Կինոաշուն 2011
Ազգային կինոյի «Կինոաշուն» երկրորդ փառատոն, անցկացվել է Երևանում և Հայաստանի մարզերում 2011 թվականի սեպտեմբեր 24 -ից հոկտեմբեր 28-ը։
| Տեսակ | կինոփառատոնի տարի |
|---|---|
| Վայր | Հայաստան |
| Ժամանակամիջոց | սեպտեմբեր 24 - հոկտեմբեր 28 |
Պատմություն խմբագրել
Ազգային կինոյի երկրորդ փառատոնը, որը նվիրված էր Հայաստանի անկախության 20-րդ հոբելյանին, անցկացվել է Երևանում և հանրապետության մարզերում Հայաստանի 3-րդ նախագահ Սերժ Սարգսյանի հովանու ներքո՝ ՀՀ մշակույթի նախարարության աջակցությամբ։ «Կինոաշուն 2011» կինոփառատոնի ամսվա ծրագրի բացումը տեղի է ունեցել Գորիսում՝ ռեժիսոր Արտակ Իգիթյանի «Վանա ծովուն արշալույսը» ֆիլմի ցուցադրությամբ[1]։
Փառատոնում ներկայացված են եղել հարյուրավոր հայրենական ֆիլմեր, որոնք նկարահանված են եղել անկախության 20 տարիների ընթացքում։ Ի տարբերություն նախորդ կինոփառատոնի, որի ժամանակ կինոնկարները ցուցադրվել էին միայն հանրապետության երեք մարզերում, այս փառատոնի ֆիլմերը դիտել են Հայաստանի բոլոր մարզերի բնակիչները[2]։
Կինոփառատոնի շրջանակներում նշվել է հանրահայտ կինեմատոգրաֆիստներ Դմիտրի Կեսայանցի և Հովիկ Հախվերդյանի հոբելյանական երեկոները, ինչպես նաև երեք գրքի շնորհանդես է կայացել։ Դրանցից մեկը «Անկրկների կինոճանապարհ» գիրքն է, որը հրատարակվել է կինոգետ Ռուբեն Մաթոսյանի կողմից։ Գիրքը պատմում է հայկական կինոյի ականավոր ներկայացուցիչների մասին։ Դրանում տեղ են գտել նաև 1920-ականներին հայկական կինեմատոգրաֆիայի հիմնադրումից մինչև մեր օրերը հանրահայտ կինեմատոգրաֆիստների կյանքի և գործունեության մասին պատմություններ։ Գրքի շնորհանդեսի ժամանակ կինոգետն առաջարկել է հանրակրթական դպրոցներում «Հայկական կինո» առարկան ներառելու գաղափարը։
Երկրորդ ազգային կինոփառատոնի փակումը տեղի է ունեցել հոկտեմբերի 28-ին Երևանի Մոսկվա կինոթատրոնում։ Փակման արարողության ժամանակ, իր ելույթում մշակույթի նախարարի տեղակալ Արթուր Պողոսյանը հույս է հայտնել, որ հետագայում ևս ծրագիրը կհավաքի լեփ-լեցուն դահլիճներ[1]։
Մեկնաբանություն խմբագրել
Հայաստանի ազգային կինոկենտրոնի տնօրեն Գևորգ Գևորգյանը փառատոնի փակման արարողության ժամանակ նշել է՝
|
Ռուզան Բագրատունյանի նախաձեռնությամբ, անցյալ տարի առաջին անգամ մեկնարկած, «Կինոաշուն» փառատոնի հիմնական նպատակը մեր հանդիսատեսին կինոն վերադարձնելն է, ողջ Հայաստանում հայրենական կինոն տարածելը, հասարակության բոլոր շերտերին դիտումները հասանելի դարձնելը։ | 
|
Ծանոթագրություններ խմբագրել
- ↑ 1,0 1,1 ИА PanARMENIAN // Завершилась программа Армянского национального кино “Киноосень 2011” //29 октября 2011
- ↑ «Կինոաշուն-2011»-ը մեծ առաջընթաց է արձանագրել