Կլաուդիա Կարդինալե (ամբողջական անունը՝ Կլոդ Ժոսեֆին Ռոզ Կարդինալե (Claude Joséphine Rose Cardinale), ապրիլի 15, 1938(1938-04-15)[1][2][3][…], Թունիս, Ֆրանսիա[4]), իտալաթունիսցի դերասանուհի, որը հանդես է եկել 60-ականների և 70-ականների եվրոպական մի շարք նշանավոր ֆիլմերում։ Կարդինալեի մասնակցությամբ ֆիլմերի մեծամասնությունը կա՛մ իտալական են, կա՛մ էլ ֆրանսիական։ 1960-ականների սեքս-խորհրդանիշն է։

Կլաուդիա Կարդինալե
իտալ.՝ Claudia Cardinale
Դիմանկար
Ծնվել էապրիլի 15, 1938(1938-04-15)[1][2][3][…] (86 տարեկան)
ԾննդավայրԹունիս, Ֆրանսիա[4]
Քաղաքացիություն Իտալիա և  Ֆրանսիա[5]
ԿրթությունCSC?
Մասնագիտությունկինոդերասանուհի, դերասանուհի և թատրոնի դերասանուհի
ԱմուսինՖրանկո Քրիստալդի
Զբաղեցրած պաշտոններՅՈՒՆԵՍԿՕ-ի բարի կամքի դեսպան
Պարգևներ և
մրցանակներ
Երեխաներ1 տղա, 1 աղջիկ
Կայքofficial-claudiacardinale.com
 Claudia Cardinale Վիքիպահեստում

Կենսագրություն

խմբագրել

Կարդինալեն ծնվել է Թունիսի համանուն մայրաքաղաքի իտալական թաղամասում՝ La Goulette։ 1957 թվականին ճանաչվել է «Թունիսի ամենագեղեցիկ իտալուհի» և հրավեր ստացել մասնակցելու Վենետիկյան կինոփառատոնում։ Նկարահանվել է նշանավոր իտալացի ռեժիսորներ Ֆեդերիկո Ֆելինիի և Լուկինո Վիսկոնտիի ֆիլմերում։ Դերասանական կրթությունը ստացել է Հռոմի դրամատիկական դպրոցում, զուգահեռաբար հաճախել է պարի, գեղասահքի, իտալերենի դասերին, քանի որ նա ավելի լավ էր խոսում օտար լեզուներով, քան մայրենի լեզվով։ Իտալական մամուլի կողմից «Հրաշագեղ փիսիկ» անվանված Կարդինալեն նկարահանվել է աշխարհի տարբեր կինոընկերությունների անվանի բազմաթիվ կինոնկարներում, այդ թվում՝ Ալբերտո Կավալկանտիի «Վենետիկյան ամուսնություններ» (1958), Պիետրո Ջերմիի «Սպանություն իտալական ձևով» (1959), Մարիո Մոնիչելիի «Աղավնին» (1959) և «Միլանի գաղթականները» (1979), Լուիջի Ձամպայի «Դատավորը» (1959) և «Թռչող աղվեսը» (1972), Ֆեդերիկո Ֆելինիի «Ութ և կես» (1962), Ֆիլիպ դը Բրուկայի «Կարտուշ» (1962), Լուիջի Կոմենչինիի «Բուբեի հարսնացուն» (1963), Լուկինո Վիսկոնտիի «Հովազը» (1963) և «Սանդրա» (1965), Ռիչարդ Բրուկսի «Պրոֆեսիոնալները» (1966), Ֆրանկո Ձեֆիրելիի «Հիսուս Նազովրեցին» (1977) և այլն։ Կարդինալեն նշանակալի հաջողությունների է հասել նաև երգարվեստի բնագավառում և մեկ անգամ չէ, որ թողարկվել են նրա ձայնապնակները։

Ամուսնացած եղել է երկու անգամ. առաջին ամուսնությունը եղել է իտալացի պրոդյուսեր Ֆրանկո Կրիստալդիի հետ՝ 1966-1975 թվականներ (ամուսնալուծություն)։ 1975 թվականից առ այսօր ապրում է իտալացի կինոռեժիսոր Պասկուալի Սկուտիերիի հետ։

Ունի 2 զավակ. առաջնեկը՝ Պատրիցիոն, եղել է Կլաուդիայի՝ 17 տարեկան հասակում ոմն ֆրանսիացու կողմից բռնաբարության ենթարկվելու արդյունք, քանզի նա որոշել էր չընդհատել հղիությունը, իսկ երկրորդ զավակն է Կլաուդիան, որի կենսաբանական հայրն է Սկուտիերեն։

Մասնակցել է մի շարք հասարակական գործունեությունների։

Ֆիլմագրություն

խմբագրել

Ծանոթագրություններ

խմբագրել

Արտաքին հղումներ

խմբագրել
 Վիքիպահեստն ունի նյութեր, որոնք վերաբերում են «Կլաուդիա Կարդինալե» հոդվածին։