Կարեն Խաչատրյան (պատմաբան)
- Անվան այլ կիրառումների համար տե՛ս՝ Կարեն Խաչատրյան (այլ կիրառումներ)
- Վիքիպեդիայում կան հոդվածներ Խաչատրյան ազգանունով այլ մարդկանց մասին։
Կարեն Համլետի Խաչատրյան (մայիսի 25, 1969, Երևան, Հայկական ԽՍՀ, ԽՍՀՄ), պատմաբան, պատմական գիտությունների թեկնածու, դոցենտ։
Կարեն Խաչատրյան | |
---|---|
Ծնվել է | մայիսի 25, 1969 (54 տարեկան) |
Ծննդավայր | Երևան |
Քաղաքացիություն | Հայաստան |
Ազգություն | հայ |
Կրթություն | Երևանի պետական համալսարան |
Գիտական աստիճան | պատմական գիտությունների դոկտոր |
Մասնագիտություն | պատմաբան |
Աշխատավայր | ՀՀ ԳԱԱ պատմության ինստիտուտ |
Կենսագրություն խմբագրել
Ծնվել է 1969 թ. մայիսի 25-ին Երևանում։ 1986 թվականին դպրոցն ավարտելուց հետո ընդունվել է Բելառուսի պետական համալսարանի պատմության ֆակուլտետը։ 1987-1989 թվականներին ծառայել է Խորհրդային բանակում։ Զորացրվելուց հետո 1989 թվականին տեղափոխվել է Երևանի պետական համալսարանի պատմության ֆակուլտետ, որն ավարտել է 1993 թվականին։ 1995 թվականի փետրվարից աշխատանքի է անցել ՀՀ ԳԱԱ Պատմության ինստիտուտում` նախ որպես ավագ լաբորանտ, ապա` կրտսեր գիտաշխատող, գիտաշխատող, ապա ավագ գիտաշխատող։ 1998 թ. պաշտպանել է թեկնածուական ատենախոսություն։ 1998-2008 թվականներին զբաղեցրել է ՀՀ ԳԱԱ Պատմության ինստիտուտի գիտական քարտուղարի պաշտոնը։ 2008 թվականից ՀՀ ԳԱԱ պատմության ինստիտուտի գիտական հարցերի գծով փոխտնօրենն է։ Մինչև 2010 թվականը Պատմության ինստիտուտում գործող ՀՀ ԲՈՀ-ի 004 ՙՀայոց պատմության՚ մասնագիտական խորհրդի գիտական քարտուղարն էր։ Հեղինակ է մոտ երեք տասնյակ գիտական հոդվածների, ուսումնամեթոդական ձեռնարկի և 2 մենագրությունների։ Զեկուցումներով հանդես է եկել միջազգային և հանրապետական մի շարք գիտաժողովներում։ Նա ՀՀ ԳԱԱ Գիտակրթական միջազգային կենտրոնի մագիստրատուրայի Պատմության և միջազգային հարաբերությունների ամբիոնի վարիչ է, եղել է Երևանի Հրաչյա Աճառյան համալսարանի Միջազգային հարաբերությունների և քաղաքագիտության ամբիոնի դոցենտ։ 2015 թ. դեկտեմբերի 28-ին պաշտպանել է դոկտորական ատենախոսություն։ 2016 թ. նրան շնորհվել է պատմական գիտությունների դոկտորի գիտական աստիճան[1]։
Երկեր խմբագրել
Գրականություն խմբագրել
- Երևանի պետական համալսարանի 90-ամյա պատմության ֆակուլտետը, խմբ. Էդիկ Գ. Մինասյան, Երևան, 2009, էջ 353։