Կարինե Պողոսյան
Կարինե Պողոսյան (մայիսի 27, 1973, Մխչյան, Արտաշատի շրջան, Հայկական ԽՍՀ, ԽՍՀՄ), ՀՀ ԱԺ 7-րդ, 6-րդ և 5-րդ գումարման պատգամավոր։ 2019 թվականի փետրվարի 2-ից ԱԺ Առողջապահության և սոցիալական հարցերի մշտական հանձնաժողովի անդամ[1]։
| Կարինե Պողոսյան | ||
.png)
| ||
| ||
|---|---|---|
| Կրթություն՝ | Հայկական պետական մանկավարժական համալսարան (1995) | |
| Մասնագիտություն՝ | ֆիզիկոս, մանկավարժ և քաղաքական գործիչ | |
| Ծննդյան օր | մայիսի 27, 1973 (50 տարեկան) | |
| Ծննդավայր | Մխչյան, Արտաշատի շրջան, Հայկական ԽՍՀ, ԽՍՀՄ | |
| Քաղաքացիություն |  ԽՍՀՄ և  Հայաստան
| |
Կենսագրություն խմբագրել
Կարինե Պողոսյանը ծնվել է Արարատի մարզի Մխչյան գյուղում՝ 1973 թվականի մայիսի 27-ին։
Մինչև 1995 թվականը սովորել է Խ. Աբովյանի անվան հայկական պետական մանկավարժական ինստիտուտի ֆիզիկամաթեմատիկական ֆակուլտետում։ Ֆիզիկոս և մանկավարժ է։
1994-2004 թվականներին աշխատել է Արտաշատի թիվ 6 միջնակարգ դպրոցում որպես ֆիզիկայի ուսուցչուհի, իսկ 2004-2009 թվականներին` փոխտնօրեն։ 2009-2012 թվականներին տնօրինել է Արտաշատի թիվ 1 միջնակարգ դպրոցը։
2011 թվականին պարգևատրվել է Արարատի մարզպետի «Լավագույն տնօրեն» պատվոգրով, 2012 թվականին՝ «Պարույր Սևակ» հուշամեդալով, 2016 թվականին պաշտպանության նախարարի կողմից՝ «Վազգեն Սարգսյան» մեդալով։
Քաղաքական գործունեություն խմբագրել
2012-2017 թվականներին եղել է ԱԺ պատգամավոր (թիվ 17 ընտրատարածք)։ Եղել է ԱԺ գիտության, կրթության, մշակույթի, երիտասարդության և սպորտի հարցերի մշտական հանձնաժողովի նախագահի տեղակալ։ Անդամակցել է «Հանրապետական» (ՀՀԿ) խմբակցությանը և եղել է ՀՀԿ անդամ։
2017-2019 թվականներին՝ ԱԺ պատգամավոր («Ծառուկյան» կուսակցությունների դաշինք)։ Անդամակցել է ԱԺ գիտության, կրթության, մշակույթի, երիտասարդության և սպորտի հարցերի մշտական հանձնաժողովին և «Ծառուկյան» խմբակցությանը։
2018 թվականի դեկտեմբերի 9-ին ընտրվել է Ազգային Ժողովի պատգամավոր «Բարգավաճ Հայաստան» կուսակցության թիվ 8 ընտրատարածքի տարածքային ընտրական ցուցակով[2]։
Գիտական գործունեություն խմբագրել
Հեղինակել է գիտամանկավարժական հոդվածներ։
Ընտանիք խմբագրել
Կարինե Պողոսյանը ամուսնացած է և ունի երկու զավակ։
Ծանոթագրություններ խմբագրել
- ↑ «Կարինե Պողոսյանը Ազգային Ժողովի պաշտոնական կայքում».
- ↑ «Կարինե Համլետի Պողոսյան – Deputat» (անգլերեն). Արխիվացված է օրիգինալից 2019 թ․ հուլիսի 19-ին. Վերցված է 2019 թ․ հուլիսի 19-ին.