Սյունիքի մարզպետարան
| Այս հոդվածն աղբյուրների կարիք ունի։ Դուք կարող եք բարելավել հոդվածը՝ գտնելով բերված տեղեկությունների հաստատումը վստահելի աղբյուրներում և ավելացնելով դրանց հղումները հոդվածին։ Անհիմն հղումները ենթակա են հեռացման։ |
ՀՀ Սյունիքի մարզպետարանը ձևավորվել է 1996 թվականից «ՀՀ վարչատարածքային բաժանման մասին» օրենքի համաձայն։ Սյունիքի մարզպետարանը ՀՀ սահմանադրության համաձայն, իրականացնում է պետական կառավարում։ Ոլորտի հարաբերությունները կարգավորվում են ՀՀ Սահմանադրությամբ, ՀՀ օրենքներով, ՀՀ Նախագահի՝ «Հայաստանի Հանրապետության մարզերում պետական կառավարման մասին» հրամանագրով և այլ իրավական ակտերով։ Հայաստանի Հանրապետության Սյունիքի մարզում պետական կառավարումն իրականացնում է Սյունիքի մարզպետը՝ մարզպետարանի միջոցով։ Մարզպետարանն իրագործում է կառավարության տարածքային քաղաքականությունը, համակարգում հանրապետական գործադիր մարմինների տարածքային ծառայությունների գործունեությունը։
ՀՀ Սյունիքի մարզպետարանի կառուցվածքը խմբագրել
Մարզպետարանը կազմված է մարզպետից, մարզպետի տեղակալներից, խորհրդականներից, օգնականներից և մարզպետարանի աշխատակազմից։ Աշխատակազմը բաղկացած է 6 վարչությունից, քարտուղարությունից, 7 ինքնուրույն բաժնից և 4 առանձնացված ստորաբաժանումներից։ Մարզպետարանի համակարգում ընդգրկված են պետական ոչ առևտրային կազմակերպություններ և մարզային ենթակայության փակ բաժնետիրական ընկերություններ։ Մարզպետարանի կանոնադրության համաձայն՝ կանոնակարգվել են մարզպետի տեղակալների և մարզպետարանի աշխատակազմի ղեկավարի կողմից մարզպետարանի աշխատակազմի կառուցվածքային և առանձնացված ստորաբաժանումների աշխատանքների համակարգումը։
ՀՀ Սյունիքի մարզպետարանի հաստիքները խմբագրել
Աշխատանքները կազմակերպվում են մարզպետարանի աշխատակազմի կառուցվածքային և առանձնացված ստորաբաժանումների կանոնադրություններին ու աշխատանքային ծրագրերին համապատասխան։ 2013 թվականին մարզպետարանի կառուցվածքային և առանձնացված ստորաբաժանումների համար սահմանվել է 144 հաստիքային միավոր, որից քաղաքացիական ծառայության պաշտոն է 115-ը։
Ղեկավարությունը խմբագրել
Մարզպետ՝
Տեղակալ՝
ՀՀ Սյունիքի մարզի մարզպետները խմբագրել
- 1. Աբրահամյան Սուրեն Ջհանգիրի 1996-1998 թվականներ
- 2. Նավասարդյան Ռոմա Շմավոնի 1998-2000 թվականներ
- 3. Բարսեղյան Էդիկ Սամսոնի 2000-2004 թվականներ
- 4. Խաչատրյան Սուրիկ Սերգեյի 2004-2013 թվականներ
- 5. Հակոբյան Վահե Մաքսիմի 2013-2014 թթ։
- 6. Խաչատրյան Սուրիկ Սերգեյի 2014 թվականից
- 7․ Վահե Ալբերտի Հակոբյան 2016 թվականից
- 8․ Կարեն Համբարձումյան 2018 թվականից[1]
Ծանոթագրություններ խմբագրել
- ↑ «Խնդրահարույց մարզի մարզպետ նշանակվելը շատ լավ եմ ընդունում. Կարեն Համբարձումյանը` Սյունիքի մարզպետի պաշտոնում հնարավոր նշանակման մասին - Այսօր` թարմ լուրեր Հայաստանից». www.aysor.am (անգլերեն). Վերցված է 2018 թ․ օգոստոսի 5-ին.