Հաղպատ (գյուղ)
Անվան այլ կիրառումների համար տե՛ս՝ Հաղպատ (այլ կիրառումներ)
Հաղպատ, գյուղ Հայաստանի Հանրապետության Լոռու մարզի Ալավերդի համայնքում՝ Ալավերդի քաղաքից 2 կմ արևելք և մարզկենտրոն Վանաձորից 61 կմ հեռավորության վրա։ Գյուղը տեղակայված է Դեբեդ գետի աջ ափին՝ ծովի մակերևույթից 1000 մ բարձրության վրա։ Գյուղի մոտով է անցնում Երևան-Թբիլիսի ավտոմայրուղին։ Գյուղում է գտնվում հռչակավոր Հաղպատավանքը։
| Գյուղ | |||
|---|---|---|---|
| Հաղպատ | |||
.jpg) | |||
| Երկիր |  Հայաստան | ||
| Մարզ | Լոռու մարզ | ||
| Համայնք | Ալավերդի (համայնք) | ||
| ԲԾՄ | 1000 մ | ||
| Պաշտոնական լեզու | Հայերեն | ||
| Բնակչություն | 668[1] մարդ (2011) | ||
| Ազգային կազմ | Հայեր | ||
| Կրոնական կազմ | Հայ Առաքելական եկեղեցի | ||
| Ժամային գոտի | UTC+4 | ||
| |||
Պատմամշակութային կոթողներԽմբագրել
Գյուղում են գտնվում Կայան (Դսեվանք) ամրոցը (1233 թ.), Հաղպատավանքը (10-13 դդ.), Սբ. Նշան (976-991 թթ.), Սբ. Գրիգոր (1025 թ.), Սբ. Աստվածածին (13 դ.), Կուսանաց անապատ (10-20 դդ.) և Զորավոր (13 դ.) եկեղեցիները, Տերունական մատուռը (14-17 դդ.)։ Գյուղի շրջակայքում կան հին գյուղատեղիներ և այլ հնություններ։
ԲնակչությունԽմբագրել
Ըստ ՀՀ 2011 թ. մարդահամարի արդյունքների` Հաղպատի մշտական բնակչությունը կազմել է 668, առկա բնակչությունը` 633 մարդ[1], բնակչության փոփոխությունը ժամանակի ընթացքում` ստորև[2].
| Տարի | 1886 | 1897 | 1926 | 1939 | 1959 | 1970 | 1979 | 1989 | 2001 | 2011 |
|---|---|---|---|---|---|---|---|---|---|---|
| Բնակիչ | 750 | 864 | 857 | 891 | 699 | 871 | 727 | 629[3] | 787 | 668[1] |
ՏնտեսությունԽմբագրել
Բնակչությունը զբաղվում է կերային կուլտուրաների, ծխախոտի և բանջարեղենի մշակությամբ։
ՀաղպատցիներԽմբագրել
ԾանոթագրություններԽմբագրել
- ↑ 1,0 1,1 1,2 2011 թ ՀՀ մարդահամարի արդյունքները
- ↑ «Հայաստանի հանրապետության բնակավայրերի բառարան, էջ 116»։ Արխիվացված է օրիգինալից 2014 թ․ սեպտեմբերի 12-ին։ Վերցված է 2013 Նոյեմբերի 12
- ↑ Հակոբյան Թ. Խ., Մելիք-Բախշյան Ստ. Տ., Բարսեղյան Հ. Խ., Հայաստանի և հարակից շրջանների տեղանունների բառարան, հ. 5 [-] (խմբ. Մանուկյան Լ. Գ.), Երևան, «Երևանի Համալսարանի Հրատարակչություն», 2001, էջ 748 — 916 էջ։