Համլետ Մարտիրոսյան

Վիքիպեդիայում կան հոդվածներ Մարտիրոսյան ազգանունով այլ մարդկանց մասին։

Համլետ Անդրանիկի Մարտիրոսյան (մարտի 20, 1954(1954-03-20), Քաջարան, Ղափանի շրջան, Հայկական ԽՍՀ, ԽՍՀՄ), արձակագիր, հեռուստալրագրող, դերասան։ Արցախի և Հայաստանի գրողների և ՀՀ թատերական գործիչների միությունների անդամ։

Համլետ Մարտիրոսյան
Ծնվել է	մարտի 20, 1954(1954-03-20) (70 տարեկան)
Ծննդավայր	Քաջարան, Ղափանի շրջան, Հայկական ԽՍՀ, ԽՍՀՄ
Քաղաքացիություն	Արցախ
Մասնագիտություն	դերասան, լրագրող և բանասեր
Աշխատավայր	Արցախի Հանրային Հեռուստառադիոընկերություն
Պարգևներ և մրցանակներ	«Վաչագան Բարեպաշտ» մեդալ
Անդամություն	ՀԳՄ և Արցախի գրողների միություն

Կենսագրություն

• 1980 թվականին ավարտել է Ստեփանակերտի մանկավարժական ինստիտուտը։
• 1980-1987 թվականներին աշխատել է Զանգեզուրի (Կապանի) Ալ. Շիրվանզադեի անվան պետական դրամատիկական թատրոնում՝ որպես արտիստ, գրական մասի վարիչ։
• 1992-1994 թվականներին աշխատել է Ստեփանակերտի Վ.Փափազյանի (Մ. Գորկու) անվան պետական դրամատիկական թատրոնում որպես արտիստ, թատերական ստուդիայի տնօրեն, ԼՂՀ Թումանյանի անվան հանրապետական մանկական գրադարանի տնօրեն։
• 1994 թվականից աշխատում է Արցախի հանրային հեռուստատեսությունում։

Գործունեություն

Հեղինակային հաղորդումներ

• 1995-1997 թվականներին «Գիսաստղ»
• 1998-2000 թվականներին «Իրիկնաժամ»
• 2001 թվականից «Ասուպ», «Հավերժի ճամփորդներ», «Գրադարակ», «Կիրակնօրյա կինոդահլիճ»

Հեղինակային գրքեր

• 1991 թվականին «Ապրում ենք, էլի»
• 1992 թվականին «Ամառ էր, կիրակի»
• 1999 թվականին «Թողեք ապրեմ»
• 2004 թվականին «Դժոխքից եկածին հարցեր չեն տալիս»
• 2206 թվականին «Հրեշտակին այցելիր գիշերով»
• 2007 թվականին «Համազարկ՝ հրաժեշտից առաջ»
• 2012 թվականին «Երկեր» առաջին հատոր
• 2013 թվականին «Երկեր» երկրորդ հատոր
• 2016 թվականին «Երկեր» երրորդ հատոր

Ռուսերեն թարգմանվել է նրա «Արևամուտ-ծլլան թախիծ» պատմվածքների ժողովածուն։

Մրցանակներ

• 1999 և 2005 թվականներին արժանացել է «Եղիշեի» անվան ամենամյա մրցանակին
• 2004 և 2010 թվականներին ԼՂՀ գրողների միության «Մուրացանի» անվան մրցանակին

Պարգևներ

• Լեռնային Ղարաբաղի Հանրապետության «Վաչագան Բարեպաշտ» մեդալ2008 թ,
• ԼՂՀ արվեստի վաստակավոր գործիչ (2013)

Աղբյուրներ

1. «Լրագրողական հանրագիտակ», Գիտախմբագրական խորհուրդ, Ստեփանակերտ, 2012, էջ 195