Բացել գլխավոր ցանկը

Կիլիան Մբապպե

ֆրանսերեն ֆուտբոլիստ

Կիլիան Մբապպե (ֆր.՝ Kylian Mbappé, դեկտեմբերի 20, 1998(1998-12-20)[1], 19th arrondissement of Paris, Փարիզ, Ֆրանսիա), ֆրանսիացի պրոֆեսիոնալ ֆուտբոլիստ: Ներկայումս հանդես է գալիս Պարի Սեն-Ժերմենի և Ֆրանսիայի ազգային հավաքականի կազմում։ Խաղում է հարձակվողի դիրքում։

Football pictogram.svg
Կիլիան Մբապպե
Kylian Mbappé
Kylian Mbappé France.jpg
Մբապպեն Ֆրանսիայի հավաքականի կազմում 2018 թվականին
Անձնական տվյալներ
Ամբողջական անուն Kylian Mbappé Lottin
Քաղաքացիությունը Ֆրանսիա Ֆրանսիա
Ծննդյան ամսաթիվ դեկտեմբերի 20, 1998(1998-12-20)[1] (20 տարեկան)
Ծննդավայր 19th arrondissement of Paris, Փարիզ, Ֆրանսիա
Հասակ 179 սմ
Քաշ 73 կգ
Դիրք հարձակվող
Ակումբային տեղեկություններ
Ներկա ակումբ Ֆրանսիա Պարի Սեն-Ժերմեն
Համար 7
Պատանեկան կարիերա
2004-2013 Ֆրանսիա Բոնդի
2011-2013 Ֆրանսիա Մոնակո
Մասնագիտական կարիերա*
Տարի Ակումբ Խաղ (գոլ)
2015-2016 Ֆրանսիա Մոնակո B 12 (4)
2015-2018 Ֆրանսիա Մոնակո 41 (16)
2017-2018   Ֆրանսիա Պարի Սեն-Ժերմեն 44 (21)
2018-ներկա Ֆրանսիա Պարի Սեն-Ժերմեն 45 (41)
Ազգային հավաքական
2014 Ֆրանսիա Ֆրանսիա Մ17 2 (0)
2016 Ֆրանսիա Ֆրանսիա Մ19 11 (7)
2017-ներկա Ֆրանսիա Ֆրանսիա 33 (13)

* Մասնագիտական կարիերայում ընդգրկված են միայն առաջնության խաղերը և գոլերը 
ըստ հունվարի 2-ի, 2019:

‡ Ազգային հավաքականի խաղերն ու գոլերը ըստ հունվարի 2-ի, 2019

Բովանդակություն

ԿենսագրությունԽմբագրել

Կիլիան Մբապպեն ծնվել է 1998 թվականի դեկտեմբերի 20-ին Բոնդիում: Նրա հայրը` Վիլֆրիդը ծնունդով Կամերունից է: Նա աշխատում էր «Բոնդի» ֆուտբոլային ակումբի դպրոցում` որպես մարզիչ[2]: Մայրը` Ֆայզանը Ալժիրի ներգաղթյալ[3], եղել է պրոֆեսիոնալ հանդբոլիստ: Վիլֆրիդն ունի որդեգրած տղա` Ժիրես կեմբո-Էկոկոն, ով նույնպես դարձել է պրոֆեսիոնալ ֆուտբոլիստ[4][5]:

Շնորհիվ իր հոր, կարողացավ ընդունվել երկրի լավագույն ֆուտբոլային ակադեմիաներից մեկը`<<Կլերֆոնտեն>>: Հայրը ստիպված է եղել ամեն անգամ կտրել մեծ հեռավորությամբ ճանապարհ, որպեսզի որդին կարողանա մարզվել ակադեմիայում:

Երբ լրացավ Մբապեի տասներեք տարին, նրա մոտ հայտնվեց հնարավորություն ընդունվել Մադրիդի Ռեալ :Նրանով հետաքրքրվում էր Զինեդին Զիդանը: Սակայն հոր հետ խոսակցությունից հետո, հայրը հրաժարվեց որդուն ուղարկել Իսպանիա: Երկու տարի անց, տասնհինգ ամյա Մբապեն կնքեց իր առաջին պրոֆեսիոնալ պայմանագիրը <<Մոնակո>>ի հետ:

Ակումբային կարիերաԽմբագրել

Սկսեց զբաղվել ֆուտբոլով «Կլերֆոնտեն»-ի ակադեմիայում: 2013 թվականին անցավ «Մոնակո»-ի համակարգ, իսկ 2015 թվականին սկսել է իր մեկնարկը մեծահասակների ֆուտբոլում: Նույն թվականի դեկտեմբերի 2-ին ֆրանսիայի առաջնության «Կան» ֆուտբոլային թիմի դեմ խաղում նա 88-րդ րոպեին փոխարինեց Ֆաբիո Կոենտրաոին[6]: Այդ Ժամանակ նա 17 տարեկան էր:Խաղից հետո Մբապպեն սկսեց պարբերաբար ներգրավվել Մոնակոյի խաղերին: Դեկտեմբերի 10-ին մեկնարկել է եվրոգավաթներում` ՈՒԵՖԱ Եվրոպայի Լիգայի «Տոտենհեմ» ակումբի հետ խաղում և աչքի է ընկել գոլային փոխանցումով[7]: Իր առաջին մրցաշրջանում Կիլիան 14 խաղ է անցկացրել , դարձել մեկ գոլի եւ երկու գոլային փոխանցման հեղինակ ,նա միանգամից շրջանցել է Թիեր Անրիին ,դառնալով մրցաշրջանի պատմության մեջ ամենաերիտասարդ դեբյուտանտը եւ ամենաերիտասարդ խաղացողը :

