Կարապետ Ավագյան
- Վիքիպեդիայում կան հոդվածներ Ավագյան ազգանունով այլ մարդկանց մասին:
Կարապետ (Կարպիս) Գալուստի Ավագյան (նոյեմբերի 1, 1908[1] կամ սեպտեմբերի 1, 1908[2], Վառնա, Բուլղարիա[1][2] - հուլիսի 11, 1967[1][2], Բուխարեստ, Ռումինիա[1][2]), հայ ջութակահար, մանկավարժ։
| Կարապետ Ավագյան | |
|---|---|
| Ծնվել է | նոյեմբերի 1, 1908[1] կամ սեպտեմբերի 1, 1908[2] Վառնա, Բուլղարիա[1][2] |
| Երկիր | .svg){kind=small} Ռումինիա |
| Մահացել է | հուլիսի 11, 1967[1][2] (58 տարեկան) Բուխարեստ, Ռումինիա[1][2] |
| Մասնագիտություն | ջութակահար և երաժշտության դասախոս |
| Գործիքներ | ջութակ |
| Աշխատավայր | Բուխարեստի ազգային երաժշտական համալսարան[1][2] |
| Կրթություն | Բուխարեստի ազգային երաժշտական համալսարան[1] |
ԿենսագրությունԽմբագրել
Ծնվել է սեպտեմբերի 1-ին 1908 թվականին, Վառնայում (Բուլղարիա)։ Ավարտել է Բուխարեստի պետական կոնսերվատորիան։ 1940-1948 թվականներին եղել է Զինվորական երաժշտական ինստիտուտի, 1949 թվականից Չ. Պորումբեսկուի անվան պետական կոնսերվատորիայի (Բուխարեստ) պրոֆեսոր, 1962 թվականից՝ նաև լարային գործիքների ամբիոնի վարիչ։ Հրատարակել է ջութակի նվագի կատարելագործման ձեռնարկ։ Նրան աշակերտել են ԱՄՆ-ից, Շվեդիայից, Ֆինլանդիայից, Չինաստանից, Շվեյցարիայից և այլ երկրներից եկած ջութակահաբներ։ Ավագյանը եղել է Պյոտր Չայկովսկու, Ջ. էնեսկուի անվան միջազգային մրցույթների ժյուրիի անդամ, հրավիրվել է ջութակի դասընթացներ վարելու Սիենայում (Իտալիա) և Ստոկհոլմում։ Երաժշտական մշակույթին մատուցած ծառայությունների համար Ավագյանը պարգևատրվել է ՌՍՀ շքանշաններով։ Նա իր մասնակցությունն է բերել նաև հայ գաղթավայրի մշակութային միջոցառումներին։ 1969 թվականից, Բուխարեստում, Ավագյանի ապրած տանը, բացվել է տարբեր երկրների ու ժամանակների գեղարվեստական հազվագյուտ առարկաների՝ նրա հավաքածուի ցուցահանդես-թանգարանը։ Գրել է աշխատություններ Կրեյցերի, Ռոդեի, Ֆիորիլոյի, Սազասի, Ի. Բախի, Ջորջե Էնեսկուի ստեղծագործությունների վերաբերյալ։ Մահացել է 1967 թ. հուլիսի 11-ին, Բուխարեստում։
ԾանոթագրություններԽմբագրել
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 1, էջ 600)։ 
|