Լոռու մարզպետարան

Հայաստանի Լոռու մարզում պետական կառավարումը իրականացվում է Հայաստանի Լոռու մարզպետի կողմից, մարզպետարանի միջոցով, իրագործում է Հայաստանի կառավարության տարածքային քաղաքականությունը և համակարգում հանրապետական գործադիր մարմինների տարածքային ծառայությունների գործունեությունը։

Հայաստանի Լոռու մարզպետարանի կառուցվածքը

Մարզպետարանը կազմված է մարզպետից և մարզպետարանի աշխատակազմից։ Մարզպետարանի աշխատակազմի կառուցվածքում ներառվում են նրա կառուցվածքային ստորաբաժանումները (6 վարչություններ, 6 բաժիններ և քարտուղարություն) և առանձնացված ստորաբաժանումները։ Մարզպետարանի համակարգում ընդգրկվում են պետական ոչ առևտրային կազմակերպություններ, հիմնարկներ և մարզային ենթակայության այլ կազմակերպություններ։

Հայաստանի Լոռու մարզպետարանի հաստիքները

Մարզպետարանն ունի 145 հաստիքներ, որոնցից՝ 128-ը քաղաքացիական ծառայողներ, 7-ը մարզպետի աշխատակազմ և 10-ը տեխնիկական աշխատողներ։ Մարզպետարանի աշխատակազմի վերակազմակերպման և նրա գործունեության դադարման կարգն ու պայմանները սահմանվում են օրենքով։

Ղեկավարությունը

Մարզպետ՝

• Արամ Խաչատրյան

Տեղակալ՝ Գոռ Ասրյան

Հայաստանի Լոռու մարզի մարզպետները

1. Հովհաննես Մատինյան 1996-1997 թվականներ
2. Վիգեն Խաչատրյան 1997-1997 թվականներ
3. Ստեփան Այվազյան 1997-1998 թվականներ
4. Հենրիկ Քոչինյան 1998-2006 թվականներ
5. Արամ Քոչարյան 2006-2011 թվականներ
6. Արթուր Նալբանդյան 2011-2018 թվականներ։
7. Հրանտ Մարգարյան 2018-2018 թվականներ