտպանության համար» մեդալ
  • «Աշխատանքային արիության համար» մեդալ
  • «Աշխատանքային գերազանցության համար» մեդալ

ԾանոթագրություններԽմբագրել