Հայկազ Առաքելյան
Հայկազ Եգորի Առաքելյան (1921, Ծովասար, Հայաստան), հայ մանկավարժ։ Երկրորդ համաշխարհային պատերազմի Արևելյան ռազմաճակատի («Հայրենական մեծ պատերազմ», 1941-1945) մասնակից։ ԽՄԿԿ անդամ (1944):
| Հայկազ Առաքելյան | |
|---|---|
| Ծնվել է | 1921 |
| Ծննդավայր | Ծովասար, Հայաստան |
| Քաղաքացիություն |  ԽՍՀՄ |
| Կրթություն | Երևանի պետական համալսարան |
| Մասնագիտություն | մանկավարժ |
| Կուսակցություն | ԽՄԿԿ |
| Պարգևներ և մրցանակներ |  |
Կենսագրություն խմբագրել
Հայկազ Առաքելյանը ծնվել է 1921 թվականին Մարտունու շրջանի Թազագյուղում։ 1939 թվականին ավարտել է Նոր Բայազետի մանկավարժական ուսումնարանը և նշանակվել ուսուցչական աշխատանքի։ 1940 թվականի հունվարին Առաքելյանը զորակոչվել է կարմիր բանակ և ծառայել հրետանային գնդում[1]։
Պատերազմի օրերին Առաքելյանը մասնակցել է Ղրիմի պաշտպանության մարտերին։ 1941 թվականի հոկտեմբերին վիրավորվել է և բուժման ուղարկվել Տոմսկ քաղաքը։ Ապաքինվելուց հետո մասնակցել է Դնեպրի անցմանը, մարտական առաջադրանքը կատարելու համար պարգևատրվել է Կարմիր աստղի շքանշանով։ Այնուհետև գործուղվել է սովորելու ռազմական ուսումնարան, որն ավարտելուց հետո նորից մեկնել է ռազմաճակատ։ 1944 թվականին Առաքելյանը իր դասակով հետապնդելով թշնամուն, հասել է Ռումինիա և Բուլղարիա։ Սոֆիայում կատարելով առաջադրանքը, ընդունվել է կոմունիստական կուսակցության շարքերը։ Հաղթանակից հետո Առաքելյանը պարգևատրվել է ավելի քան քսան շքանշաններով ու մեդալներով, շարունակել է ծառայությունը խորհրդային բանակում[1]։
1962 թվականին Առաքելյանը բանակից զորացրվելուց հետո աշխատանքի է անցել Երևանի պետական համալսարանի ռազմական ամբիոնում, ակտիվորեն մասնակցել երիտասարդության ռազմահայրենասիրական դաստիարակության գործին[1]։
Պարգևներ խմբագրել
- Կարմիր աստղի շքանշան