2016 թվականի մարտի 3-ին <<Մոնակո>>ի փոխնախագահ անձնական ինքնաթիռ է ուղարկել Մբապե ընտանիքին, որպեսզի խաղացողի մայրը, հայրը եւ եղբայրը, Փարիզից Մոնակո տեղափոխվեն:

2016/2017 մրցաշրջանում Մբապեն դրսևորեց իր լավագույն որակները , ինչը թույլ թվեց <<Մոնակո >>-ին 17 տարի անց կրկին դառնալ Ֆրանսիայի առաջնության հաղթող։

2016/17 մրցաշրջանի արդյունքում Մբապեն ճանաչվել է Լիգա 1-ի լավագույն երիտասարդ ֆուտբոլիստ[8], որի մասին նա արտահայտվել է հետևյալ կերպ. «Այս մրցաշրջանի ժամանակ ես դարձա բացահայտում, հաջորդ մրցաշրջանում ցանկանում եմ հաստատել այդ մակարդակը: Ոմանք կարծում են, որ ես զարգանում եմ իմ տարիքից արագ, սակայն իրականում ես սովորական 18-ամյա պատանի եմ, ում մարզումների է բերում իր մայրը կամ ակումբային վարորդը»[9]:

Նման հաջողված մրցաշրջանից հետո առաջատար եվրոպական ակումբները քննարկում էին Մբապեի ձեռքբերման հնարավորությունը: Խաղացողի համար հիմնականում պայքարում էին Ռեալ Մադրիդը, Բարսելոնան, Լոնդոնի Արսենալը եւ ֆրանսիական Պարի Սեն-Ժերմենը : Եվ մինչ մամուլը գրում էր , որ ֆուտբոլիստը ընտրել է Մադրիդի Ռեալը, Կիլիանը կրկին խորհրդակցում է հոր հետ եւ որոշում, որ առայժմ շատ վաղ է նրան հեռանալ Ֆրանսիայից:

Կարիերան հավաքականումԽմբագրել

Կիլիան Մբապպեն հավաքագրվել է Ֆրանսիայի երիտասարդական հավաքական 2015 թվականին: Սակայն երիտասարդական հավաքականում չհասավ ոչ մի լուրջ հաջողության:

Մբապպեն սկսեց իր մեկնարկը Ֆրանսիայի ազգային հավաքականի կազմում 2017 թվականի մարտի 25-ին ՖԻՖԱ Աշխարհի առաջնություն 2018 որակավորման փուլ (ՈւԵՖԱ)ի Լյուքսեմբուրգի հավաքականի դեմ խաղում: 18 տարեկան և 95 օրական հասակում նա դարձավ Ֆրանսիայի հավաքականի պատմության ամենաերիտասարդ խաղացողը Մարիան Վիսնեսկիից հետո[10]:

2017 թվականի օգոստոսի 31ին ՉԼ 2018-ում Ֆրանսիայի հավաքականը Նիդեռլանդների դեմ խաղում դուրս գալով խաղադաշտ 76-րդ րոպեին, խփեց իր առաջին գոլը հավաքականի կազմում: 2018 թվականի հունիսի 30-ին ՉԼ-ի 1/8 եզրափակչում Արգենտինայի հավաքականի դեմ խաղում, 64 և 68-րդ րոպեներին դարձավ գոլերի հեղինակ: Այդ խաղում Ֆրանսիան հաղթեց Արգենտինային 4:3 հաշվով: Մբապպեն ճանաչվեց խաղի լավագույն ֆուտբոլիստ: 2018 թ. Աշխարհի գավաթի եզրափակիչ խաղում Կիլիանը 65-րդ րոպեին խփեց իր առաջին գոլը Խորվաթիայի հավաքականի դարպասին: Նրա թիմը 4:2 հաշվով հաղթեց եւ դարձավ աշխարհի չեմպիոն:Մբապպեն ճանաչվեց մրցաշարի լավագույն երիտասարդ խաղացողը:

ՆվաճումներըԽմբագրել

Ակումբային

  Մոնակո

Լիգա 1: 2016-17

  «Պարի Սեն-Ժերմեն»

Լիգա 1: 2017-18 [92]

Ֆրանսիայի գավաթ. 2017-18

Լիգայի գավաթ. 2017-18

Ֆրանսիայի սուպերգավաթակիր. 2019

Ֆրանսիա Մ19

ՈՒԵՖԱ- ի մինչեւ 19 տարեկանների Եվրոպայի առաջնություն. 2016թ.

Ֆրանսիա

ՖԻՖԱ-ի աշխարհի գավաթ. 2018թ.

Անհատական

2016/2017 Ֆրանսիայի լիգայի 1-ին մրցաշրջանի լավագույն ֆուտբոլիստ

2017 թ. Golden boy(Ոսկե տղա)-ի մրցանակակիր

2018 թ. Աշխարհի գավաթի լավագույն երիտասարդ խաղացող

Ընդգրկված է աշխարհի գավաթի խորհրդանշական թիմում `2018թ.

2018թ. Ոսկե գնդակ-ի 4-րդ հավակնորդ

2018թ. Trophée Kopa(Կոպայի մրցանակ) -Առաջին մրցանակակիր

Կիլիան Մբապպեի խաղերը Ֆրանսիայի հավաքականի կազմումԽմբագրել

ԾանոթագրություններԽմբագրել

Արտաքին հղումներԽմբագրել