Կոստա Ռիկայի ազգային մարզադաշտ (1924)
- Նոր մարզադաշտի մասին հոդվածը դիտելու համար անցիր. Կոստա Ռիկայի ազգային մարզադաշտ (2011).
Նախկին Կոստա Ռիկայի ազգային մարզադաշտը (իսպ.՝ Estadio Nacional de Costa Rica) բազմաֆունկցիոնալ մարզադաշտ էր Կոստա Ռիկայի մայրաքաղաք Սան Խոսեի Լա Սաբանա շրջանում։ Այն հիմնականում ընդունում էր ֆուտբոլային հանդիպումներ։ Հանդիսանում է Կոստա Ռիկայի հավաքականի նախկին ազգային մարզադաշտը (1941-1999 թթ. ընթացքում)։ Մարզադաշտը տեղավորում էր 25 հազար հանդիսականի։ Ներկայիս Նասյոնալ դե Կոստա Ռիկա մարզադաշտը փոխարինում է նրան։
Տեսակ | մարզադաշտ |
---|---|
Մարզաձև | ֆուտբոլ |
Ամբողջական անվանում | Էստադիո Նասյոնալ դե Կոստա Ռիկա |
Տեղագրություն | Սան Խոսե |
Երկիր | Կոստա Ռիկա[1] |
Հիմնադրված | 1924 |
Բացված | 1924 դեկտեմբերի 29 |
Փակված | 2008 մայիսի 12 |
Ճարտարապետ | Ռիկարդո Խիմենես Օրեամունո |
Սեփականատեր | ICODER (վերջին) |
Տարողություն | 25 000 |
Տնային թիմ | Կոստա Ռիկայի ֆուտբոլի ազգային հավաքական |
Դաշտի չափսեր | 105 x 86 |
Պատմություն խմբագրել
Նասյոնալ մարզադաշտը կառուցվել է 1924 թ. Ռիկարդո Խիմենես Արեամունոյի կառավարության օրոք։ Բացումը տեղի է ունեցել դեկտեմբերի 29-ին։ 2008 թ. մայիսի 12-ին մարզադաշտը փակվեց, քանի որ նախատեսված էր նոր մարզադաշտի կառուցում։ Վերջին ֆուտբոլային հանդիպումն անց է կացվել 2007 թ. Կոստա Ռիկայի Ունիվերսիդադ դե Կոստա Ռիկա և Բրուխաս ակումբների միջև։ Մարզադաշտը ընդունել է բազմաթիվ մարզական, մշակութային և պատմական միջոցառումներ։ Մարզադաշտում անցկացվել են Կոստա Ռիկայի առաջնության, 1924 թ. կենտրոն-ամերիկյան օլիմպիադայի, CCCF-ի գավաթի 1941, 1946, 1953, 1961 թթ. խաղարկության, 1960 թ. պանամերիկյան ֆուտբոլային առաջնության, 1969 թ. ԿՈՆԿԱԿԱՖ-ի ազգերի գավաթի, Կենտրոն-ամերիկյան ազգերի գավաթի 1991, 1999 թթ. խաղարկության հանդիպումները։ 1988 թ. այստեղ տեղի է ունեցել «Մարդու իրավունքների պաշտպանությանը» նվիրված համերգ Բրյուս Սփրինգսթինի, Սթինգի, Թրեյսի Չեպմենի, Փիթեր Գաբրիելի, Յուսուֆ Ն'Դուրի մասնակցությամբ, 1994 թ.` Աերոսմիթ ռոք-խմբի համերգը, 2004 թ.` Լուչանո Պավարոտիի համերգը։ Պատմական դեպքերից հուշագրավ է 1983 թ. Հռոմի պապ Հովհաննես Պողոս II-ի այցը, ինչպես նաև այն հանգամանքը, որ այստեղ անց է կացվել 1949-2006 թթ. Կոստա Ռիկայի նախագահական իշխանության փոխանցման հանդիսավոր արարողությունները։
Ծանոթագրություններ խմբագրել
Արտաքին հղումներ խմբագրել
- Նախկին Նասյոնալ մարզադաշտի լուսանկարներ fussballtempel.net Արխիվացված 2009-04-22 Wayback Machine (ES)
- Նասյոնալ մարզադաշտի պատմությունը futbol.co.cr Արխիվացված 2008-05-30 Wayback Machine (ES)