Հայաստանի գլխավոր ժամացույց

Հայաստանի գլխավոր ժամացույց, գտնվում է Երևանի Հանրապետության հրապարակում՝ Կառավարության շենքի աշտարակի վրա։ Տեղադրվել է 1941 թվականին[1]։

Հայաստանի գլխավոր ժամացույցը

ՊատմությունԽմբագրել

1891 թվականին Երևանի քաղաքային դումայի որոշմամբ ներկայիս Հանրապետության հրապարակի տարածքում, ոստիկանության շենքի աշտարակի վրա 122 սանտիմետր տրամագծով ժամացույց են տեղադրել։ Ժամացույցը գոյատևել է մինչև 1930-ական թվականները, երբ ոստիկանության շենքը քանդել են և տեղում կառուցել Հայաստանի ազգային պատկերասրահը, ինչից հետո ժամացույցը տեղափոխել են Երևանի պատմության թանգարան[2]։

1941 թվականին Հայաստանի կառավարության առաջին շենքի շինարարության ժամանակ միտք է ծագել կառավարության շենքի աշտարակի վրա բաց թողնված տեխնիկական խոռոչը օգտագործել ժամացույցի համար։ Ժամացույցը նախատեսված է եղել Ռուսաստանից Հայաստան բերել 1941 թվականի հունիսին, բայց քանի որ հունիսի 22-ից ԽՍՀՄ-ը ներքաշվել է Երկրորդ համաշխարհային պատերազմի մեջ, ապա տեղափոխումը ուշացել է, և ժամացույցը Երևան է հասել 1941 թվականի աշնանը։ Աշտարակում ժամացույցը տեղադրել է ժամագործ Արծրուն Յավրոյանը, որն էլ տեղադրելու առաջին օրից սկսած, 40 տարի սպասարկել է ժամացույցը։ 1941 թվականից մինչև 2022 թվականը ժամացույցը կանգ է առել միայն 2-3 ժամով[3]։

 
Հայաստանի կառավարական առաջին շենքի աշտարակը։

ԺամագործներԽմբագրել

Հայաստանի գլխավոր ժամացույցը պատմության ողջ ընթացքում սպասարկել են ընդամենը հինգ ժամագործ. Արծրուն Յավրոյանը, Զորիկ Հակոբյանը, Գեղամ Մկրտչյանը, Աշոտ Մալիքսեթյանը և Լյովա Ալեքսանյանը[3][1]։

Տեխնիկական պարամետրերԽմբագրել

Ժամացույցն ունի 3 մ 60 սմ տրամագիծ, նրա 170 սմ երկարությամբ մեծ սլաքը կշռում է 4 կգ 850 գր, իսկ 110 սմ երկարությամբ փոքր սլաքը` 3 կգ 500 գր[1]։ 2001 թվականի հունիսի 5-ին ժամացույցը տեխնիկական փոփոխության է ենթարկվել՝ մեխանիկական բլոկից անցել է էլեկտրոնայինին[4]։

ԾանոթագրություններԽմբագրել