Կարեն Քոչարյան (հաղորդավար)
Անվան այլ կիրառումների համար տե՛ս՝ Կարեն Քոչարյան (այլ կիրառումներ)- Վիքիպեդիայում կան հոդվածներ Քոչարյան ազգանունով այլ մարդկանց մասին։
Կարեն Ռոբերտի Քոչարյան (հունվարի 19, 1958, Երևան, Հայկական ԽՍՀ, ԽՍՀՄ), հայ հաղորդավար, ռեժիսոր, լրագրող։
| Կարեն Քոչարյան | |
|---|---|
 | |
| Ծնվել է | հունվարի 19, 1958 (66 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Քաղաքացիություն |  Հայաստան |
| Կրթություն | Երևանի պետական գեղարվեստա-թատերական ինստիտուտ (1980) |
| Մասնագիտություն | դերասան, հեռուստահաղորդավար և ռեժիսոր |
| Աշխատավայր | Լևոն Օրբելու անվան ֆիզիոլոգիայի ինստիտուտ, Կ. Ստանիսլավսկու անվան ռուսական պետական դրամատիկական թատրոն, Հայաստանի Հանրային Հեռուստաընկերություն, Երևանի պարարվեստի պետական քոլեջ, Ալեքսանդր Պուշկինի անվան թիվ 8 դպրոց, Երկիր Մեդիա և Արմենիա Թի-Վի |
| Պարգևներ և մրցանակներ | |
 Karen Kocharyan Վիքիպահեստում | |
Կենսագրություն
խմբագրել1976-1980 թվականներին սովորել է Երևանի պետական գեղարվեստա-թատերական ինստիտուտի դերասանական բաժնում։ 1975-1976 թվականներին աշխատել է ՀԽՍՀ ԳԱԱ Օրբելու անվան ֆիզիոլոգիայի գիտահետազոտական ինստիտուտում` որպես լաբորանտ։ 1976 թվականից խաղացել է Երևանի Ստանիսլավսկու անվան պետական ռուսական դրամատիկական թատրոնում։ 1979 թվականից եղել է հարյուրավոր համերգների և միջոցառումների հանդիսավար։ 1982 թվականին մասնակցել է Հայաստանի պետական հեռուստառադիոյի անցկացրած մրցույթին և 1983 թվականից սկսել է աշխատանքը` որպես հեռուստահաղորդավար։ Սովորել է Մոսկվայի պետական հեռուստառադիոյի համամիութենական ինստիտուտում։ 1991 թվականին եղել է հայկական առաջին անկախ «3-րդ ալիք» հեռուստաընկերության հիմնադիրներից մեկը, որտեղ ունեցել է հեղինակային հաղորդումներ՝ «Աստղեր և ճակատագրեր», «Երևանյան հեքիաթներ», «Բեմեզրի լույսեր»։ 1983-1986 թվականներին Երևանի պարարվեստի ուսումնարանում դասավանդել է դերասանի վարպետություն։ 1994-1996 թվականներին եղել է «Ամադեուս» երաժշտական կենտրոնի արտ-պրոդյուսեր։ 1999 թվականից ղեկավարում է Երևանի Պուշկինի անվան թիվ 8 դպրոցի «Երևան» գեղագիտական կենտրոնի ժուռնալիստիկայի «Քո տեսախցիկը» ստուդիան և դպրոցի լրատվական կենտրոնը։ Հանդիսանում է նաև Երևանի «Ակադեմիական» ավագ դպրոցի փոխտնօրենը մամուլի և հասարակայնության հետ կապերի գծով։ 2011-2012 թվականներին աշխատել է «Երկիր Մեդիա» հեռուստաընկերությունում, որտեղ վարել է «Երգում է անցյալը» հաղորդումը։ 2012 թվականից «Արմենիա» հեռուստաընկերության «Երկրի գանձերը» հաղորդաշարի սցենարիստն ու հաղորդավարն է[1]։ 2019 թվականից վարում է «Կամուջներ» և «Ամերիկյան հանդիպումներ» հեղինակային համացանցային նախագծերը,հանդիսանալով նաև դրանց սցենարի հեղինակն ու ռեժիսորը։ 2021 թվականի մարտից Հայաստանի հանրային հեռուստաընկերության եթերում վարում է «3-րդ ալիք. Ռետրո» կիրակնօրյա ծրագիրը,հանդիսանալով նաև սցենարի հեղինակ։
Երեք գրքի և բազմաթիվ հոդվածների հեղինակ է։
Ռեժիսորական գործունեություն
խմբագրելՈրպես ռեժիսոր հանդես է եկել տարբեր հեղինակային ֆիլմերում՝
- «Իսկական երևանցի»,
- «Բարություն»,
- «Թբիլիսյան հանդիպումներ»,
- «Հասցեն` Մոսկովյան 17»
- «Բելգիա` 21-րդ դար»,
- «Տիրի առաքյալը»
- «Բոնանե,կամ Ամանորը Փարիզում»
- «Կեսդարյա հոբելյան» https://www.youtube.com/watch?v=wa2gOBPT8IY
- «Բարեկամության թևերով» https://www.youtube.com/watch?v=memGSykAKwo
- «Սարդարապատ» https://www.youtube.com/watch?v=Bu_gXZH5l8Q
- «Ամերիկյան հանդիպումներ»
- «Արվեստների մոգական աշխարհում» ֆիլմաշար
- «Արթուր Գրաբսկի.Բժիշկ.Մարդ.Քաղաքացի.» https://www.youtube.com/watch?v=_9S3EMEVY88
- «Կանգ առ ժամանակ» տեսահոլովակ երաժշտությունը՝Եվա Զարգարյան-Եղոյանցի, խոսք՝Լիլիթ Հեյբաթյանի 2018 թվական https://www.youtube.com/watch?v=oajHQAJ1xIQ
- «Իմ Արցախ աշխարհ» տեսահոլովակ երաժշտությունը՝Եվա Զարգարյան-Եղոյանցի, խոսք՝Լիլիթ Հեյբաթյանի 2020 թվական https://www.youtube.com/watch?v=JfXMirAtGhs
Մրցանակներ
խմբագրել- 1985 թվականին Մոսկվայում կայացած երիտասարդության և ուսանողների 12-րդ համաշխարհային փառատոնի ժամանակ եղել է Հայաստանի տաղավարի գեղարվեստական ղեկավարը և արժանացել դափնեկրի կոչման
- 2008 թվականին Մոսկվայի «Կարոտ» փառատոնի ոսկե մեդալ և դիպլոմ
- 2011 թվականին ՀՀ մշակույթի նախարարության ոսկե մեդալ
- 2016 թվականին ՀՀ մշակույթի նախարարության պատվոգիր
- 2018 թվականին Երևանի քաղաքապետարան ոսկե մեդալ
- 2018 թվականին Հայաստանի թատերական գործիչների միություն Ոսկե մեդալ
- 2018 թվականին Երևանի Պուշկինի անվան թիվ 8 դպրոցի № 1 Ոսկե մեդալ «Պատվավոր պուշկինցի»
- 2022 թվականին Հայաստանի Հանրապետության նախագահ Մովսես Խորենացու մեդալ