Կոշկավոր կատուն (մուլտֆիլմ, 1938)
«Կոշկավոր կատուն», մուլտիպլիկացիոն ֆիլմ, որը թողարկվել է 1938 թվականին «Սոյուզմուլտֆիլմ» ընկերությունում Վալենտինա և Զինաիդա Բրումբերգների կողմից։ Այն Շառլ Պերոյի հեքիաթի երաժշտական էկրանավորումն է։ Երաժշտության հեղինակը Նիկիտա Բոգոսլովսկին է։
 | |
|---|---|
.JPG) | |
| Տեսակ | մուլտֆիլմ |
| Հիմնված է | Կոշկավոր կատուն |
| Ռեժիսոր | Վալենտինա Բրումբերգ և Զինաիդա Բրումբերգ |
| Սցենարիստ | Վալենտինա Բրումբերգ և Զինաիդա Բրումբերգ |
| Երաժշտություն | Նիկիտա Բոգոսլովսկի |
| Երկիր | .svg){kind=small} ԽՍՀՄ |
| Լեզու | ռուսերեն |
| Ընկերություն | Սոյուզմուլտֆիլմ |
| Տևողություն | 12 րոպե |
| Թվական | 1938 |
ՍյուժեԽմբագրել
Եթե խորամանկությամբ թշնամուդ հաղթես, երբեք չես կորչի։
Ջրաղացպանը մահանալուց հետո իր տղաներին ժառանգություն է թողնում։ Ավագին նա թողնում է ջրաղաց, միջնեկին` ավանակ, իսկ փոքրին` կատու։
Խորամանկ կատուն հագնում է տիրոջ երկարաճիտ կոշիկներն ու գլխարկը, վստահ ուղևորվում դեպի թագավորական պալատ և նվերների օգնությամբ իր տիրոջ նկատմամբ հետաքրքրություն արթնացնում։ Նրան կոչում էր մարկիզ Կարաբաս։
Հետաքրքրված միապետի ընտանիքը ուղևորվում է սիրալիր պալատականի մոտ։ Ճանապարհին հնձվորներն ու կանայք, ինչպես նրանց նախապատրաստել էր կատուն, ասում են, որ դաշտերը, որտեղ նրանք աշխատում են, պատկանում են մարկիզ Կարաբասին։ Ջրաղացպանի տղան մտնում է լիճը և կատվի հրահրմամբ ձևացնում, թե խեղդվում է։ Նրան փրկում են, թանկարժեք հագուստ հագցնում, այնուհետև շարունակում իրենց ճանապարհը։
Առջևում մնում էր միայն ամրոցը։ Պարզվում է, որ այն մարդակերի բնակավայրն է։ Կատուն խնդրում է իր կախարդության հմտություններով հայտնի հրեշին վերածվել առյուծի, այնուհետև մկան, ինչից հետո նրան հեշտությամբ խեղդում է։ Ժամանած արքայի առջև վեր է խոյանում մարկիզ Կարաբասի՝ իր աղջկա փեսացուի հրաշալի ամրոցը։
ԱշխատակազմԽմբագրել
- Սցենարիստներ` Ա. Կարպով, Վալենտինա Բրումբերգ, Զինաիդա Բրումբերգ
- Ռեժիսորներ` Վալենտինա Բրումբերգ, Զինաիդա Բրումբերգ
- Նկարիչներ` Կոնստանտին Մալիշև, Նադեժդա Պրիվալովա, Լիդիա Ռեզցովա, Ֆաինա Եպիֆանովա
- Օպերատոր` Կ. Կռիլովա
- Կոմպոզիտոր` Նիկիտա Բոգոսլովսկի
- Ձայնային օպերատոր` Ս. Ռենսկի
Տեխնիկական տվյալներԽմբագրել
- Մուլտֆիլմը սև-սպիտակ է (գունավոր տարբերակը չի պահպանվել), ձայնային։
Հետաքրքիր փաստերԽմբագրել
- 1968 թվականին Բրումբերգները վերստեղծեցին այս մուլտֆիլմը նոր սերնդի համար. գունավոր «Կոշկավոր կատուն»[1]։
- 2015 թվականին Գոսֆիլմաֆոնդում բացվեց «Սպիտակ սյուներ» արխիվային կինոյի 19-րդ փառատոնը։
Տեղի է ունեցել Բրումբերգ քույրերի «Կոշկավոր կատուն» (1938) երաժշտական ֆիլմի գունավոր տարբերակի երկրորդ պրեմիերան, որը վերականգնել է Նիկոլայ Մայրովը։ Մինչ այդ ֆիլմը հնարավոր էր տեսնել միայն սև-սպիտակ տարբերակով[2]։