Հալևորուկ շեղանկյունատերև
| Հալևորուկ շեղանկյունատերև | ||||||||
|---|---|---|---|---|---|---|---|---|
| Գիտական դասակարգում | ||||||||
|
||||||||
| Լատիներեն անվանում | ||||||||
| Senecio rhombifolia
|
Հալևորուկ շեղանկյունատերև (լատին․՝ Senecio rhombifolia), բարդածաղկավորների ընտանիքին պատկանող դեղաբույս։
Նկարագրություն խմբագրել
Մինչև 50-200 սմ բարձրությամբ, ուղղահայաց ցողուններով, հաստ հորիզոնական կոճղարմատով, թունավոր բազմամյա խոտաբույս է։ Երկար կոթուններով ստորին խոշոր, սղոցաեզր տերևները ամբողջաեզր են, իսկ վերինները՝ ռոմբաձև-նշտարաձև են, կարճ կոթուններով կամ նստադիր։ Վահանիկաձև ծաղկաբույլեր կազմող բազմաթիվ զամբյուղները գլանաձև են։ Զամբյուղներն ունեն երկսեռ, քառանդամ պսակով խողովակաձև ծաղիկներ։ Թույլ կողավոր, գորշագույն փուփուլիկներով պտուղները գլանաձև սերմնիկներ են[1]։
Տարածվածություն խմբագրել
Աճում է վերին լեռնային գոտու մերձալպյան մարգագետիններում և անտառաեզրերին։ Հանդիպում է Տավուշի, Լոռու, Գեղարքունիքի, Արագածոտնի և Սյունիքի մարզերում[1]։
Նշանակություն խմբագրել
Բուժական նպատակներով օգտագործում են բույսի՝ ալկալոիդներ, նեոպլատիֆիլին, սառացին, սենեցիֆիլին պարունակող արմատները, կոճղարմատը և վերգետնյա մասը։ Բույսից պատրաստաված պատրաստուկներն օգտագործում են սահմանափակ քանակությամբ և բժշկի հսկողության պայմաններում[1]։
Ծանոթագրություններ խմբագրել
- ↑ 1,0 1,1 1,2 Ծատուրյան, Թամարա; Գևորգյան, Մարգարիտա (2014). Պողոսյան, Ա․; Զաքարյան, Ն․ (eds.). Հայաստանի վայրի դեղաբույսեր. Երևան: Լուսակն. էջ 315. ISBN 9789939834689.