Հայկազ Ստեփանյան
Հայկազ Ստեփանյան (ծննդյան թվ․ անհայտ, Գանձակ, Ելիզավետպոլի նահանգ - մահվան թվ․ անհայտ, հավանաբար Բաքու), հայազգի ռազմական գործիչ, ֆիդայի, խմբապետ, Հայ Յեղափոխական Դաշնակցություն կուսակցության անդամ[1]։
Հայկազ Ստեփանյան | |
---|---|
Ծնվել է | Անհայտ |
Ծննդավայր | Գանձակ |
Մահացել է | Անհայտ |
Մահվան վայր | Հավանաբար Բաքու |
Քաղաքացիություն | Ռուսական կայսրություն ԽՍՀՄ |
Ազգություն | Հայ |
Մասնագիտություն | ռազմական գործիչ |
Գործունեություն | Մասնակցություն հայ ֆիդայական շարժմանը |
Կենսագրություն խմբագրել
Հայկազ Ստեփանյանի կենսագրության մասին քիչ տեղեկություններ կան։ Հայտնի է, որ նա ծնվել է Ռուսական կայսրության Ելիզավետպոլի նահանգի Գանձակ քաղաքում։ Պատանի տարիներից անդամագրվել է Հայ Յեղափոխական Դաշնակցություն կուսակցությանը[1]։
1914-1919 թվականներին կռվել է Զորավար Անդրանիկի կամավորական բանակի կազմում՝ Թուրքիայի հայկական նահանգներում մասնակցելով հայ-թուրքական և հայ-քրդական բազմաթիվ կռիվների։ Գեներալ Անդրանիկի՝ Հայաստանից հեռանալուց հետո վերադարձել է Գանձակ, որտեղ անդամագրվում է Հայ Յեղափոխական Դաշնակցության տեղական ընդհատակյա զինված ջոկատներին[1]։
Հայկազ Ստեփանյանը Գանձակի տարածաշրջանում կռվել է տեղական բոլշևիկների և մուսաֆաթականների դեմ[1]։
Գանձակ քաղաքում նա բնակվում էր Մեչի մեյդան կոչվող վայրում։ Տարածաշրջանի խորհրդայնացումից հետո հեռացել է դեպի Պարսկաստան, որտեղից 1920-ական թվականներին մեկնել է Խորհրդային Ադրբեջանի մայրաքաղաք դարձած Բաքու։ Բնակության նոր վայրում Հայկազ Ստեփանյանը փոխել է իր անվանումը և բնակվել քողարկված անվանումով[1]։
Հայկազ Ստեփանյանի մահվան թվականի և վայրի մասին տեղեկություններ հայտնի չեն։ Հավանաբար նա մահացել է Բաքու քաղաքում[1]։