Կոզարա (լեռնաշղթա)
Կոզարա (սերբական կիրիլիցա՝ Козара), լեռնաշղթա Բոսնիա և Հերցեգովինայի արևմտյան մասում՝ Սերբական Հանրապետության մայրաքաղաք Բանյա Լուկայից մոտավորապես 30 կիլոմետր դեպի հյուսիս-արևմուտք։ Սահմանագծված է Սավա, Վրբաս, Սանա և Ունա գետերով։ 15 կիլոմետր մոտավոր լայնությամբ ձգվում է շուրջ 40 կիլոմետր։ Լեռնաշղթայի մեծ մասը պատկանում է Սերբական Հանրապետությանը և գտնվում է Պրիեդոր համայնքի տարածքում։ Ամենաբարձր գագաթը Լիսինան է, որի բարձրությունը ծովի մակերևույթից 978 մետր է[1]։
| Կոզարա | |
|---|---|
 | |
| Տեսակ | լեռնաշղթա |
| Երկիր |  Բոսնիա և Հերցեգովինա |
| Լեռնաշղթա | Պանոնիա կղզու լեռներ |
| Բարձրությունը ծովի մակարդակից | 978 մետր |
| Երկարություն | 35 կմ |
| Լայնություն | 15 կմ |
| Բարձրագույն գագաթ | Lisina? |
Լեռնաշղթայի մի ընդարձակ հատված ներառված է Կոզարայի ազգային պարկի տարածքում, որն զբաղեցնում է 3.520 հեկտար։ Ազգային այդ պարկը Եվրոպայի ազգային պարկերի ընկերակցության (ասոցիացիայի) անդամ է[2]։
Պատմություն խմբագրել
Երկրորդ համաշխարհային պատերազմի ժամանակ՝ 1942 թվականի ամռանը հարավսլավական պարտիզանական մի ջոկատ, որին Կոզարայի լեռներում շրջափակել էին տասնապատիկ գերազանցող ֆաշիստական զորագնդերը, համառ ու անձնուրաց մարտեր է մղել այստեղ, մարտեր, որոնք հարավսլավական Դիմադրության շարժման և ազգային-ազատագրական պայքարի անքակտելի մասն են դարձել[3][4]։ 1972 թվականին Մռակովիցա սարի գագաթին գտնվող սարահարթում բացվել է Դուշան Ջամոնիի քանդակած հուշարձանը՝ նվիրված Կոզարայի պաշտպանական մարտերին մասնակցած պարտիզաններին և նրանց մոտ ապաստանած ու նույնպես զոհված շրջակա գյուղերի բնակիչներին։
Գագաթներ խմբագրել
| Անունը | Բարձրությունը (մ) |
|---|---|
| Լիսինա | 977 |
| Գոլա պլանինա | 876 |
| Մռակովիցա | 806 |
| Գլավուշա | 793 |
| Բեշիցա պոլյանա | 784 |
| Տալավիցա պոլյանա | 780 |
| Յարչևիցա | 740 |
| Վռնովաչկա գլավա | 719 |
| Բենկովաց-Յուրիշինա կոսա | 705 |
| Զեչի կամեն | 667 |
| Կոզարաչկի կամեն | 659 |
| Շուպլիկովաց | 652 |
| Վիտլովսկա կոսա | 589 |
| Պալեժ | 542 |
| Մեդնյակ | 440 |
Տես նաև խմբագրել
Ծանոթագրություններ խմբագրել
- ↑ Статистички годишњак Републике Српске, 2017, էջ 27
- ↑ Webarchiv|url=http://www.europarc.org/who-we-are/our-members |wayback=20090117204028 |text=Vereinigung der Nationalparks von Europa |archiv-bot=2019-04-23 22:26:27 InternetArchiveBot
- ↑ «Kozara». Kozara National Park.
- ↑ «Kozara Memorial». Memorial Museums.
Գրականություն խմբագրել
- Статистички годишњак Републике Српске. — Бања Лука: Републички завод за статистику, 2017. — 525 с.
 | Վիքիպահեստն ունի նյութեր, որոնք վերաբերում են «Կոզարա (լեռնաշղթա)» հոդվածին։ |