Կարեն Քոչարյան (հաղորդավար)
Անվան այլ կիրառումների համար տե՛ս՝ Կարեն Քոչարյան (այլ կիրառումներ)
Կարեն Ռոբերտի Քոչարյան (հունվարի 19, 1958, Երևան, Հայկական ԽՍՀ, ԽՍՀՄ), հայ հաղորդավար, ռեժիսոր, լրագրող։
| Կարեն Ռոբերտի Քոչարյան հայ․՝ Կարեն Քոչարյան | |
|---|---|
 | |
| Ծնվել է | հունվարի 19, 1958 (62 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Քաղաքացիություն |  Հայաստան |
| Ազգություն | հայ |
| Կրթություն | Երևանի պետական գեղարվեստա-թատերական ինստիտուտ |
| Մասնագիտություն | դերասան, հեռուստահաղորդավար և ռեժիսոր |
| Աշխատավայր | Լևոն Օրբելու անվան ֆիզիոլոգիայի ինստիտուտ, Կ. Ստանիսլավսկու անվան ռուսական պետական դրամատիկական թատրոն, Հայաստանի հանրային ռադիո, Երևանի պարարվեստի պետական քոլեջ, Ալեքսանդր Պուշկինի անվան թիվ 8 դպրոց, Երկիր Մեդիա և Արմենիա TV |
| Պարգևներ և մրցանակներ | ՀՀ մշակույթի նախարարության ոսկե մեդալ |
ԿենսագրությունԽմբագրել
1976-1980 թթ. սովորել է Երևանի պետական գեղարվեստա-թատերական ինստիտուտի դերասանական բաժնում։ 1975-1976 թթ. աշխատել է ՀԽՍՀ ԳԱԱ Օրբելու անվան ֆիզիոլոգիայի գիտահետազոտական ինստիտուտում` որպես լաբորանտ։ 1976 թվականից խաղացել է Երևանի Ստանիսլավսկու անվան պետական ռուսական դրամատիկական թատրոնում։ 1979 թվականից եղել է հարյուրավոր համերգների և միջոցառումների հանդիսավար։ 1982 թվականին մասնակցել է Հայաստանի պետական հեռուստառադիոյի անցկացրած մրցույթին և 1983 թվականից սկսել է աշխատանքը` որպես հեռուստահաղորդավար։ Սովորել է Մոսկվայի պետական հեռուստառադիոյի համամիութենական ինստիտուտում։ 1991 թվականին եղել է հայկական առաջին անկախ «3-րդ ալիք» հեռուստաընկերության հիմնադիրներից մեկը, որտեղ ունեցել է հեղինակային հաղորդումներ՝ «Աստղեր և ճակատագրեր», «Երևանյան հեքիաթներ», «Բեմեզրի լույսեր»։ 1983-1986 թթ. Երևանի պարարվեստի ուսումնարանում դասավանդել է դերասանի վարպետություն։ 1994-1996 թթ. եղել է «Ամադեուս» երաժշտական կենտրոնի արտ-պրոդյուսեր։ 1999 թվականից ղեկավարում է Երևանի Պուշկինի անվան թիվ 8 դպրոցի «Երևան» գեղագիտական կենտրոնի ժուռնալիստիկայի «Քո տեսախցիկը» ստուդիան և դպրոցի լրատվական կենտրոնը։ 2011-2012 թթ. աշխատել է «Երկիր Մեդիա» հեռուստաընկերությունում, որտեղ վարել է «Երգում է անցյալը» հաղորդումը։ 2012 թվականից «Արմենիա» հեռուստաընկերության «Երկրի գանձերը» հաղորդաշարի սցենարիստն ու հաղորդավարն է[1]։
Բազմաթիվ գրքերի և հոդվածների հեղինակ է։
Ռեժիսորական գործունեությունԽմբագրել
Որպես ռեժիսոր հանդես է եկել տարբեր հեղինակային ֆիլմերում՝
- «Իսկական երևանցի»,
- «Բարություն»,
- «Թբիլիսյան հանդիպումներ»,
- «Հասցեն` Մոսկովյան 17»
- «Բելգիա` 21-րդ դար»,
- «Տիրի առաքյալը»։
ՄրցանակներԽմբագրել
- 1985 թվականին Մոսկվայում կայացած երիտասարդության և ուսանողների 12-րդ համաշխարհային փառատոնի ժամանակ եղել է Հայաստանի տաղավարի գեղարվեստական ղեկավարը և արժանացել դափնեկրի կոչման
- 2008 թ. Մոսկվայի «Կարոտ» փառատոնի ոսկե մեդալ և դիպլոմ
- 2011 թ. ՀՀ մշակույթի նախարարության ոսկե մեդալ
- 2016 թ. ՀՀ մշակույթի նախարարության պատվոգիր